Ծխելու դեմ պայքարելը հեշտ է
Կառավարությունը որոշել է ակտիվ պայքարել ծխելու դեմ: Ծխախոտի գների բարձրացման հիմք են հանդիսանում ԵՏՄ նորմատիվները, ըստ որոնց, Հայաստանում ծխախոտի ակցիզային հարկը պետք է տարեցտարի թանկանա: Կառավարությունն էլ իր հերթին այս ամենին ավելացրել է ծխելու դեմ պայքարի ռազմավարություն:
Ինչու՞ պայքարել հենց ծխելու դեմ: Որովհետև դա հեշտ պայքար է և կան բոնուսներ: Նախ այդ պայքարը քաղաքացիների ծխող հատվածի դեմ է, ոչ թե օրինակ որևէ կոռումպացված հիմնարկի կամ անհատի: Հետո էլ, քաղաքացիների մյուս ՝ այսպես ասած չծխող-առաջադեմ հատվածը կարող է ոգևորվել այս դասակարգային թվացող պայքարից և կառավարության հանդեպ հավելյալ սիմպատիաներ ունենալ: Ինչն, իհարկե, ներդրումները ձախողած վարչապետի ու նրա թիմի համար հույժ կարևոր ՝ դատարկ տեղը ծածկելու համար:
Ծխելն, անշուշտ, լավ բան չէ և դրա դեմ պայքարում են շատ տեղերում: Ծիծաղելի են նաև հակառակ պնդումներն այն մասին, թե եթե աշխատանք լինի մարդիկ չեն ծխի կամ որ մարդիկ դարդից են ծխում: Ծխողը ծխում է ամեն պարագայում: Հարցն այլ տեղ ՝ միթե ծխելու դեմ պայքարի արդյունավետությունն ու կարևորությունն այնքան մեծ է, որ այն դարձել է կառավարության նոու-հաուներից մեկը, կարծես ռազմավարության, մեդիաքարոզչության հիմնական կռվաններից գլխավորը: Այլ խնդիրներ չկա՞ն:
Խնդիրներ շատ կան: Բայց խոսենք այն խնդիրների մասին, որոնք ուղղակիորեն կապ ունեն ծխելու դեմ պայքարի հետ: Ծխելու դեմ պայքարում են մի երկրում, որի մայրաքաղաքում մեքենաների խցանման ժամանակ ծխե ամպեր են գոյանում, որտեղ շինարարությունը արտադրում է փոշու ահռելի քանակություն, որտեղ կա Նուբարաշենի պես աղբանոց: Այս բոլոր հանգամանքները ավելի քան ծուխը ազդում են թոքերի առողջության վրա:
Կամ ՝ քանի հանրային տարածք և այգի է կառուցվել, որոնք մաքուր օդով կլցնեին մեր առօրյան: Ըստ էության, բացի Թումոյի ջանքերով կարգի բերված Թումանյանի այգուց, Երևանում չկա որևէ այլ այգի, որտեղ բարեկարգ միջավայր և բավարար քանակությամբ կանաչ տարածություն կլինի: Իշխանությունները նախընտրում են ծաղիկ տնկել ամայի հողատարածքում կամ ուսխորհրդների հետ միասին ծառատունկ անել ՝ բնականաբար պայմանով, որ հետո չեն ջրելու այդ ծառերը:
Եթե մի բան արվում է, դա պիտի տեղավորվի կոնցեպտի մեջ: Եթե կոնցեպտն այս դեպքում առողջ ապրելակերպն ու մաքուր օդն են, ապա կառավարությունը կրկին ձախողել է և բացի մի խումբ չծխողների համակրանքը շահելուց, ուրիշ ոչնչի չի հասնելու:
Արտակ Ասլանյան, Lraber.info
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
