Արման Վարդանյան. Նիկոլ Փաշինյանի լեգիտիմության մակարդակը 9,5% է
«Միասնություն» համազգային շարժման ղեկավար Արման Վարդանյանը գրառում է կատարել իր ֆեյսբուքյան էջում.
Գ. Վ. Պլեխանովի անվան Ռուսաստանի տնտեսագիտական համալսարանի երևանյան մասնաճյուղի հոգաբարձուների խորհրդի նախագահ, «Միասնություն» շարժման հիմնադիր Արման Վարդանյանը ֆեյսբուքյան գրառմամբ հայտնում է․
«Երևանի ավագանու ընտրությունները հստակորեն հաստատեցին մի կարևոր հանգամանք. Նիկոլ Փաշինյանի գլխավորած իշխանությունն այժմ չունի լեգիտիմ իրավունք՝ ներկայացնելու հայ ժողովրդին ու նրա շահերը Արցախի հիմնախնդրի և դրա լուծման բանակցություններում, Հայաստանի տնտեսության զարգացման հարցում, ՀԱՊԿ շրջանակներում ռազմավարական դաշնակիցների հետ հարաբերություններում։
Այս ընտրությունները բացահայտեցին այն, ինչ մենք վաղուց ասում էինք. Փաշինյանի և նրա թիմակիցների արկածախնդրությունն այս մարտավարական և ռազմավարական հարցերում զայրացրել են հայ ժողովրդին, հանգեցրել նրա նկատմամբ հանրային վստահության և Փաշինյանի ռեժիմի լեգիտիմության կորստի։
Ընտրություններին մասնակցել է ընտրելու իրավունք ունեցողների 28,94 տոկոսը։ Նրանցից 33,81 տոկոսը քվեարկել է իշխող «Քաղաքացիական պայմանագիր» կուսակցության օգտին, ինչը կազմում է ընտրություններին մասնակցելու իրավունք ունեցող քաղաքացիների միայն 9,5 տոկոսը։ Հաշվի առնելով, որ իշխանությունը մոբիլիզացրել է իր ողջ ընտրական ռեսուրսը, ստացվում է, որ հենց այս 9,5 տոկոսը առավելագույն արդյունքն է, որին Փաշինյանն ու իր կուսակցությունը կարողացան հասնել մայրաքաղաքի ավագանու ընտրություններում։
Անկախ նրանից, թե ով կդառնա քաղաքապետ, մի բան պարզ է. Փաշինյանը ջախջախիչ պարտություն է կրել Երևանի ավագանու ընտրություններում՝ դրանով իսկ բացահայտելով իր թիմի անարդյունավետությունն ու մարդկանց ճնշող մեծամասնության հիասթափությունը նրանից։ Դա թիմային պայքար էր, որը ղեկավարեց անձամբ ինքը՝ հրապարակավ կոչ անելով ձայն տալ Տիգրան Ավինյանի օգտին և պատասխանատվություն ստանձնելով ընտրությունների արդյունքների համար։ Այսպիսով, սա առաջին հերթին Նիկոլ Փաշինյանի, իսկ հետո միայն Տիգրան Ավինյանի ու ՔՊ-ի մյուս անդամների բացահայտ պարտությունն է։
Հաշվի առնելով խորը քաղաքական ճգնաժամային իրավիճակը՝ կոչ եմ անում բոլոր հասարակական-քաղաքական ուժերին խորհրդակցություններ սկսել՝ երկիրը արտահերթ խորհրդարանական ընտրություններին նախապատրաստելու համար, ինչը միակ ելքն է այս անհեթեթ իրավիճակից։ Ընդամենը 9,5 տոկոս ձայն ունեցող քաղաքական ուժը չի կարող և իրավունք չունի շարունակելու միանձնյա որոշումներ կայացնել երկրի ու մեր սերունդների ճակատագրի վերաբերյալ։ Ես չեմ ուզում, որ քաղաքական կուսակցությունը, անկախ իր անունից, որն ունի այդքան ցածր վստահության վարկանիշ, որոշի մեր երեխաների ու մեր պետության ճակատագիրը։
Այս իրավիճակում միակ լուծումը համախմբվելն է, նոր օրակարգ ձևավորելն ու նոր ընտրությունների գնալը՝ առանց ատելության, առանց մարդկանց «սևերի» ու «սպիտակների» բաժանելու, ինչպես քաղաքացիների վստահությունը կորցրած Փաշինյանի ներկայիս իշխանությունն է անում։ Միայն ժողովրդի վստահությունը վայելող նոր խորհրդարանը կկարողանա երկիրը տանել դեպի զարգացում և լուծել մեր պետության առջև ծառացած բոլոր, այդ թվում՝ ամենաբարդ, ռազմավարական խնդիրները»։
Очередной «пузырь» на политическом поле лопнул. «Паст»
«Когда соответствующие органы годами закрывают на всё глаза» «Паст»
«Россия с вами» — помощь, которую ждут
Армения–Иран. Сильное партнёрство государств и общность ценностей народов. Арман Варданян
Армения приветствовала резолюцию ГА ООН о создании, реализации и пересмотре мандатов
Ужас на дорогах Армении. «Паст»
Пашинян втягивает Армению в очень опасную «игру». «Паст»
Снова на те же грабли. «Паст»
Трамп принял 10 требований Ирана перед двухнедельным перемирием
Минтруда Армении представило на общественное обсуждение проект жилищного обеспечения многодетных сем...
