Գագիկ Մարտիրոսյանը ուրանի հա՞նք է շահագործելու. նա կտրականապես հերքում է. «Փաստ»
«Փաստ» օրաթերթը գրում է.
Վայոց ձորի մարզի Գլաձոր և Վերնաշեն համայնքների տարածքում բազմամետաղային հանքավայրի շահագործման վերաբերյալ բազմաթիվ աղմկոտ պատմություններ են եղել:
Անցյալ տարվա մայիսին ու դեկտեմբերին երկու գյուղերի բնակիչները ստորագրահավաքներ կազմակերպելուց հետո մեծ հավաքներ կազմակերպեցին, որպեսզի արգելեն հանքավայրերի շահագործումը:
Երկրի իշխանություններին ուղղված նամակներում նրանք նշում են, որ շահագործման դեպքում կոչնչանան Վերնաշենի 80 հա ջրովի հողերը՝ ծիրանի, խաղողի, խնձորի այգիներով: Խմելու ջրից կզրկվեն Վերնաշեն ու Գլաձոր գյուղերը, կոչնչանան 12 հա խաղողի այգիները, այդ տարածքում 120 տնտեսություն սեփականաշնորհված հողեր ունեն, որոնցից մարդիկ կզրկվեն, կաղտոտվեն Հերհեր, Արփա գետերը, Մալիշկա վտակը: Նշվում է, որ այս տարածքում հանքը շահագործվել է 1951–63 թթ. և փակվել: Ովքեր աշխատել են այն ժամանակ, բոլորը մահացել են թոքի քաղցկեղից:
Հիշյալ հանքավայրի շահագործումը փորձում է կատարել «Վայկ մետալ» ընկերությունը, որի սեփականատերը Արամ Օսիկյանն է, տնօրենը՝ իր փեսան՝ Արթուր Տեր–Սիմոնյանը, ով Կառավարության վարկային և մարդասիրական օգնության ծրագրերի վարչության պետ Սիմոն Տեր–Սիմոնյանի որդին է:
Բայց, ահա, օրերս նոր տագնապ է հնչեցվել Գլաձորում և Վերնաշենում: Բնակիչների պնդմամբ, այս անգամ էլ գործին միջամտում է ՀՀ վարչապետի գլխավոր խորհրդական Գագիկ Մարտիրոսյանը: Անհանգիստ են, որովհետև համարում են, որ Մարտիրոսյանն այնքան թափով մարդ է, որ եթե իսկապես ուզում է ուրանի հանքերը բացել՝ կբացի: Ժամանակին՝ 2010–ին, նա ուսումնասիրություններ է կատարել այստեղ, և ըստ գլաձորցիների, ոչինչ չհայտնաբերելով, փակել է իր ընկերությունը և դադարեցրել ուսումնասիրությունները:
Մենք զանգահարեցինք Գ. Մարտիրոսյանին՝ ճշտելու լուրը, օգնականը խոստացավ փոխանցել մեր հարցը, երբ Մարտիրոսյանն ազատվի խորհրդակցությունից: Երեկոյան զանգահարեց օգնականը և հայտնեց, որ Գագիկ Մարտիրոսյանը կտրականապես հերքում է և շատ զարմացած է այդ լուրից:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
