«Էմ Ջի Էմ Փարտներս» իրավաբանական ընկերությունը իր խորին մտահոգությունն է արտահայտում դատական իշխանության համակարգում տիրող իրավիճակի առնչությամբ
Վաղը Հայաստանում կնշեն Սահմանադրության եւ պետական խորհրդանիշների օրը, կհնչեն ուղերձներ Սահմանադրության պահպանման, պետական խորհրդանիշների նկատմամբ հարգանքի, իրավական, ժողովրդավար պետություն կառուցելու ճանապարհին մեր ունեցած ձեռքբերումների մասին։
Իսկ ընդամենը երեկ Բարձրագույն դատական խորհուրդը, փակ դռների ետեւում քննելով Արդարադատության նախարարի կողմից հարուցված վարույթները, գրչի մի հարվածով դադարեցրեց 4 դատավորի լիազորություն՝ աղճատելով սահմանադրությամբ ամրագրված դատական իշխանության անկախության երաշխիքները, չարաշահելով կարգապահական վարույթներ հարուցելու լիազորությունը, ոտնահարելով դատավորների խոսքի ազատության իրավունքը, խոչընդոտելով լրատվամիջոցների գործունեությունը։
«Էմ Ջի Էմ Փարտներս» իրավաբանական ընկերությունը իր խորին մտահոգությունն է արտահայտում դատական իշխանության համակարգում տիրող իրավիճակի առնչությամբ: Ընդամենը մեկ ամիս առաջ՝ 2023 թվականի հունիսի 2-ին Աթենքում տեղի ունեցած Դատավորների եվրոպական միության (European Association of Judges) տարեկան համաժողովում գրեթե միաձայն 40-ից ավելի անդամ երկրների պատվիրակների քվեարկությամբ ընդունվեց Հայաստանում դատավորների անկախության արդի մարտահրավերների վերաբերյալ Բանաձևը, ինչն իր քննադատական շեշտադրումներով աննախադեպ էր Հայաստանի դատական իշխանության ողջ պատմության մեջ:
Այդ բանաձևում խիստ տոնայնությամբ դատապարտվում էին այնպիսի երևույթներ, ինչպիսիք են Բարձրագույն դատական խորհրդի կողմից կարգապահական վարույթների բացահայտ չարաշահումը, դատավորների ազատ խոսքի անհամաչափ սահմանափակմանն ուղղված անթույլատրելի միջամտությունները՝ «խոսնակների ցանցի» ներդրման միջոցով, Բարձրագույն դատական խորհրդի դատավոր անդամների թեկնածությունների առաջադրման թափանցիկության բացակայությունը և այլն: Ընդ որում, հատուկ ընդգծվել էր, որ նույն այդ թերությունները բարձրաձայնելու համար դատավորներ Զարուհի Նախշքարյանի և Դավիթ Հարությունյանի նկատմամբ հարուցվել են կարգապահական վարույթներ:
Ողջամտորեն կարելի էր հանգել այն եզրակացության, որ միջազգային այս հեղինակավոր կառույցի Բանաձևից պատկան մարմինները անհրաժեշտ հետևություններ կանեին և գոնե մասնակի կվերանայեին իրենց արատավոր գործելաոճը, մինչդեռ՝ արձանագրվում է ճիշտ հակառակ գործընթացը: Անտեսելով նշված բանաձևի և, վերջին հաշվով Երկրի հիմնական օրենքի՝ դատական իշխանության անկախության երաշխավորման առաքելությունը, Բարձրագույն դատական խորհուրդը դրսևորեց իրավունքի գերակայությունը ստվերելու անասելի համառություն:
«Էմ Ջի Էմ Փարտներս» իրավաբանական ընկերությունը դատապարտում է դատավորների նկատմամբ բացահայտ ապօրինի ոտնձգությունների միջոցով դատական իշխանությունը կառավարելի ու վերահսկելի դարձնելու նկրտումները և կոչ է անում սթափվել, զերծ մնալ հետագա ապօրինի քայլերից, գիտակցել, որ անկախ դատական իշխանությունը սահմանադրականության, մարդու հիմնական իրավունքների պաշտպանության ամենակարևոր գրավականն է:
Մեր թիմը խիստ հետևողականորեն հանդես է գալու դատական իշխանության անկախության երաշխավորման պաշտպանության դիրքերում, քանզի միայն այդ կեցվածքով է հնարավոր լիարժեք ապահովել մարդու արդար դատաքննության սահմանադրական իրավունքը։
Ուստի՝ վաղվա տոնին ընդառաջ եւ երեկվա իրադարձությունների ֆոնին ավելորդ չենք համարում կոչ անել իրավասու սուբյեկտներին խստորեն հարգել եւ պահպանել Սահմանադրությունը, դրանով ամրագրված իշխանությունների բաժանման և հավասարակշռման սկզբունքը, այլապես վաղվա շնորհավորանքները արժեզրկվում են սահմանադրության ամենօրյա ոտնահարման ֆոնին։
Юнибанк разыграет поездку в Италию среди новых держателей карт Mastercard World «Travel»
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
