Կարևոր է խոսել հանքարդյունաբերության ոլորտում որակյալ ներդրումների ներգրավման մասին․ ԶՊՄԿ տնօրեն
Կառավարության համար ներդրումներ ներգրավելը և գրավչությունը բարձրացնելն ինքնանպատակ չէ: Այս մասին հանքարդյունաբերության ոլորտի ներկայացուցիչների հետ ոլորտի ռազմավարության շուրջ կլոր սեղան քննարկման ընթացքում նշեց Տեղական կառավարման և ենթակառուցվածքների փոխնախարար Հովհաննես Հարությունյանը։
«Մեզ համար շատ կարևոր է, որ մենք ապրենք մի այնպիսի միջավայրում, մեր սերունդներին ժառանգենք այնպիսի պետություն, որտեղ ստանդարտները կլինեն հստակ և բոլորի համար կանխատեսելի: Գաղտնիք չէ, որ շատ կարևոր ֆինանսական կազմակերպություններ իրենց ներդրումներն իրականացնելու համար այնպիսի տարածաշրջաններ են ընտրում՝ որտեղ կան հստակ ստանդարտներ, և այդ ստանդարտները կանխատեսելի են»,- ասաց նա։
Հարությունյանը նշում է՝ միջազգային ներդրողները ծրագրերը դիտարկելիս առաջնահերթությունը տալիս են երկրում ստանդարտների առկայությանը, և եթե դրանք չկան, մեծ դժվարություններ են առաջանում ծրագրերի իրականացման հարցում:
Հանքագործների մետալուրգների միության նախագահի խորհրդական Հայկ Ակարմազյանը կարծիքով՝ միջազգային ստանդարտներին մեր երկրի և ոլորտի համապատասխանությունը, պետք է լիներ ոչ թե որպես նպատակ, այլ որպես նպատակին հասնելու եղանակ, և նպատակ պետք էր ընտրել ներդրումային գրավչությունը։
«Մեր ոլորտում առկա խնդիրները, որոնք բոլորս գիտենք, իմ կարծիքով, հնարավոր է լուծել միայն ֆինանսական ներդրումների շնորհիվ: Մեր թիվ մեկ խնդիրը պետք է լինի հնարավորինս շատ ներդրումներ ներգրավելը, որպեսզի կարողանանք հասնել նրան, որ մեր երկրում լինի միջազգային մակարդակի հանքարդյունաբերություն»,- ասաց Ակարմազյանը։
Ի պատասխան Զանգեզուրի պղնձամոլիբդենային կոմբինատի՝ կայուն զարգացման գծով տնօրեն Արմեն Ստեփանյանը նշեց, որ իր խորին համոզմամբ՝ միջազգային ստանդարտների և ներդրումների գրավչությունը պետք է նայել մեկ հարթակի վրա։
«Մենք պետք է ձգտենք ոչ միայն ներդրումների գրավչությունը շատացնել, այլ կարևոր է որակյալ ներդրումների մասին խոսելը, այսինքն՝ ինչ ֆինանսական հաստատությունների, ինչ կազմակերպությունների կողմից են այդ ներդրումներն արվում, իսկ դրանք արդեն իրենք իրենց կողմից արդեն ինստիտուցիոնալ մոտեցման հետևանքով բերում են ստանդարտներ:
Այսպիսով, ստանդարտներն ու ներդրումները կարելի է դիտարկել երկու նպատակներ, քանի որ ներդումներին հասնելու համար շատ կարևոր է, որ նախևառաջ սահմանենք, թե որ ստանդարտների մասին է խոսք գնում, և արդեն տեսլականին հասնելու համար միանշանակ պետք է արձանագրենք ինչ-որ միջին ստանդարտ, որին կհամապատասխանեն բոլոր հանքարդյունաբերողները»,- ասաց նա:
Ստեփանյանի խոսքով՝ ուրախալի փաստ է, թե որքան հաճախ է հիշատակվում բնապահպանական, սոցիալական և կառավարչական ստանդարտների կիրարկումը ռազմավարության մեջ։
«Ակնհայտ է՝ որպես ուղենիշ ընտրված, որ այս ռազմավարությունն առնվազն այդ տեսանկյունից ճիշտ ուղենիշներ է սահմանում: Ներդրումների տեսանկյունից ցանկալի կլիներ, որ ավելի շատ շեշտադրումներ արվեր ռազմավարության մեջ: Բացի այդ կարևոր է որակյալ ներդրումների հարցը ռազմավարական մակարդակի բարձրացնելն ու դրանով առաջնորդվելը ապագայում»,- նշեց ԶՊՄԿ տնօրենը։
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
