Քանոն, դուդուկ ու դհոլ Աչաջրի երաժշտական դպրոցին՝ ամերիկաբնակ երաժիշտների շնորհիվ. «Փաստ»
«Փաստ» օրաթերթը գրում է.
Երեկ Երևանում «Ունիսոն» դուետի կողմից բարեգործական համերգ էր կազմակերպվել, որ նպատակ ուներ օգնել սահմանամերձ գյուղերում երաժշտական դաստիարակության բարելավմանն ու առհասարակ՝ մարդկանց ուշադրությունը գրավել այդ գյուղերի խնդիրներին: «Ունիսոն» երաժշտական դուետը հիմնվել էր նախորդ տարի Լոս Անջելեսում դաշնակահար Շուշան Հակոբյանի և ջութակահար Ռուբեն Աղինյանի կողմից: Նրանք տարբեր համերգներով հանդես են գալիս Լոս Անջելեսում՝ համախմբելով իրենց շուրջ մի խումբ հայ և օտարազգի երաժիշտների: Բարեգործական համերգներ այս դուետի կողմից նախկինում նույնպես կազմակերպվել են: 2016 թ. ապրիլյան պատերազմի հերոսներին օգնելու նպատակով «Ունիսոնը» համերգներ կազամերպեց թե՛ Ամերիկայում և թե՛ Հայաստանում:
«Պահպանենք հայկական սահմանները հոգեպես ուժեղ» նշանաբանով առաջնորդվող երաժիշտներն այս անգամ որոշեցին օգնել և իրենց ներդրումն ունենալ Տավուշի մարզի Աչաջուր համայնքի երաժշտական դպրոցի զարգացմանը: Իրենց հայաստանաբնակ ընկերների միջոցով երաժիշտները իմացան գյուղի երաժշտական դպրոցի՝ գործիքների պակաս ունենալու խնդրի մասին և նպատակ դրվեց անպայման օգնել:
Շուշանն ու Ռուբենը ճամպրուկները կապեցին ու ուղևորվեցին Երևան: Այստեղ նրանք, իհարկե, դատարկ ձեռքերով չեկան: Արդեն իսկ հաջողվել էր հավաքվել 800 ԱՄՆ դոլար: «The Club» ակումբում տեղի ունեցած երևանյան համերգին նրանց միացան նաև Իրինա Զաքյանը(սոպրանո) և Վահան Գրիգորյանը(թավջութակ): Համերգին մասնակցեց նաև Շուշաննա Կայմետլյանը, ով նույնպես Լոս Անջելեսից էր և եկել էր Հայաստան «Ոսկե Ձայն» միջազգային մրցույթին մասնակցելու:
Շուշան Հակոբյանը, համերգից առաջ դիմելով հանդիսատեսին, ասաց, որ գոնե տարին մեկ անգամ Հայաստանում հյուրընկալվելն իրենց համար պարտադիր է, առանց որի չեն կարող:
«Եթե երաժիշտը երաժշտին չօգնի, մեկ ուրիշը կօգնի անպայման, աշխարհում բարի մարդիկ շատ կան: Սակայն մեր պարտքն է օգնության հասնել փոքրիկ երաժիշտներին, փոքրիկ տաղանդներին, և ուղղել մեր բոլոր ուժերը, որպեսզի տաղանդ ու շնորհք ունեցող, բայց հնարավորություն չունեցող երեխաները կարողանան շարունակել սովորել, մտնեն երաժշտության մեծ աշխարհ և ուրախություն պարգևեն իրենց և իրենց շրջապատի մարդկանց: Այսօր նվագելու ենք ձեզ համար, երեխաների համար և ամբողջ ազգի ապագայի համար»,– ասաց նա:
Բարեգործական երեկոյին ներկա էր գտնվել նաև Տիգրան Մանսուրյանը, ում ստեղծագործությունները նույնպես հնչեցին օրվա ընթացքում: Ըստ Շուշան Հակոբյանի՝ մաեստրոն մեծ ջերմությամբ ընդունեց իրենց դուետի հայանվեր ու բարեգործական նախաձեռնությունը: Երեկոյի ընթացքում հաջողվեց հավաքել ևս 150 հազար դրամ, և ընդհանուր գումարով ԱՄՆ–ից Հայաստան ժամանած երաժիշտները գնել են որակյալ մասնագիտական գործիքներ՝ դուդուկ, դհոլ ու քանոն: Շուշանի խոսքով, իրենք Լոս Անջելեսից նաև դասական երաժշտության սկավառակներ են բերել Աչաջրի երաժշտական դպրոցի սաների համար:
Շարունակությունը` «Փաստ» օրաթերթի այսօրվա համարում
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
