Shtigen Group-ը՝ հայ-լիտվական գործարար համաժողովին
Shtigen Group-ի հիմնադիր տնօրենը Վիլնյուսում մասնակցում էր հայ-լիտվական գործարար համաժողովին։ Հայկ Շեկյանը Հայաստանի արդյունաբերողների և գործարարների միության պատվիրակության կազմում էր։
Համաժողովի ընթացքում, որի բացմանը ներկա էր նաև ՀՀ նախագահ Վահագն Խաչատուրյանը, համագործակցության հուշագրեր են ստորագրվել երկու երկրների բարձր տեխնոլոգիական արդյունաբերության նախարարների և գործարարների միջև։
«Բիզնես ոլորտի ներկայացուցիչներին մեկ հարկի տակ հավաքելը կարևոր քայլ է ոչ միայն գործարար կապերի զարգացման, այլև նոր ոլորտներ բացահայտելու և զարգացնելու առումով։ Մենք պետք է կարողանանք Հայաստանի համար բիզնեսի զարգացման բազմավեկտոր ուղղություն ապահովել, որը կձգվի արևելքից արևմուտք»,-ասում է Հայկ Շեկյանը։
Համաժողովին մասնակցող հայ և լիտվացի գործարարները ներկայացնում էին տարբեր ոլորտներ՝ վերականգնվող էներգետիկայից մինչև դեղագործություն և հրատարակչություն։
Շեկյանի խոսքով՝ կանաչ բիզնեսի նկատմամբ հետաքրքրությունը մեծանում է աշխարհի տարբեր երկրներում, և նման ֆորումները լավ առիթ են՝ ծանոթանալու ոլորտի նորարարություններին և լավագույն լուծումները դիտարկել նաև Հայաստանի էներգետիկական ոլորտը զարգացնելու նպատակով։
«Մենք պետք է գիտակցենք մեր երկրի՝ Եվրասիական մայրցամաքի կենտրոնում գտնվելու կարևորությունը և ըստ այդմ՝ նոր օրակարգ սահմանենք նաև բիզնես դաշտում։ Ստեղծելով նոր գործարար կապեր, ինչպես նաև ամրացնելով արդեն իսկ հաստատվածները՝ մենք կկարողանանք թռիչքային զարգացում ապահովել այդ թվում կանաչ էներգետիկայի ոլորտում, որն առանցքային է ոչ միայն Հայաստանի, այլև ամբողջ աշխարհի համար»,-ասում է Շեկյանը։
Юнибанк разыграет поездку в Италию среди новых держателей карт Mastercard World «Travel»
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
