Սևանի մակարդակը մոտ մեկ ամսվա մեջ իջել է 7 սանտիմետրով. «Փաստ»
«Փաստ» օրաթերթը գրում է.
Մեր մի քանի հարցին պատասխանում է «Էկոլուր» տեղեկատվական հասարակական կազմակերպության նախագահ Ինգա Զարաֆյանը
– Տիկին Զարաֆյան, Սևանա լճից ջրառը մայիսի 10–ից արդեն իրականացվում է: Այս ընթացքում ինչպիսի՞ փոփոխություններ է կրել լճի մակարդակը:
– Այդ մասին մենք տեղեկանում ենք Հիդրոմետի կայքից: Մեկ–երկու օր առաջ արդեն Սևանի մակարդակը այս մոտ մեկ ամսվա ընթացքում իջել է 7 սանտիմետրով:
– Եվ եթե այսպես շարունակվի, ի՞նչ վիճակի կհասնի: Ինչպիսի՞ն է ձեր կանխատեսումը:
– Կանխատեսում չենք կարող անել մինչև չհասկանանք, թե լրացուցիչ այս ջրառն ինչպես կազդի Սևանի հաշվեկշռի վրա: Իսկ դա պարզ կդառնա տարվա վերջին: Երբ դեկտեմբերի 31–ին կամ հունվարի 1–ին արդեն կհրապարակվի լճի հաշվեկշռի ընդհանուր պատկերը` համեմատելով նախորդ տարվա ցուցանիշի հետ: Այդ ժամանակ արդեն հասկանալի կլինի` հաշվեկշիռը բացասակա՞ն է, թե բացասական չէ:
– Իսկ ձկնատեսակների վրա լրացուցիչ ջրառի այս փաստն ինչպե՞ս կանդրադառնա:
– Ընդհանրապես ջրառն անդրադառնում է ողջ էկոհամակարգի վրա: Եթե էկոհամակարգը սթրեսային վիճակ է ապրում, ապա այն անդրադառնում է բոլոր բաղադրիչների վրա: Բայց հիմնականում ազդեցությունը մեծ է ջրի վրա: Փոխվում է ջրի որակը:
Երբ լճի մակարդակն իջնում է այնքան, որ արդեն բալանսը դառնում է բացասական, սկսվում են այնպիսի պրոցեսներ, որոնք բացասաբար են անդրադառնում ողջ համակարգի վրա: Իսկ ձուկն էլ, բնականաբար, էկոհամակարգի մեկ օղակն է:
– Սևանի այս ջրառը չի՞ անդրադառնա նաև լճի շրջակայքի վրա:
– Ընդհանրապես Սևանի ջրավազանը բավականին բարդ էկոհամակարգ է: Եվ ենթադրություններ կան, որ եթե Սևանա լիճի իրավիճակը վատանա, և նրանում սկսվեն արդեն անդառնալի պրոցեսներ, ապա դա կանդրադառնա և չափազանց բացասաբար կազդի այն աղբյուրների վրա, որոնք ուղղակիորեն կամ անուղակիորեն կապված են Սևանա լճի ջրավազանի հետ:
Իհարկե, չեմ կարող հստակ ասել, թե որոշակի ո՞ր աղբյուրների վրա կազդի, բայց հաստատ այդ ազդեցությունը էական կլինի:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
