ՀՀ նախագահի վերջին հարցազրույցի արձագանքները. «Փաստ»
«Փաստ» օրաթերթը գրում է.
Թվում էր, թե ՀՀ նախագահ Սերժ Սարգսյանի վերջին հարցազրույցը պետք է որ նոր բացահայտումների պատճառ հանդիսանար, սակայն առաջին հայացքից իմացանք այն, ինչ վաղուց բազում այլ առիթներով լսել էինք կամ տողատակերում որսացել: Սա անշուշտ սուբյեկտիվ կարծիք է, բայց միանշանակ է, որ երկրի նախագահին լսելու ցանկացած առիթ չի կարելի բաց թողնել, քանի որ իրավիճակային վերլուծության տեսանկյունից այն մշտապես հետաքրքիր է:
«Փաստը» փորձեց քաղաքական կուսակցությունների ներկայացուցիչների հետ փոքրիկ հարցախույզ անցկացնել` պարզելու, թե ՀՀ նախագահի վերջին հարցազրույցն իրենց համար ինչ նոր բացահայտումների առիթ է հանդիսացել:
«Ելք» դաշինքի անդամ Ալեն Սիմոնյանն ասաց, որ ինքը չի նայել հարցազրույցը, քանի որ իրեն այն հետաքրքիր չէր:
«Որևէ նորություն չէր կարող ասել ՀՀ նախագահը: Ինչի մասին որ խոսում է, մենք այդ ամենի մասին ամեն ինչ գիտենք: Միակ նորությունը, որ կարող էր ասել այն է, որ հայտարարեր, որ հեռանում է և այլևս չի զբաղվելու քաղաքականությամբ, բայց որքան գիտեմ՝ նման բան չի ասել: Մնացած բոլոր ընթացիկ հարցերն անհետաքրքիր են»,– ասաց Ա. Սիմոնյանը:
ՀՀԿ խորհրդի անդամ, ԱԺ նախորդ գումարման պատգամավոր Հովհաննես Սահակյանի կարծիքով` նախագահը Լեռնային Ղարաբաղին առնչվող բազմաթիվ շահարկումների մասով՝ սկսած զիջումներից և վերջացրած զենքի տեսակներից, հստակ պատասխաններ հնչեցրեց և որպես առաջնորդ հստակ մեսիջներ փոխանցեց լսարանին:
«Այն հագուստը, որով հանդես եկավ ՀՀ նախագահը, խոսում էր այն մասին, որ ԼՂՀ հակամարտության հանգուցալուծումը կարող է լինել միայն խաղաղ ճանապարհով, եթե ոչ, ապա մենք և մեր բանակը ի զորու ենք պաշտպանելու մեր երկիրը, մեր ժողովրդին, մեր պետությունը: Ես կարծում եմ, որ դա հենց առաջնորդի խոսք էր, և այդ կարևոր հարցերի պատասխանը Սերժ Սարգսյանի կողմից տրվեց շատ նրբորեն և ուղիղ»,– ասաց Հ. Սահակյանը:
Հարցին, թե արդյո՞ք նախորդ ելույթների կրկնություն չէր, նախկին պատգամավորն ասաց, որ հարցազրույցում կային նաև այլ բազում շերտեր, որոնք նույնպես շատ կարևոր էին, բայց ամենակարևորը երկրի մարտունակության մասին հստակ ուղերձն էր, որն ամենակարևորն էր Հ.Սահակյանի համոզմամբ: Նրա կարծիքով ժամանակ առ ժամանակ հնչեցվող շահարկումներին տրված հերթական պատասխանը պետք է որ օգնի հանրությանն ու քաղաքական գործիչներին, որ իրենց մոտ այլևս նման հարցեր չառաջանան:
Ի դեպ, «Փաստ» օրաթերթը դիմեց նաև այլ քաղաքական կուսակցությունների ներկայացուցիչների ևս, սակայն մեր հարցին ի պատասխան բոլորն ասում էին, որ չեն դիտել այն: Մի մասը պատճառաբանում էր, թե այս պահին քաղաքում չէ, մյուսները նույնիսկ չգիտեին դրա մասին, քանի որ հայկական հեռուստաալիքներ սովորաբար չեն դիտում:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
