«Ապրելու երկրի» լուրջ հայտը
Հայաստանյան քաղաքական առանձնահատկություններից մեկը լճացված լինելն է. չկան նոր տեխնոլոգիաներ, նորարարական մոտեցումներ, ստանդարտից դուրս գործողություններ։ Այս ֆոնին կարծես մի նոր քաղաքական ուժ է թափ հավաքում, որը նոր մարտավարությամբ է սկսել իր քաղաքական պայքարը։
«Ապրելու երկիր» կուսակցությունը նորաստեղծ քաղաքական ուժ է, բայց հասցրել է մասնակցել ՏԻՄ երեք ընտրությունների, տպավորիչ արդյունքներ գրանցել, մի շարք համայնքներում էլ հաղթանակ տանել գործող իշխանությունների նկատմամբ։
Կուսակցությունը լուրջ հաղթանակներ է տարել Լոռու մարզի Ալավերդի, Տավուշի մարզի Նոյեմբերյան համայնքներում, Տաթևում, լայն ներկայացվածոություն ապահովել Դիլիջանում, Մեղրիում, Տեղում, Գյուլագարակ, Լոռու Բերդ, Չարենցավան և այլ համայնքների ավագանու կազմում։
Արմավիրի Փարաքար համայնքում էլ «Ապրելու երկիրը» ստացել էր 48․94 տոկոս քվե, և միայն վարչախմբի ապօրինությունների պատճառով նոր ընտրություններ են կայանալու։ Կասկած չկա, որ կուսակցությունը կրկին շոշափելի արդյունքներ կգրանցի Փարաքարում։
Ըստ էության, կուսակցությունը ընտրություններով հաղթում է ՔՊ֊ին քայլ առ քայլ, ի տարբերություն փողոցում անարդյունք պայքարողների։
Հայաստանում տասնամյակներով գործող կուսակցությունների կողքին բարդ է նորաստեղծ ուժով նման արդյունքներ ցուցաբերելը, և «Ապրելու երկրի» քաղաքական հայտը տպավորիչ է։ Հատկապես, այն համայնքներում, որտեղ «Ապրելու երկիրը» հաղթանակ է տարել և ձևավորել իշխանություն, աշխատանքի արդյունքներն արդեն զգացնել են տալիս։
Կուսակցությունը կառավարման նոր որակ է ներմուծել, կոնցեպտուալ և ուշագրավ մոդելներ ներդրել, որոնց ուսանելի են անգամ գործող իշխանությունների համար։ Նոյեմբերյանում, օրինակ, արմատապես վերափոխվելու է քաղաքի կենտրոնը, սահմանամերձ բնակավայրի բնակիչները նոր զբոսավայր կունենան, որը և աչք կշոյի, և հնարավորություն կտա մարդկանց ավելի հաճելի ժամանակ անցկացնել քաղաքի կենտրոնում։
Հայաստանյան քաղաքական իրականության մեջ եզակի դեպք է, երբ ընդդիմադիր ուժը հաղթելով` սեփական կառավարման մոդելն է ներդնում, և այս որակի քաղաքական հայտը լուրջ կռվան է հետագայի համար։
Առաջիկայում նոր զարգացումներ են սպասվում, տարբեր մակարդակների ընտրություններ, կարելի է փաստել, որ «Ապրելու երկիր» կուսակցությունը հիմնական քաղաքական դերակատարներից մեկն է լինելու։
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
