Սրանք վախեցնողների թագավորություն են. դիտմամբ վախի մթնոլորտ են ստեղծում. վախով իշխանություն պահելը հեշտ է. Արա Աբրահամյան
«Պրեսսինգ» հաղորդաշարում Սաթիկ Սեյրանյանի հյուրը «Ռուսաստանի հայերի միության» նախագահ, ՅՈՒՆԵՍԿՕ-ի բարի կամքի դեսպան, Հայերի համաշխարհային կոնգրեսի նախագահ Արա Աբրահամյանն է:
Նա, մասնավորապես, ասել է.
Հայաստանում չկա միմյանց նկատմամբ 100 տոկոս վստահություն, չկան բարոյական նորմաներ, կարող են միմյանց ինչ ասես ասել, վիրավորել, հայհոյել: Չկա էլիտա, չկա ինտելիգենցիա:
Երբ Ադրբեջանի, Թուրքիայի նախագահները մեզ վրա մատ են թափ տալիս, սրանք լռում են:
Այսօր, ցավոք, հերոսներ են դառնում արժեք չունեցող մարդիկ:
Հայաստանը դաշնակցի հետ հարաբերությունները չպետք է փչացնի, ժողովուրդը դաշնակցին հայհոյում է. դա իշխանության բացթողումն է:
Եթե Ռուսաստանը զենք չի տալիս ժամանակին, ուրեմն պետք է ալտերնատիվ տարբերակ ստեղծել:
Եվրոպայի, ԱՄՆ-ի, Անգլիայի շահը համընկել է Հայաստանի շահի հետ՝ Ռուսաստանի դեմ դուրս գալու առումով:
Եթե ինձ հարցնեն՝ արդյոք լա՞վ են Հայաստանի և Ռուսաստանի հարաբերությունները, ես կպատասխանեմ՝ թղթի վրա ամեն ինչ լավ է, իրականում՝ ոչ:
Այսօր Ռուսաստանի հայերի զգալի մասի աչքերը բացվել են, հասկանում են, որ Փաշինյանը սուտ խոստումներ է տալիս, որ երկիրը կործանում է:
Ուզո՞ւմ եք ՀԱՊԿ-ից դուրս գալ՝ այդ դեպքում թղթի վրա գրեք, թե ինչպե՞ս եք ապահովում երկրի անվտանգությունը, ովքե՞ր են պահելու սահմանները. պետք է գրեն բոլոր խնդիրները և կոնկրետ, թղթի վրա ներկայացնեն դրանք լուծելու երաշխիքները: Իսկ եթե դրանք չկան, ուրեմն դա մեր դեմ է, ուրեմն մենք ինքներս մեր դեմ ենք քայլեր անում:
Պետության ղեկավարը վախ չպետք է ունենա, վախկոտ մարդը ղեկավար չի կարող լինի և չպետք է լինի: Իսկ Փաշինյանը գիտի, որ ինքը վախկոտ է:
Այսօր իշխանություններին ավելի շատ պաշտպանում են Ադրբեջանն ու Թուրքիան, քան հայ ժողովուրդն ու Ռուսաստանը:
Հիմա ո՞վ է մեղավոր, մեր ընտրած կառավարությունն է. երկրում պատերազմից հետո վախի մթնոլորտ է ստեղծվել: Այս մարդիկ վախեցնողների թագավորություն են, վախի միջոցով իշխանություն պահելը հեշտ է: Մարդկանց վախ, տագնապ ներշնչելով՝ փորձում են իշխանություն պահել ու իրենց հարցերն առաջ տանել:
Իմ ինադու թող ժողովրդի վիճակը լավացնեն, երկրի անվտանգությունն ապահովեն, գերիներին վերադարձնեն, երկիրը զարգացնեն, ոչ թե իմ դեմ քայլեր ձեռնարկեն:
Այս իշխանությունները եղածը քանդում են ու ոչինչ չեն ստեղծում
Այս իշխանություններն ուզում են, որ սփյուռքն իրենց ծառայի, որ ես իրենց լսեմ, բայց իրենց ասածը կործանում է պետությունը:
Սրանք սփյուռքը բաժանեցին, վերջնականապես ոչնչացրեցին, արժեզրկեցին… Ինչպես այստեղ՝ Հայաստանում, այնպես էլ սփյուռքում մարդկանց տրամադրել են միմյանց դեմ:
Այն, ինչ մինչև հիմա Փաշինյանը ստորագրել է՝ անթույլատրելի թղթեր են, ինքը դիտավորյալ ժողովրդին գցում է տագնապի մեջ, վախի մթնոլորտ է առաջացնում, պատերազմով վախեցնում է: Չկա մի ազգ, որ չուզի խաղաղություն, բայց ի՞նչ գնով: Այս է հարցը:
Էս պայմաններով նոր պատերազմ է ստեղծում Ալիևը, ես դրա մասին հենց Ալիևին եմ ասել իմ հայտարարություններով:
Ճանապարհը հետևյալն է՝ ժողովուրդը պետք է դուրս գա փողոց ու պահանջի Փաշինյանի հրաժարականը, ժողովրդին պետք է ծրագիր ներկայացնել, և ինքը պետք է ընտրի առաջնորդ:
Պոլի փետ էլ որ դնեին՝ Հայաստանի սահմաններն էս վիճակում չէին լինի:
Вступило в силу постановление правительства о порядке расчета налога исходя из мощности двигателя эл...
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Emirates: Гражданам Ирана запрещён въезд и транзит через ОАЭ
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
