«Մուրտառող» գրությունները հեռացվել են որմնանկարների վրայից. «Փաստ»
«Փաստ» օրաթերթը գրում է.
Հունիսի 3–ի համարում «Փաստ» օրաթերթն անդրադարձել էր Արամի փողոցից դեպի մետրոյի «Հանրապետության հրապարակ» տանող գետնանցման աստիճանավանդակի երկու կողմերի հարևանությամբ գտնվող որմնանկարների վրա սևով «դաջված»՝ «Հայաստան, արտագաղթ, ապրիլ» և «Միասին դեպի հուսահատ Հայաստան» բառակապակցություններին:
Հոդվածում ահազանգել էինք մայրաքաղաքային իշխանություններին, որ դա ոչ թե սովորական վանդալիզմ է կամ հայի չուզողություն, այլ հստակ իրականացվող հակահայկական ու հակապետական քաղաքականություն: Ահազանգելուց բացի, քաղաքային իշխանություններին, ոստիկանությանը և պատկան այլ կառույցներին կոչ էինք արել ավելի ուշադիր լինել, որպեսզի նման տհաճ քայլի պատճառով այսուհետ «չմրոտվի» նաև մայրաքաղաքի բնակիչների ու հյուրերի տրամադրությունը:
Ցավալի էր նաև այն, որ այդ գետնանցումից ամենօրյա ռեժիմով օգտվում են նաև սիրիահայերը, քանի որ հենց այնտեղ է գտնվում արդեն հայտնի դարձած Հալեպի շուկան, որտեղ աշխատող մարդիկ, ընդամենը մի քանի տարի առաջ ներգաղթելով Հայաստան փորձեցին նոր կյանք ու գործ սկսել ու հաստատվել հայրենիքում: Մեր կարծիքով հենց այդ ճանապարհը որպես թիրախ ընտրելը նույնպես պատահականություն լինել չէր կարող, քանի որ հավանաբար հայրենասեր սիրիահայերի գիտակցության վրա պարբերաբար ազդելով նրանց նույնպես հայրենիքից հիասթափեցնելու խնդիր էր դրված եղել:
Ինչևէ, հարցը հրատապ էր, բայցև լուծումը պատկան մարմինների կողմից, չգիտես ինչու, ուշանում էր: Երևանի ավագանու «Ելք» դաշինքի անդամ Անահիտ Բախշյանը կարևորելով այս հարցի լուծումը նույնպես այն բարձրաձայնեց քաղաքապետարանում: Նա մեզ տեղեկացրեց, որ թեև ինքը հարցի մասին գրավոր դիմում չի ներկայացրել, բայց բանավոր տեղեկացրել է քաղաքային իշխանություններին: Եվ ուրախ էր, որ նույնիսկ բանավոր անդրադարձն է տեղ հասել ու այս պահին արդեն հարցը կարելի է փակված համարել:
Փաստորեն համատեղ ջանքերով հաջողվեց հասնել նրան, որ տեղական իշխանությունները վերջապես ձեռնարկեցին ու իրականացրին այդ տհաճ մակագրությունների մաքրման գործը: Ու չնայած մեր նախաձեռնությունից մինչև գործի ավարտն անցավ մեկ ամսից ավելի ժամանակ, բայց այսօր կարող ենք փաստել, որ այս հարցն օրերս ստացել է իր լուծումը և այդ զարհուրելի արտահայտություններն այլևս ջնջվել են որմնանկարների վրայից, իսկ նորերը հայտնվելու դեպքում պատկան կառույցներն ավելի ուշադիր կլինեն:
Տիկին Բախշյանը «Փաստի» հետ զրույցում կոչ արեց քաղաքապետարանին, որպեսզի սոցցանցերի գրառումներին առավելագույն ուշադրություն դարձվի, քանի որ այդ միջոցով բարձրացված հարցերն իրականում ոչ միայն այդ մասին բարձրաձայնողներին են հուզում, այլ շատերին: Նա նաև կոչ արեց Երևանի քաղաքապետարանի ավագանու նիստերի ժամանակ քաղաքապետի օգնականի կողմից ներկայացվող սոցցանցերում քննարկվող հարցերը ներկայացնելուց բացի ավագանու անդամներին տեղեկացվի նաև, թե հնչեցված հարցերի որ մասն է լուծում ստացել, չլուծված հարցերը որոնք են և ինչու լուծում չեն ստանում:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
