Իրանը պատրաստվում է բացել Ադրբեջանի հետ ցամաքային սահմանը
Rossaprimavera.ru-ն գրում է, որ Թեհրանը պատրաստ է ակտիվացնել տնտեսական և էներգետիկ համագործակցությունը Ադրբեջանի հետ, ավելացնել երկու երկրների միջև թռիչքների թիվը և բացել ցամաքային սահմանը։ Այդ մասին հայտարարել է Իրանի արտգործնախարար Հոսեյն Ամիր Աբդոլլահյանը, որի մասին հայտնել է Tasnim գործակալությունը։
Ամիր Աբդոլլահյանը հեռախոսազրույց է ունեցել իր ադրբեջանցի գործընկեր Ջեյհուն Բայրամովի հետ, որում դիվանագետները քննարկել են Թեհրանի և Բաքվի երկկողմ համագործակցությունը, ինչպես նաև տարածաշրջանային զարգացումները։
Խոսելով Թեհրանի և Բաքվի միջև դիվանագիտական հարաբերությունների հաստատման 30-ամյակի մասին Ամիր Աբդոլլահյանը նշել է երկու երկրների միջև հարաբերությունների զարգացման առաջընթացը։ Անդրադառնալով Հարավային Կովկասում տեղի ունեցող իրադարձություններին իրանցի դիվանագետը նշել է, որ Իրանի և Ադրբեջանի ընդհանուր նպատակը կայունությունն ու խաղաղությունն է տարածաշրջանում։ Իրանի արտգործնախարարը նաև հույս է հայտնել, որ Ադրբեջանի և Հայաստանի միջև բոլոր հարցերը կլուծվեն հեռատեսորեն և առանց արտաքին միջամտության։
Ամիր Աբդոլլահյանն ուշադրություն է հրավիրել նաև երկու հարևան երկրների միջև ուղևորությունների թվի ավելացման վրա և ընդգծել ուղիղ չվերթների ավելացման անհրաժեշտությունը։ Դիվանագետի խոսքով դրա համար անհրաժեշտ է բացել երկու երկրների ցամաքային սահմանը։ Ամիր Աբդոլլահյանն ընդգծել է նաև Իրանի պատրաստակամությունը ընդլայնելու Ադրբեջանի հետ տնտեսական և էներգետիկ հարաբերությունները։
Ադրբեջանի արտգործնախարարն իր հերթին գոհունակություն է հայտնել Թեհրանի և Բաքվի միջև վերջին ամիսներին համագործակցության զարգացումից և ողջունել իրանա-ադրբեջանական համատեղ տնտեսական հանձնաժողովի անցկացումը։ Բայրամովը նշել է երկկողմ կապերի մակարդակի աճը։ Նա Իրանի ճանապարհների նախարարի վերջին այցը Բաքու համարել է երկու հարևանների միջև լավ հարաբերությունների նշան։ Բայրամովը նաև ընդգծել է Ադրբեջանի լիակատար պատրաստակամությունը իրականացնելու Իրանի հետ տնտեսական համաձայնագրերը։
Նյութը հրապարակման պատրաստեց Կամո Խաչիկյանը
Глава МИД Иордании: Подписание мирного соглашения между Арменией и Азербайджаном близко
Юнибанк разыграет поездку в Италию среди новых держателей карт Mastercard World «Travel»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
Трамп: США больше не намерены вести торговлю с Испанией
Idram - главный партнер ежегодной конференции «На пути к осознанному воспитанию детей 2026»
