Սևանի ծանծաղացումը. լճում ջրի մակարդակը իջել է 16 սանտիմետրով
mir24.tv-ն գրում է, որ մեկ տարվա ընթացքում Սևանա լճում ջրի մակարդակը իջել է 16 սանտիմետրով: Բնապահպաններն այդ երևույթն անոմալի են համարում։ Իսկ որքա՞ն է վտանգավոր ծանծաղացումը:
Սևանա լճում ջրի մակարդակը չափվում է օրական երկու անգամ՝ առավոտյան ժամը ութին և երեկոյան ժամը ութին։ Հատուկ ամրացնող ձողն իջեցնում են ջրի մեջ, որը հետո գործում է որպես ներարկիչ և լցվում ջրով: Այս անգամ փորձագետներն արձանագրել են 28 ցուցանիշը։ Դա նշանակում է, որ Սևանում ջրի մակարդակն այժմ 1900 մետր 36 սանտիմետր է։ Վերջին չափումներից շեղումները աննշան են: «Երբ ալիքներ կան, չափումների տարբերությունը կարող է լինել մեկ կամ երկու սանտիմետր: Պլյուս կամ մինուս երկու սանտիմետր ընդունելի է: Եթե կա սառույց, մենք այն հանում ենք, որպեսզի մեզ չխանգարի, և շարունակում ենք չափումներ կատարել»,- ասել է Սևանի հիդրոօդևութաբանական օբսերվատորիայի լճագիտության բաժնի վարիչ Էդգար Ղարիբյանը։
Բոլոր չափումները փաստաթղթավորված են Շրջակա միջավայրի նախարարության կողմից: Փորձագետներն արձանագրել են, որ Սևանը մեկ տարում ծանծաղացել է 16 սանտիմետրով։ Իսկ դա արդեն վտանգավոր նշան է համարվում։ «2021 թվականի հունիսը բացառիկ է դարձել հիդրոօդերեւութաբանության պատմության մեջ. հունիսի կեսերին օդի ջերմաստիճանը նորմայից բարձր է եղել երկու աստիճանով, իսկ ջրի գոլորշիացումը այդ ընթացքում կազմել է մոտ 150 մլն խմ։ Դա 70%-ով բարձր է նորմայից։ Տեղումների քանակը կազմել է ընդամենը 4 միլիոն խմ, ինչը 13-14 անգամ ցածր է նորմայից»,- նշել է Հայաստանի շրջակա միջավայրի նախարարության «Հիդրոօդերևութաբանության և մոնիտորինգի կենտրոն»-ի տնօրենի պաշտոնակատար Լևոն Ազիզյանը:
Եթե լճում ջրի մակարդակը շարունակի իջնել, ապա Սևանը կկործանվի, և երկիրը կմնա առանց խմելու ջրի։ Բայց պետությունն ուշադիր է խնդրի նկատմամբ։ Նախատեսվում է մինչև 2030 թվականը լճում ջրի մակարդակը բարձրացնել ավելի քան երեք մետրով։
Նյութը հրապարակման պատրաստեց Կամո Խաչիկյանը
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
