Հերթական հայկական ընկերությունն է «գրավում» արտերկրի շուկաները. «Փաստ»
«Փաստ» օրաթերթը գրում է
Առկա միտումները ցույց են տալիս, որ աշխարհը փնտրում է էներգիայի այլընտրանքային աղբյուրներ: Այդ ճանապարհին բազմաթիվ երկրներ լուրջ ցուցանիշներ են արձանագրում մասնավորաբար արևային կայաններ տեղադրելու հարցում: Թվում է՝ Հայաստանում, ուր, ինչպես ասում են, տարին տասներկու ամիս գրեթե արևի պակաս չկա, պետք է որ բավականին մեծ քանակով արևային կայաններ տեղադրվեին, առավել ևս, որ նախ՝ մեր երկիրը կորցրել է էներգիայի ստացման բավականին աղբյուրներ, երկրորդ՝ էլեկտրաէներգիայի սակագինը նորից բարձրացել է:
Սակայն, ըստ վիճակագրության և մասնագետների գնահատականների, առկա վիճակը շատ հեռու է բավարար լինելուց: «Փաստը» փորձեց ուսումնասիրել շուկան, և պարզվեց, որ Հայաստանում գործում է արևային վահանակներ արտադրող միայն մեկ ընկերություն: Խոսքը «Սոլարոնի» մասին է: Տարբեր մասնագետների հետ զրույցներից պարզվեց, որ այս ընկերությունը թեպետ միակն է, բայց կարողանում է մեր պահանջարկը բավարարել, եթե նույնիսկ այդ պահանջարկը էլ ավելի մեծանա, միևնույն ժամանակ արտերկրյա շուկաներն է գրավում, մասնավորաբար, հայկական արտադրանքն արտահանելով Նիդերլանդներ, Սիրիա, Լիբանան, Ուկրաինա, Ռուսաստան, Վրաստան ևայլն:
Սա նշանակում է, որ հայաստանյան արտադրողը միջազգային շուկայում բավական մրցունակ է, իսկի արտադրանքը, որը իտալական տեխնոլոգիայով է իրականացվում, բացարձակ չի զիջում աշխարհում հայտնի «բրենդներին»: Մենք նաև տեղեկություններ ստացանք, որ Հայաստանում գնալով մեծանում է արևային պանելների պահանջարկը առայժմ առավելապես կազմակերպությունների շրջանում, թեպետ անհատ օգտագործողների համար էլ այն բավական շահավետ է, քանի որ դրանք էապես նվազեցնում են էլէներգիայի ծախսը, ծառայում են ավելի քան 25 տարի, իսկ ներդրումների վերադարձն ապահովում են 4-5 տարում:
Մանրամասները՝ «Փաստ» օրաթերթի այսօրվա համարում
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
