Լեռներ և հնագույն վանքեր. ի՞նչ կարելի է տեսնել Հայաստանում ձմռանը
profile.ru-ն գրում է, որ Հայաստանում ձմռանը ճանապարհորդներին սպասում են ձյունածածկ լեռների լանջերը, հնագույն տաճարներն ու բյուրեղյա մաքուր օդը։ Այդ երկրում սառնամանիքները, որպես կանոն, չեն գերազանցում մինուս 10°C-ը և դժվար թե խանգարեն ճանապարհորդությունը վայելելուն։ Երկրի հետ օդային հաղորդակցությունը վերականգնվել է 2021 թվականի փետրվարից։ Մուտք գործելու համար ռուսները պետք է ներկայացնեն պատվաստման վկայականներ կամ PCR թեստի բացասական արդյունք: Կանոնները չեն տարածվում մինչև յոթ տարեկան երեխաների վրա։
Երևան
Ավելի լավ է մի քանի օր մնալ երկրի մայրաքաղաքում, քանի որ այդ կերպ դուք ժամանակ կունենաք քայլել հնագույն քաղաքի փողոցներով և այցելել տեղական բազմաթիվ տեսարժան վայրեր։ Ամենահայտնիներից են Հաղթանակի զբոսայգին և «Մայր Հայաստան» հուշարձանը, Հանրապետության հրապարակը, Սուրբ Գրիգոր Լուսավորիչ տաճարը, Էրեբունի հնագույն ամրոցը, հայ գեղանկարչության դասական Մարտիրոս Սարյանի տուն-թանգարանը և այլն։
Գառնու տաճար
Երևանից ոչ հեռու գտնվում է Գառնու հեթանոսական տաճարը, որը կառուցվել է մեր թվարկության 1-ին դարում Հայոց արքա Տրդատ Ա.-ի կողմից: 1679 թվականին այն ավերվել է երկրաշարժից և վերստեղծվել խորհրդային տարիներին։ Այն Հայաստանի տարածքում հելլենիստական դարաշրջանի միակ հուշարձանն է։
Խոր Վիրապ
Այդ վանքը գտնվում է Արարատ լեռան մոտ, որի վրա, ըստ ավանդության, Ջրհեղեղից հետո աստվածաշնչյան Նոյն է իջել իր տապանով։ Վանքը հիմնադրվել է 642 թվականին և երկար ժամանակ ծառայել է որպես Հայ եկեղեցու առաջնորդանիստ նստավայր։ Համալիրի տարածքում պահպանվել են հնագույն վանական միանձնարաններ և մի քանի տաճարներ։ Լավ եղանակին Խոր Վիրապի տարածքից բացվում է հիանալի տեսարան դեպի Արարատ լեռը։
Ծաղկաձոր
Փորձառու ճանապարհորդները խորհուրդ են տալիս առնվազն երեք օր անցկացնել Ծաղկաձորի լեռնադահուկային հանգստավայրում։ Գեղատեսիլ հանգստավայրը գտնվում է Թեղենիս լեռան ստորոտին և հայտնի է իր մաքուր լեռնային օդով։ Լեռան երկար, մեղմ լանջերը հարմար են բոլոր մակարդակների դահուկորդների և սնոուբորդիստների համար, իսկ ճոպանուղիների մոտ հազվադեպ են հերթեր գոյանում: Հնության սիրահարներին դուր կգա նաև մոտակայքում գտնվող Կեչարիս վանքը, որը կառուցվել է 11-13-րդ դարերում։
Սևանա լիճ
Կովկասի ամենամեծ քաղցրահամ լիճը հայտնի է իր բնական պարկով, որը տարածված է նրա ափերին: Այստեղ կարելի է հիանալ կենդանիների և բույսերի հազվագյուտ տեսակներով։ Լճից ոչ հեռու գտնվում են Սևանավանքի, Այրիվանքի, Կոթավանքի եկեղեցիները և պատմության ու ճարտարապետության այլ հուշարձաններ։
Նյութը հրապարակման պատրաստեց Կամո Խաչիկյանը
В сердце Еревана родилась новая фантастическая история: дух старого города в отеле Hayasa Hotel Old ...
От выбора автомобиля до покупки — все это в одном месте: Америабанк представит платформу MyCar.am и...
Ucom и FAST объединяют искусственный интеллект и зелёные инновации
Rate.Trading: обмен валюты на новой цифровой платформе
Ральф Йирикян — о цене цифровой трансформации на 13-й Региональной HR-конференции
Теперь в Glovo можно платить через Idram - долгожданное партнерство стало реальностью
Почему Армения не обратилась в ОДКБ во время войны
Юнибанк выпустил облигации в драмах и долларах США с купонной доходностью 10,3% и 6%
Рубеж | Двойная игра: какова цена фальшивой искренности?․ Аршак Карапетян
«Удар по Церкви — удар по армянской идентичности»: эксперты обсудили угрозы национальному наследию
