Արայիկ Հարությունյան. ««Երկիր ծիրանի»–«Ելք» համագործակցությունը դժվար է պատկերացնել». «Փաստ»
«Փաստ» օրաթերթը գրում է.
Հունիսի 12–ին տեղի ունեցավ Երևանի քաղաքապետ Տարոն Մարգարյանի երդմնակալության արարողությունը: Օրը հաստատվել էր ավագանու հատուկ նիստում, որի ժամանակ նաև հաստատվել էին մշտական հանձնաժողովների կազմերը:
Ավագանու մշտական չորս հանձնաժողովներից Ֆինանսավարկային և տնտեսական հարցերի մշտական հանձնաժողովի նախագահ է ընտրվել Հանրապետական կուսակցության խմբակցության անդամ Նաիրա Նահապետյանը, Իրավական հարցերի մշտական հանձնաժողովի նախագահ է ընտրվել Հանրապետականից Ենոք Ազարյանը, Քաղաքաշինության և հողօգտագործման հարցերի մշտական հանձնաժողովի նախագահը նույնպես ՀՀԿ խմբակցության անդամ է՝ Հովհաննես Թոքմաջյանը: Ի տարբերություն նախորդների, այս հանձնաժողովի տեղակալը «Ելք» խմբակցության անդամ Անի Սամսոնյանն է, ինչը, կարծում ենք, ավելի հետաքրքիր կդարձնի աշխատանքը:
«Ելք» խմբակցության մեկ այլ ներկայացուցիչ՝ Արայիկ Հարությունյանը ընտրվել է Մշակույթի, կրթության և սոցիալական հարցերի մշտական հանձնաժողովի նախագահ, իսկ այդ հանձնաժողովի տեղակալի մանդատը կրկին բաժին է հասել Հանրապետականին:
Արայիկ Հարությունյանը «Փաստի» հետ զրույցում անդրադառնալով ավագանու նախորդ կազմի ընդդիմադիր թևի ներկայացուցիչների աշխատանքին, նշեց, որ բացի Անահիտ Բախշյանից, մնացածն աշխատել են վատ կամ շատ վատ և չեն օգտագործել բոլոր այն լծակները, որոնք իրենք ունեին:
«Եթե ուսումնասիրենք Անահիտ Բախշյանի գուծունեությունը նախորդ ավագանիում, ապա կտեսնենք, որ բազմաթիվ հարցեր լուծում են ստացել: Այսինքն, ավագանին նույնիսկ մեկ հոգով կարող է իրավիճակ փոխել: Ինչ վերաբերում է «Ելք» խմբակցության ավագանու անդամներին, ապա մենք տարբեր ոլորտներում այս կամ այն չափով հաջողության հասած մարդիկ ենք, ծանոթ ենք քաղաքային խնդիրներին: Ինչ վերաբերում է ինձ, ապա ես եղել եմ տարբեր քաղաքացիական նախաձեռնություններում, որոնք վերաբերել են Երևանի հիմնախնդիրներին՝ շինարարությունից մինչև էկոլոգիական խնդիրներ»,– ասաց Արայիկ Հարությունյանը:
Նա նաև նշեց որ, գիտեն, որ իրենք միայնակ գործելով, գլոբալ հարցերի լուծման հասնելու համար կարող է նաև դժվարություններ ունենան, սակայն այս փուլում իրենց առաջնային խնդիրը քաղաքային իշխանություն – հասարակություն կապող օղակ դառնալն է:
«Մենք նախատեսում ենք օգտագործել մեր բոլոր լծակները՝ հանրությանն իրազեկելուց մինչև խնդիրների լուծումներ առաջարկելը: Մենք նաև պետք է կարողանանք համախմբել հասարակությանը կոնկրետ այս կամ այն հարցի ժամանակ և հասնենք դրա լուծմանը: Եվ եթե չկարողանանք անգամ իդեալական արդյունքի հասնել, ապա կկարողանանք լուրջ ճնշում գործադրելով հասնել որոշ կարևոր խնդիրների լուծմանը»,– ասաց Ա. Հարությունյանը:
Հիշեցնենք, որ նման հաջողված փորձեր եղել են Երևանի քաղաքապետարանի կողմից ուղևորավարձի սակագնի բարձրացման և այլ հարցերին դիմակայելու ժամանակ, իսկ հիմա ավելի լայն գործիքակազմից օգտվելու հնարավորություն ունենալով, պետք է որ պայքարի արդյունավետությունը մի քանի անգամ ավելի բարձր լինի: Ա. Հարությունյանը խոսելով «Ելք» – «Երկիր ծիրանի» համագործակցության մասին, ասաց. ««Երկիր Ծիրանին» անկանխատեսելի խմբակցություն է: Մենք կհամագործակցենք նրանց հետ, բայց այն գործելաոճը, որը իրենք են ընտրել, դժվարանում ենք պատկերացնել, թե ինչպես պետք է այդ համագործակցությունն իրականացնենք»:
Հարցին, թե իսկ Հանրապետական կուսակցությունն իրենց կարծիքով ավելի կանխատեսելի՞ քաղաքական պարտնյոր է, Երևանի ավագանու Մշակույթի, կրթության և սոցիալական հարցերի մշտական հանձնաժողովի նախագահն ասաց. «Հանրապետականի որոշակի քաղաքական պարամետրեր հայտնի են, բայց թե «Երկիր ծիրանի» խմբակցությունն ինչ շրջանակներում են գործելու, մեզ համար անհայտ է: Դա դժվարացնում է նաև համագործակցությունը այդ խմբակցության հետ»:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
