«Համագործակցության երկրների ժողովուրդների երաժշտական բանահյուսությունը» ցուցահանդեսը պատմել է Հայաստանի երաժշտական գանձերի մասին
mockwa.com–ը գրում է, որ Անկախ Պետությունների Համագործակցության ժողովրդական արվեստի և մշակութային ժառանգության տարվա շրջանակներում Ռուսաստանի պետական գրադարանում բացել է «Համագործակցության երկրների ժողովուրդների երաժշտական ֆոլկլորը» գրքերի և պատկերազարդումների ցուցահանդեսը։ Ցուցահանդեսը, որը բացվել է հունվարի 25-ին ներկայացնում է Համագործակցության երկրների ժողովուրդների երաժշտական բանահյուսության ամենավառ օրինակները։ Այն կազմակերպվել է Պաշկովի տան երաժշտական հրատարակությունների և ձայնագրությունների բաժնի կամերային դահլիճում։
Միջոցառման կարևորությունը ԱՊՀ անդամ երկրների մշակութային կապերի ամրապնդման գործում, ի թիվս այլ բաների, վկայում է ցուցահանդեսի բացմանը այցելած հյուրերի քանակն ու կարգավիճակը։ Խոսքը Մոսկվայում Համագործակցության երկրների դիվանագիտական ներկայացուցչությունների, ՌԴ արտաքին գործերի նախարարության, ԱՊՀ գործադիր կոմիտեի, ԱՊՀ անդամ պետությունների միջխորհրդարանական վեհաժողովի, Մոսկվայի ազգությունների տան, Ռուսաստանի հայերի միության ներկայացուցիչների մասին է։
Ցուցահանդեսում հայ ժողովրդի ավանդական ժառանգությունը ներկայացված է հայ ազգային երաժշտության հիմքերը դրած Կոմիտասի երգերով, գուսանների երգերով, սազի, թառի, քամանչայի, դուդուկի համար պիեսներով։
«Հայ մեծ կոմպոզիտոր Կոմիտասը (Սողոմոն Սողոմոնյան, 1869-1935) ասում էր, որ ժողովուրդը միակ ստեղծագործողն է, որից պետք է գնալ և սովորել։ Հայ ժողովուրդը ստեղծել է ինքնատիպ ու բազմազան երաժշտական մշակույթ։ Ժողովրդական արվեստի գանձերը՝ աշխատանքային, կենցաղային, ծիսական, սիրային, քնարական, կատակերգական և այլ երգեր ու պարեր, հիշվում են իրենց վառ մեղեդիներով, ռիթմերով, խորը բովանդակությամբ։ Ցուցահանդեսում կարող եք տեսնել ժողովրդական երգերի ու պարերի հավաքածուներ՝ մշակված հայ երգարվեստի այնպիսի ականավոր ներկայացուցիչների կողմից, ինչպիսիք են Քրիստոֆեր Կարա-Մուրզան, Ալեքսանդր Սպենդիարովը, Թաթուլ Ալթունյանը և այլոք»,- գրված է Ռուսաստանի պետական գրադարանի կայքում։
Ցուցահանդեսը բացվել է գալա համերգով, որը հստակ ցույց է տվել միջոցառման մասնակից երկրների ֆոլկլորային ավանդույթներն ու ժամանակակից մշակույթը: Այսպես, Ռուսաստանի պետական գրադարանի դահլիճներից մեկի բեմում հեղինակային երգչուհի և կոմպոզիտոր Մարինե Մանասյանը ելույթ է ունեցել իր հեղինակային «Կարմիր երգ» երգով։ Մարինեին անվանել են «հայկական նոր երաժշտության ամենազգայական ձայնը»։ Իր ստեղծագործության մեջ նա հմտորեն համադրում է հայերենը, հայկական և արևելյան մոտիվները էլեկտրոնային երաժշտության հետ։ «Բարի դրացիության ցանկությունը կարևոր գործոն է Անկախ Պետությունների Համագործակցության երկրների միջև հարաբերությունների զարգացման գործում։ Մեր նախնիների անցած ճանապարհի ընդհանուր պատմությունն ու հիշողությունը մեզ համար միավորող հիմքն են։ Հիշողության և գիտելիքների պահպանման և փոխանցման գործառույթները ստանձնում են կրթական աշխատանք կատարող կազմակերպությունները։ Դրանք դպրոցներ են, կրթական հաստատությունները, գրադարանները, թանգարանները, մշակութային կենտրոնները, և դրանք մեկ շղթայի օղակներ են, որոնք կապում են սերունդներին: Այդպիսի օղակներից են Ռուսաստանի պետական գրադարանը և Մոսկվայի հայկական թանգարանը։ Հայ-ռուսական բարեկամությունն անբաժանելի է. այն ունի խորը և ամուր արմատներ, լինելով հոգևոր մտերմության պատմություն այն լի է հերոսության և ընդհանուր նպատակին ծառայելու էջերով։ Այդ ամենը պայմանավորում է մեր ժողովուրդների հարաբերությունները մինչ օրս։ Եվ դա անփոփոխ է»,- «Համագործակցության երկրների ժողովուրդների երաժշտական ֆոլկլորը» ցուցահանդեսի բացմանն իր ողջույնի խոսքում ասել է Մոսկվայի հայկական թանգարանի և ազգերի մշակույթի հիմնադիր Ռուբեն Ցոլակովիչ Գրիգորյանը։
Անկախ Պետությունների Համագործակցությունում 2022 թվականը հայտարարվել է Ժողովրդական արվեստի և մշակութային ժառանգության տարի, ինչի կապակցությամբ ԱՊՀ երկրներում կանցկացվեն ժողովրդական արվեստին և բանահյուսությանը նվիրված բազմաթիվ միջոցառումներ։ Դրանցից է «Համագործակցության երկրների ժողովուրդների երաժշտական ֆոլկլորը» ցուցահանդեսը։ Այն կարելի է այցելել մինչև փետրվարի 22-ը ներառյալ՝ գրադարանի քարտերով։
Նյութը հրապարակման պատրաստեց Կամո Խաչիկյանը
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
