Օմսկի մարզ կայցելի Հայաստանի գործարար առաքելությունը
12-kanal.ru-ն գրում է, որ խոշորագույն ձեռնարկատերերը կգան Օմսկ քաղաք Սիբիրում արտադրված ապրանքների արտահանումը Կովկաս զգալիորեն ընդլայնելու համար։ Նման համագործակցության հեռանկարներն է Ալեքսանդր Բուրկովը քննարկել մարզպետ Կարեն Սարգսյանի գլխավորած Հայաստանի Գեղարքունիքի մարզի պատվիրակության հետ։ Օմսկի մարզի ղեկավարը նշել է անցյալ տարվա նոյեմբերին ռուս գործարարների Երևան և Գյումրի առաջին գործուղման հաջողությունը, որի արդյունքում արտահանման նոր ուղիներ են բացվել։ Օմսկի հինգ ընկերություններ արդեն իսկ ստորագրել են համապատասխան պայմանագրեր։ Ալեքսանդր Բուրկովի խոսքով տարածաշրջանի կառավարությունը կշարունակի աջակցել նման համագործակցությանը։ «Եթե խոսենք արտաքին տնտեսական հաջողությունների մասին, ապա Հայաստանը Օմսկի մարզի առանցքային արտաքին տնտեսական գործընկերներից մեկն է։ Եթե վերցնենք 2021 թվականի ինն ամիսների վիճակագրությունը, ապա մեր փոխադարձ ապրանքաշրջանառությունը գերազանցել է 1,5 միլիոն դոլարը։ Հիմնականում դա, իհարկե, արտահանումն է Օմսկի մարզից»,- ասել է նահանգապետը։
Հանդիպմանը քննարկվել է նաև համագործակցությունը ագրոարդյունաբերական համալիրում։ Օմսկի մարզը պատրաստ է հայ գյուղմթերք արտադրողներին մատակարարել տեղական արտադրության հատուկ սարքավորումներ և բաղադրիչներ։ Մերձիրտիշյան մարզ առաջիկա այցի շրջանակում Հայաստանի գործարար առաքելությունը կայցելի Օմսկի փորձարարական գործարան և կհանդիպի Գյուղատնտեսական գիտահետազոտական կենտրոնի մասնագետների հետ։
Ալեքսանդր Բուրկովը հայտարարել է նաև տարածաշրջանի բուհերի պատրաստակամության մասին ընդունելու էլ ավելի շատ արտասահմանցի ուսանողների ինչպես ստացիոնար, այնպես էլ հեռավար ձևաչափերով։ Օմսկի պետական համալսարանն արդեն իսկ համագործակցության պայմանագրեր է կնքել Երևանի բարձրագույն ուսումնական հաստատությունների հետ։
Նյութը հրապարակման պատրաստեց Կամո Խաչիկյանը
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
«Мой лес Армения» — бенефициар инициативы «Сила одного драма» в июле
Москва–Баку: есть разногласия, но связи сохраняются. А мы что делаем?
