Ինչո՞ւ է վարչապետը թիրախավորել հենց Վլադիմիր Գասպարյանին
Lurer.com-ը գրում է.
Օրերս կառավարության նիստում, նախքան օրակարգային հարցերին անցնելը, վարչապետ Կարեն Կարապետյանը մի շարք հանձնարարականներ է տվել, որոնք նորից առնչվել են ոստիկանությանը և ոչ միայն նրան:
Այս անգամ Կարեն Կարապետյանի ուշադրության թիրախում հայտնվել են տաքսիստները, հատկապես նրանք, ովքեր ծառայություններ են մատուցում «Զվարթնոց» օդանավակայանում՝ այնտեղից քաղաքացիներին և զբոսաշրջիկներին տեղափոխելով դեպի Երևան և այլ վայրեր: Բնականաբար, ոստիկանապետն այս խնդրում մեղավոր առանցքային պաշտոնյան չէ, բայց վարչապետը որոշեց հենց նրա անունը հնչեցնել՝ իրավիճակից իր ծայրահեղ դժգոհությունն արտահայտող ելույթի ժամանակ: Մեկ ամիս առաջ էլ Կարեն Կարապետյանը ոստիկանապետին նկատողություն արեց փողոցներում կուտակվող աղբի համար, եւ հանձնարարեց կանխարգելման միջոցներ ձեռնարկել, փողոցում աղբ թափողների ձեռից բռնել եւ թափած աղբը հավաքել տալ: Վլադիմիր Գասպարյանը ստիպված էր վարչապետին բացատրել, որ իրեն դիմում է իր ուղղակի գործառույթներին չառնչվող հարցերով: Աղբահանության մասով ասաց, որ ապարդյուն խոսակցություն է, քանի որ ոստիկանը կարող է օժանդակել, բայց չի կարող մաքրել փողոցները: Տաքսիստների հետ կապված էլ Գասպարյանը վարչապետի ուշադրությունը հրավիրեց լիցենզիա տրամադրելու խնդրի վրա, երբ կասկածելի անցյալով, հոգեկան առողջության հետ կապված խնդիրներ ունեցող անձանց տաքսի վարելու լիցենզիա է տրամադրվում:
Անշուշտ, վարչապետի բարձրացրած երկու հարցերն էլ տեղին են, և աղբահանության արդյունավետ իրականացումը , և տաքսիստների աշխատանքի որակը, ինչպես ամենուր, այնպես էլ Հայաստանում ուղիղ համեմատական են երկրի տուրիստական կերպարին: Բայց ամբողջ խնդիրն այն է, թե ինչ կապ ունի այդ ամենի հետ ոստիկանությունը. օրինակ՝ եթե ղեկի մոտ նստած վարորդն «անթրաշ է կամ լոգարանի չստերով», Երևանյան լիճն էլ խաբեությամբ որպես Սևանա լիճ է ներկայացնում, բայց ճանապարհային երթևեկության որևէ կանոն չի խախտում, միաժամանակ ունի տաքսու լիցենզիա, ոստիկանն իրավունք ունի՞ նրան տուգանել: Իհարկե՝ ո՛չ: Տաքսիների լիցենզավորումն իրականացնում է կապի և տրանսպորտի նախարարությունը, հետևաբար վարորդների հիգիենայի և բարեխղճության հետ կապված պահանջները նրանք պետք է սահմանեն: Վլադիմիր Գասպարյանն, ըստ էության, հասկացրել է, որ ոստիկանությունն ընդամենը հետևում է սահմանված պահանջների կատարմանը և չունի իրավասություն՝ նոր չափանիշներ սահմանելու: Հետևաբար, իր երազած տաքսիստներին Կարեն Կարապետյանը պետք է իր թիմակից Վահան Մարտիրոսյանից պահանջի և ոչ թե իրենից:
Դժվար է պատկերացնել, որ վարչապետը տեղյակ չէ իր հարցադրումների սխալ հասցեականության մասին, և այս պարագայում հարց է առաջանում՝ ինչո՞ւ է Կարեն Կարապետյանի հրահանգների և պահանջների սլաքը ուղղվում հենց Վլադիմիր Գասպարյանի ուղղությամբ: Խաբուսիկ է տպավորությունը, թե Կարեն Կարապետյանը անգիտակցաբար է հարվածներ հասցնում Սերժ Սարգսյանի հենասյուներից մեկին: Ուժային կառույցները, այդ թվում՝ ոստիկանությունը, անմիջապես նախագահականի ենթակայության տակ են, եւ դա խնդիր է այն դեպքերում, երբ վարչապետն ու նախագահը որոշակի առումով այլ հարթություններում են, կամ շահերի բախման մեջ: Վ. Գասպարյանը 2011 թվականից ոստիկանապետ է և Ս. Սարգսյանի հիմնական հենասյուներից մեկն է: Կ. Կարապետյանը ժամանակավորապես է վարչապետ նշանակվել: Իսկ առաջիկա մեկ տարում Ս. Սարգսյանը դեռ ուժեղ լիազորություններով նախագահ է լինելու: Կարեն Կարապետյանը ամեն կերպ փորձում է ցույց տալ, որ ի վիճակի է նախագահի ամենաուժեղ խաղացողին խիստ տոնով հրահանգներ տալ, ցույց տալ նրան ՝ որն է ճիշտը, որը՝ սխալ: Մինչդեռ անգամ ինքը Կարապետյանը երևի թե չի հավատում, որ պրակտիկորեն ունակ է դրան: Վլադիմիր Գասպարյանը իր հերթին, քաջ գիտակցում է, թե ում է ուղղված Կարապետյանի այս «բողոքի ձայնը», այդ իսկ պատճառով տուրք չի տալիս զգացմունքներին և զերծ է մնում վարչապետին նույն ոճով հակադարձելուց:
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
