UCOM ցանցի «Արմենիա պրեմիում» հեռուստաալիքով կհեռարձակվի «Երկրորդ կյանք» 20-մասանոց բժշկական մելոդրաման
Այսօրվանից Ucom հեռուստատեսային ծառայության «Տեսավարձույթ» բաժնում բաժանորդները կարող են դիտել Վարշամ Գևորգյանի «Երկրորդ կյանք» 20-մասանոց բժշկական մելոդրաման: Նոյեմբերի 29-ից այն հասանելի կլինի նաև «Արմենիա Պրեմիում» հեռուստաալիքով:
Ֆիլմի հիմնական գործողությունները ծավալվում են Երևանի հիվանդանոցներից մեկում: Ներկայացվում է բժիշկների առօրյան, աշխատանքը, ինչպես նաև անձնական կյանքը: Հեռուստանախագծի գլխավոր հերոսը վիրաբույժ Ռոբերտն է, ով հաջողել է թե՛ անձնական, թե՛ մասնագիտական կյանքում: Նա ունի սիրելի աշխատանք, ընկերներ, շքեղ առանձնատուն և գեղեցկուհի կին: Սակայն, օրերից մի օր Ռոբերտի կատարյալ անդորրը խախտում է 20-ամյա ռոք խմբի երիտասարդ կիթառահար Աննան, ում հետ հերոսը ծանոթանում է վիրահատության ժամանակ:
«Մենք շարունակում ենք աջակցել հայկական հեռուստաբովանդակության ստեղծմանը, որը հասանելի է նախևառաջ Ucom-ի բաժանորդներին թե՛ Ucom հեռուստատեսային ծառայության «Տեսավարձույթ» բաժնում, թե՛ «Արմենիա Պրեմիում» հեռուստաալիքի եթերում», - ասել է Ucom ընկերության կոմերցիոն տնօրեն Արինա Առուստամյանը։
«Շարունակում ենք հեռուստադիտողին ներկայացնել բազմաժանր հեռուստաֆիլմեր, նոր ժանրեր և թեմաներ։ Այս անգամ ներկայացնում ենք մելոդրամա, որը պատմում է բժիշկների աշխատանքի, որոշումներ կայացնելու պատասխանատվության և հիվանդներին երկրորդ կյանք պարգևելու մասին։ Վստահ եմ, որ այս ֆիլմը հեռուստադիտողնին մտածելու առիթ կտա և, իհարկե, կապահովի հետաքրքիր հեռուստատեսային ժամանց», - նշել է «Արմենիա» հեռուստաընկերության տնօրեն Դավիթ Բաբախանյանը։
Հեռուստաֆիլմի դերասանական կազմում են Վարշամ Գևորգյանը, Արևիկ Գևորգյանը, Ժան Նշանյանը, Կառլեն Մուրադյանը, Ֆրիդա Յորկը, Սիրանուշ Լազյանը, Արմեն Քուշքյանը, Արթուր Ղուկասյանը, Լուսինե Ավանեսյան, Հայկ Դուրգարյան, Լուիզա Ներսիսյանը, Արման Նավասարդյանը, Կարին Ծատուրյանը, Արման Խաչատրյանը, Հարություն Սարգսյանը և այլք:
Ֆիլմի ստեղծողները խոստանում են գեղեցիկ սիրային պատմություն՝ համեմված ռոք երաժշտությամբ և դիտարժան լուծումներով:
Юнибанк разыграет поездку в Италию среди новых держателей карт Mastercard World «Travel»
«Мой лес Армения» — бенефициар инициативы «Сила одного драма» в июле
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
Москва–Баку: есть разногласия, но связи сохраняются. А мы что делаем?
