Բոլոր փաստերը վկայում են, որ Հայաստանի իշխանությունները Ադրբեջանի հետ բանավոր կարգով գնացել են գործարքի․ Գեղամ Մանուկյան
ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանի նախաձեռնությամբ տեղի է ունենում հրատապ աշխատանքային քննարկում՝ ս.թ. նոյեմբերի 11-ին տեղի ունեցած Կառավարության նիստում ՀՀ վարչապետի հայտարարությունների, մասնավորապես՝ Ադրբեջանի կողմից Գորիս-Կապան ճանապարհի հատվածում մաքսակետեր տեղադրելու վերաբերյալ: Նիստին ներկա չեն «Քաղաքացիական պայմանագիր» խմբակցության պատգամավորները, Կառավարությունից ևս որևէ մեկը չի ներկայացել:
«Հայաստան» դաշինքի պատգամավոր Գեղամ մանուկյանն ասաց, որ իշխանությունը հայտարարում էր՝ոչ մի փաստաթուղթ չի ստորագրել, բայց այն ինչ տեղի ունեցավ, հստակ փաստում է, որ իշխանությունը ոչ թե որևէ փաստաթուղթ չի ստորագրում, այլ ժողովրդի, Ազգային ժողովի թիկունքում բանավոր կարգով գործարքների է գնում թշնամի երկրի հետ։
Նա հիշեցրեց, որ անցակետի մասին տեղեկացել ենք Անվտանգության խորհրդի քարտուղարի հայտարարությանից, որը հնչեցվել է Հանրային հեռուստաընկերության եթերում: Մանուկյանը նկատեց, որ հենց այդ հայտարարության օրը ասվում է, որ շրջանցիկ ճանապարհը ամբողջությամբ շահագործվում է։
«Այսինք բոլոր փաստերը վկայում են, որ առանց որևէ պաշտոնական փաստաթղթերի, բանավոր կարգով Ադրբջանի հետ Հայաստանի իշխանությունները գնացել են գործարքի, պարտադրված են եղել, թե ոչ, սակայն փաստ է, որ իշխանությունները հանրությունից գաղտնի հերթական գործարքն են իրականացրել՝ ի կորուստ Հայաստանի անվտանգության, Հայաստանի անկախության, և սրանով խիստ վտանգել ամբողջ Սյունիքի անվտանգությունը»,–ասաց նա։
Юнибанк разыграет поездку в Италию среди новых держателей карт Mastercard World «Travel»
«Мой лес Армения» — бенефициар инициативы «Сила одного драма» в июле
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Москва–Баку: есть разногласия, но связи сохраняются. А мы что делаем?
