Մանյունյան միլիոնավոր կինոմաններին կհիշեցնի Հայաստանի մասին. Նարինե Աբգարյանի վեպն էկրանավորվել է (տեսանյութ)
Նարինե Աբգարյանի` 9 լեզվով լույս տեսած և բեսթսելլեր դարձած հայտնի «Մանյունյա»-ն էկրանավորվել է: Սերիալի առաջին երկու մասը հայ ընթերցասերները հնարավորություն ունեցան դիտել «Մոսկվա» կինոթատրոնում: Դերասանական կազմը տեղում մատերը խաչ արած սպասում էր նրանց արձագանքին:
«Գիրքը շատ հետաքրքիր է, և կարծում եմ` մեր աշխատանքն էլ է հետաքրքիր: Ես եկել եմ քննություն հանձնելու»,-խոստովանեց Մանյունյայի տատիկին` բարի, բայց խստապահանջ Տային կերպավորած Ջուլիետա Ստեփանյանը:
Բերդում ծնված երկու ընկերուհիների պարզ ու մաքուր, ամենաիրական ընկերության և արկածների մասին զվարճալի դրվագներով սերիալի ռեժիսորը Արման Մարությանն է: Գրողի համաձայնությունը ստացել են միայն մի պայմանով, որ չհեռանան հեղինակի գրչից: Նարինե Աբգարյանի խոսքով՝ հենց այդպես էլ եղել է.
«Այս ֆիլմի յուրահատկությունը գիտեք որն է, որ այնքան էլ սովետական չէ, ոնց որ Հայաստանի մասին լինի: Հայաստանն այնքան գեղեցիկ է այնտեղ, որ ոնց որ մեր երկրի գովազդը լինի: Ես հուսով եմ, որ ահագին տուրիստներ կգան Հայաստան»,- նշեց գրողը:
Հեղինակը վեպը գրել է ռուսերեն: Այն լույս է տեսել 2010 թվականին, մի քանի տարի հետո թարգմանվել հայերեն: Երկար դադարից հետո «Մանյունյա»-ն վերահրատարակել է «Նյումեգ» հրատարակչությունը`նոր կազմով ու դիզայնով: Պրեմիերայից առաջ Նարինե Աբգարյանը համբերատար ու սիրով հերթով գրքերը մակագրում էր:
«Հիասքանչ ընթերցողներ ունենք, ու ամեն մեկը շատ յուրահատուկ գեղեցկություն ունի ու կարողանում է յուրահատուկ բառեր ասել ինձ, որոնցից ես կարողանում եմ թևավորվել ու հոգով լցվել ջերմությամբ»,- անկեղծացավ Նարինեն:
Սերիալը ռուսական okko.tv առցանց հարթակի արտադրանքն է: «Մանյունյա»-ի ցուցադրմամբ նրանք մուտք գործեցին նաև հայկական շուկա: Հայաստանաբնակները մինչև տարեվերջ անվճար դիտման հնարավորություն կունենան:
Մանյունյայի հետքերով կինոթատրոն եկած ընթերցողները սերիալի շարունակությունը կկարողանան դիտել okko.tv կայքէջում գրանցվելուց հետո:
Экологическая «революция» в Сюнике: как удалось избавить деревни от заботы о дровах? «Паст»
Вопрос об аресте Чалабяна дошел до Европейского парламента: «Паст»
Молдавские уроки: почему правительство Армении не уходит? «Паст»
Почему стало модно «отчитывать» оппозицию, и чего на самом деле ожидает общество? «Паст»
Нет мандата, «выданного народом»: «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
