Քաղաքական արձակուրդը դեռ չի ավարտվել. «Փաստ»
«Փաստ» օրաթերթը գրում է.
Րաֆֆի Հովհաննիսյանի տպավորությամբ «Օհանյան–Րաֆֆի–Օսկանյան» դաշինքը պատրաստ է համագործակցության ոչ միայն նախորդ դաշինքի շրջանակներում, այլև ավելի լայն և խորը ձևաչափով:
Սակայն հարցին, թե ինչ ձևաչափով է «Ժառանգություն» կուսակցությունը համագործակցելու Զարուհի Փոստանջյանի և մյուս նախկին ժառանգականների հետ, կուսակցության առաջնորդը պատասխանել է. «Մենք հայ ժողովրդին և հայոց աշխարհին տվել ենք Զարուհի Փոստանջյան, Անահիտ Բախշյան, Ստեփան Սաֆարյան և շատ այլ հայտնի անուններ, որի համար շատ հպարտ ենք: Նույն կազմով չենք շարունակի, բայց մեր դպրոցը կա և շարունակելու է սպասարկել հայ ժողովրդի և հայոց պետականության շահերը»:
Կուսակցության ղեկավարի կողմից տեղեկատվական դադարի ռեժիմը խախտելուց հետո, հետաքրքիր էր, թե «Ժառանգություն» կուսակցության փոխնախագահ Արմեն Մարտիրոսյա՞նն էլ է արդեն սկսել շփվել մամուլի ներկայացուցիչների հետ, թե դեռ քաղաքական արձակուրդում է:
Հիշեցնենք, որ ԱԺ ընտրություններից հետո նա «Փաստին» ասել էր, որ ինքը մամուլի հետ շփումների անժամկետ դադար է հայտարարել և առաջիկայում որևէ քաղաքական հարցի չի պատասխանելու, ուստի հետաքրքիր էր, թե արդյոք սպառվե՞լ է դադարի ժամկետը:
«Փաստի» հարցին ի պատասխան Արմեն Մարտիրոսյանը կրկին հաստատեց, որ դեռ քաղաքական արձակուդը չի ավարտվել և դեռ չգիտի, թե այն որքան կձգվի: Հարցին, թե գուցե այդ լռությունը պայմանավորված է կուսակցությունը լքելու հետ, քաղաքական գործիչը պատասխանեց. «Կուսակցությունում եմ, կուսակցությունից դուրս չեմ եկել, մի շարք քայլեր կան կատարելու, որոնց մասին Րաֆֆի Հովհաննիսյանն արդեն հայտարարել է: Ինչ վերաբերում է ինձ, ապա ներկայում ես զբաղվում եմ մանկավարժական գործով, ինչով որ արդեն 22 տարի է զբաղվում եմ»:
Դիտարկմանը, թե բուռն քաղաքական գործունեությունից հետո միայն մանկավարժական գործունեությամբ զբաղվելն արդյոք տխուր չէ՞, նա պատասխանեց. «Բացարձակ»:
Ու թեև Րաֆֆի Հովհաննիսյանը մամուլի հետ զրույցում կիսվել էր «ՕՐՕ» դաշինքի ապագայի իր ներքին զգացողությունների մասին, սակայն Ա. Մարտիրոսյանը կտրուկ հրաժարվեց նաև այդ թեմայով որևէ տեսակետ հայտնել:
«Դուք արդեն քաղաքական հարցեր եք տալիս: Չեղավ, չեմ պատասխանելու: Ես ասել եմ, որ քաղաքական հարցերին չեմ պատասխանելու: Ես քաղաքական արձակուրդի մեջ եմ, իսկ երբ այն կավարտվի՝ չեմ կարող ասել»,– ասաց Ա. Մարտիրոսյանը:
Ի դեպ, «Ժառանգության» առաջնորդ Րաֆֆի Հովհաննիսյանը նաև տեղեկացրել էր, որ հունիսի վերջին կուսակցության համագումար է անցկացվելու և, ամենայն հավանականությամբ, մոտ մեկ ամիս անց և՛ Արմեն Մարտիրոսյանը կխոսի, և՛ պարզ կլինի, թե առաջիկայում դեպի ուր կլողա «Ժառանգության» «առագաստը»:
Շարունակությունը` «Փաստ» օրաթերթի այսօրվա համարում
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
