Հակառակորդը ոչ մի ձև չպետք է նույնիսկ մտածի ներթափանցել մեր տարածք. եթե փորձի, բոլորիդ հրամայում եմ կիրառել բոլոր միջոցները․ Արշակ Կարապետյան
Հայաստանի Հանրապետության պաշտպանության նախարար Արշակ Կարապետյանը երրորդ զորամիավորման կազմին և ենթակա ստորաբաժանումներին է ներկայացրել զորամիավորման նորանշանակ հրամանատար, գնդապետ Ալեքսանդր Ցականյանին։
«Արմենպրես»-ի փոխանցմամբ՝ ինչպես հայտնում է «Զինուժ մեդիա»-ն, պաշտպանական գերատեսչության ղեկավարը բարձր է գնահատել գնդապետ Ցականյանի ավանդը բանակաշինության և հայրենիքի պաշտպանության գործում՝ համոզմունք հայտնելով, որ զորամիավորումը նորանշանակ հրամանատարի գլխավորությամբ լիարժեք կկատարի իր առջև դրված խնդիրները։
Նախարար Կարապետյանը միաժամանակ խստորեն հրահանգել է կասեցնել Հայաստանի սահմանը հատելու հակառակորդի բոլոր փորձերը։ «Հակառակորդը ոչ մի ձև չպետք է նույնիսկ մտածի ներթափանցել մեր տարածք։ Դա ձեր խնդիրն է։ Դրա համար կորպուսի հրամանատարը և զորամասի հրամանատարները, ստորաբաժանումների հրամանատարները՝ սկսած դիրքի հրամանատարից, ունեն բոլոր իրավունքները կիրառել բոլոր միջոցները մեր սահմանները պաշտպանելու նպատակով։ Միևնույն ժամանակ, մենք ոչ մի ձև չենք ուզում ոչ մի ուղղության վրա սրացումներ, բայց եթե փորձեցին ներթափանցել մեր տարածք, ես բոլորիդ հրամայում եմ կիրառել բոլոր միջոցները, որ այդ միտումները հաջողության չհասնեն»,- ասել է նախարարը։
Տեսանյութը՝ «Զինուժ մեդիա»-ի։
Ավելին․․․
Юнибанк разыграет поездку в Италию среди новых держателей карт Mastercard World «Travel»
«Мой лес Армения» — бенефициар инициативы «Сила одного драма» в июле
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
Пашинян замотивирован уничтожить Армению․ Аршак Карапетян
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Станьте акционером Юнибанка и воспользуйтесь выгодным инвестиционным предложением
Москва–Баку: есть разногласия, но связи сохраняются. А мы что делаем?
