Առաջնորդի դեմքը իր թիմակիցներն են․ Ովքեր են Ռոբերտ Քոչարյանի և Նիկոլ Փաշինյանի զինակիցները
Հայաստանում ընտրություններն առաջին հերթին անձանց, այլ ոչ քաղաքական ուժերի, ծրագրերի, տեսլականների պայքար է։ Մարդիկ գնում են ընտրատեղամասեր՝ իրենց ձայնը տալով ճանաչված առաջնորդին, կուսակցության ղեկավարին։ Բայց ամենակարեւոր հանգամանքներից մեկը նույն այդ առաջնորդի շուրջ խմբված գաղափարակիցներն են, մարդիկ, որոնք ներկայացնում են քաղաքական թիմը, կարճ ասած՝ առաջնորդի դեմքն են։
Վերջին երեք տարվա իրադարձությունները հաստատապես վկայում են, որ այդ առումով ամենաողորմելի վիճակում գործող իշխանությունն է, իսկ Փաշինյանի թիմակիցները՝ ուղղակի փորձանք են, որոնց մեծ մասը սովոր է պարզապես ղժղժալու, ճվճվալու, իսկ երբ գալիս է պատասխան տալու պահը, պարզապես թռչում են։
Ազգային ժողովի «Իմ քայլը» խմբակցության պատգամավորների մեծ մասն արդեն իսկ հասցրել է անվանարկել իրեն, ներկայանալ վատագույն կողմերից, գերազանցել Գալուստ Սահակյանին՝ «բոցերի» արտանետման ծավալով։ Փոխարենը, ընդդիմության շարքերում շատ են կայացած, ներկայանալի, իրենց խոսքի եւ գործի կշիռը գիտակցող մարդիկ։ Օրերս զավեշտալի մի միջադեպ եղավ, երբ իշխանության ներկայացուցիչը՝ այս դեպքում ոչ այլ ոք, քան Նիկոլ Փաշինյանի անձնական աներձագ Հրաչ Հակոբյանը հիմնովին խայտառակեց թե իրեն, թե իր ներկայացրած ուժին։
«Բա պետք է այ տենց ստորանալով բերման ենթարկվեն»,- ասել էր Հակոբյանը՝ մեկնաբանելով Սյունիքում վարչապետի դեմ ակցիայի մասնակիցների նկատմամբ իրականացված ոստիկանական տեռորը։ «Հպարտ» այս առանձնյակին արձագանքել էր «Վերածնվող Հայաստան» կուսակցության նախագահը՝ Վահե Հակոբյանը՝ հրավիրելով բռնցքամարտի մենամարտի եւ խոստանալով, որ նա իր բառերի համար ծնկաչոք է դուրս գալու ռինգից։ Վահե Հակոբյանը, հիշեցնենք, առաջիկա խորհրդարանական ընտրություններին մասնակցելու է երկրորդ նախագահ Ռոբերտ Քոչարյանի գլխավորած ընտրացուցակով։ Հանուն արդարության նշենք, որ աներձագ Հրաչը խրոխտաբար ներկայացել էր մարզասրահ, բայց կոստյումով, հրաժարվել մենամարտից, մի բառակույտ երկնել իր՝ իբր քաղաքական գործիչ լինելու մասին եւ հեռացել՝ բուռն ծաղրի առարկա դառնալով թե ռինգի մոտ հավաքվածների, թե այդ խղճուկ տեսարանն ուղիղ եթերով դիտողների համար։
Ահա այսպիսի մարդիկ են վարչապետի զինակիցները, որոնք առիթը բաց չեն թողնում տղամարդկության մասին տարփողելու, իրենցից ավելի լուրջ մարդկանց դեմ զազրախոսելու, բայց երբ գալիս է պատասխան տալու պահը, գլխապատառ ծլկում են։
Արման Գալյան
Кому и за что благодарен Пашинян?... «Паст»
Что происходит, когда одного человека нет в Армении? «Паст»
Уже открыто признают, что цель - разрушить Церковь: «Паст»
Делегация штаб-квартиры МККК в Женеве посетила удерживаемых в Баку армян
Рождественский свет по ту сторону решёток. Репрессии против Армянской Апостольской Церкви - «Паст»
Новый год, старые лживые утверждения: куда движется Армения? «Паст»
Операция архиепископа Микаела Аджапахяна отложена на неопределенный срок
Пианисты из программы «Наши виртуозы» фонда «Музыка для будущего» выступали на одной сцене с итальян...
В конце года правительство занято «соскабливанием» денег: «Паст»
Юнибанк завершил размещение бессрочных облигаций раньше срока
