Շատ վիրավորական էր, սակայն իսկապես խայտառակություն կլիներ, եթե… Նարե Գևորգյանը` աղմկահարույց գրառման մասին
Asekose.am-ը գրում է
«Իսկապես խայտառակություն կլիներ, եթե չիմանայի, բայց դա այդպես չէ: Ես բազմապատկման աղյուսակը փայլուն գիտեմ, թեպետ անկեղծ կլինեմ ու կասեմ, որ մաթեմատիկական գիտելիքներով չեմ փայլում, սակայն տարրական աղյուսակը չիմանալը խայտառակություն կլիներ ինձ համար: Տեսախցիկն անջատվելուն պես միանգամից պատասխանեցի` «56», պարզապես Սուրենին ասացի, որ պատրաստելուց մի փոքր շփոթվում եմ: Եթե իմանայի, որ չպատասխանելս նմանատիպ բուռն քննարկումների առիթ կհանդիսանա, հաստատ հենց եթերի ժամանակ` անմիջապես խոհանոցում, ամբողջ բազմապատկման աղյուսակը կասեի, պարզապես այդ պահին կարևորություն չտվեցի այդ ամենին և այլ հարցի սկսեցի պատասխանել, նույնիսկ կադրից դուրս Սուրենին 7-ի բազմապատկման աղյուսակն ասացի ու ծիծաղեցինք, այդպես էլ ամեն բան վերջացավ»,- Asekose.am-ին ասաց Նարե Գևորգյանը` անդրադառնալով համացանցում աղմուկ բարձրացրած գրառմանը, որի համաձայն` ինքը խայտառակվել էր, քանի որ «Քաղցած սպասում էին» հաղորդման ժամանակ չէր պատասխանել Սուրեն Շահվերդյանի` «ինչ կլինի 7X8» հարցին:
Երգչուհու խոսքով` իր համար այդ ամենը պարզապես ծիծաղելի էր, որովհետև նման տարրական գիտելիքներ յուրաքանչյուրն էլ պետք է ունենա:
«Այդ հրապարակումը պարզապես ինձ մոտ ծիծաղ առաջացրեց: Թեթե նայեցի այդ ամենին, չնայած դրան` բուռն արձագանք ստացավ: Ինչ վերաբերում է հրապարակման վերնագրին` «Երգչուհի Նարե Գևորգյանը խայտառակեց իրեն», ապա այն իսկապես շատ վատ էր ընտրված: Շատ կուզեի տեսնել վերնագրի հեղինակին և խոսել նրա հետ: Անկեղծ եմ ասում, երբ կարդացի վերնագիրը, ինձ թվաց, թե որևէ վատ բան եմ արել, մտածմունքների մեջ ընկա, սակայն երբ արդեն կարդացի, միայն ծիծաղեցի ու անցա առաջ: Այդ հրապարակմանը մեծ կարևորություն չեմ տվել, սակայն վերնագիրն իսկապես շատ վիրավորական էր, թեպետ կրկնում եմ` կլիներ խայտառակություն, եթե չիմանայի բազմապատկման աղյուսակը, բայց, փառք Աստծո, այն շատ լավ գիտեմ»,- նշեց երգչուհի Նարե Գևորգյանը:
Ստորև առաջարկում ենք դիտել Նարե Գևորգյանի մասնակցությամբ «Քաղցած սպասում էին» հաղորդման տվյալ թողարկումը:
Глава МИД Иордании: Подписание мирного соглашения между Арменией и Азербайджаном близко
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Зачем Пашинян полетел в Россию?․ Аршак Карапетян
Рост цен на продукты в Армении ускорился до 8,6%: ЕАБР
Предателя Пашиняна нужно скинуть с трона. Аршак Карапетян
«Арарат‑Армения» начала квалификацию Лиги чемпионов с победы над «Ригой»
При поддержке Юнибанка состоялся выпускной вечер Политехнического университета
Трамп: США больше не намерены вести торговлю с Испанией
