«Խառն» են գործերը Հանրապետականում. «Փաստ»
«Փաստ» օրաթերթը գրում է.
Հանրապետականում գործերը «խառն» են: Խորհրդարանական ընտրություններից հետո հաստատված անդորրն ու լռությունն այլևս ճնշող են դառնում: Միաժամանակ այս լռությունը միայն արտաքին շերտն է և վկայում է այն մասին, որ ՀՀԿ ներսում բուռն գործընթացներ են գնում՝ և մանդատների, և պաշտոնների բաշխման շուրջ: Թերևս հենց այս գործընթացների արտահայտությունն են պարբերաբար հայաստանյան լրատվամիջոցներում հայտնվող տեղեկություններն այն մասին, որ հանրապետականի ներսում «ռազբորկաներ» են:
Բնական է` նման զարգացումից խուսափել որևէ կերպ հնարավոր չէ, քանի որ ներկուսակցական ուժային կենտրոնների փոխատեղումները մշտապես էլ բնորոշ են եղել հետընտրական ժամանակահատվածին:
Այս պրոցեսները, սակայն, ավելի են բարդանում և սրվում ներկա իրողությունների և մասնավորապես ռեյտինգային ընտրակարգի առանձնահատկությունների ֆոնին, որոնք ասպարեզ բերեցին Հանրապետականի ներսում առկա խորը տարաձայնություններն ու զուտ մարդկային անհանդուրժողականությունը թիմակիցների նկատմամբ:
Մի կողմից կարող է թվալ, թե այս իրավիճակը ինչ–որ պահի կարող է դառնալ ներկուսակցական ճգնաժամի սկիզբ ՀՀԿ–ի համար, սակայն, մյուս կողմից, փաստն այն է, որ Հանրապետականի ներսում որոշումները կայացվում են շատ փոքր օղակի կողմից և արդյունքում բոլորը համաձայնվում են դրանց հետ մի պարզ պատճառով. մինչ վերջնական հստակեցումը յուրաքանչյուրը ցանկանում է ստանալ շատը, անկախ նրանից՝ այդ շատը կլինի պատգամավորական մանդատի, որևէ հանձնաժողովի նախագահի, թե նախարարական աթոռի տեսքով:
Սակայն, որոշման հրապարակումից հետո, յուրաքանչյուրն արդեն փորձում է պահպանել այն, ինչ իրեն տրվել է, քանի որ Հանրապետականում լավագույնս հասկանում են՝ վարչակարգին կամ վարչակարգին ուղղորդող ուժերին դեմ գնալը հավասարազոր է ինքնաոչնչացման:
Ուստի այս տեսանկյունից պետք է արձանագրել, որ մամուլում մերթընդմերթ հայտնվող տեղեկատվական արտահոսքերը ընդամենը նպատակ ունեն ծառայել Հանրապետականի այս կամ այն անհատի կամ խմբի շահերին՝ իշխանությունից ավելի շատ մասնաբաժին ստանալու համար: Իսկ թե դա ինչպես է անդրադառնալու հայաստանյան հասարակության վրա, կարծես թե պարզից էլ պարզ է՝ ոչ մի կերպ, քանի որ Հանրապետական «կորպորացիան» և հայաստանյան հասարակությունը գտնվում են իրականության բոլորովին տարբեր հարթությունների և ընկալումների միջակայքերում:
Շարունակությունը` «Փաստ» օրաթերթի այսօրվա համարում
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
