Շաբաթը ուրբաթից շուտ եկավ. գներն արդեն բարձրացել են. «Փաստ»
«Փաստ» օրաթերթը գրում է.
Մեր հյուրն է «Հայկական վերածնունդ» կուսակցության վարչության անդամ, «Աշխատավորների շահերի պաշտպանության» ՀԿ–ի նախագահ Կարեն Թումանյանը
– Պարոն Թումանյան, փաստորեն անմիջապես ընտրություններից հետո նկատվում է գների բարձրացում: Դա ինչպե՞ս բացատրենք. կապե՞նք ընտրությունների հետ:
– Պատահականություններ չեն լինում: Հատկապես` մեր երկրում: Եվ եթե ուսումնասիրեք անցած ընտրությունները, ապա կտեսնեք, որ անմիջապես դրանցից հետո սկսվել են թանկացումները:
Ներկա թանկացումներն էլ են բնական. միլիոնավոր դոլարներ են ծախսել այս ընտրությունների ժամանակ: Դեռևս մեր կուսակցության` «Հայկական վերածնունդի» պատգամավորության թեկնածուները, երբ քարոզարշավ էին անցկացնում, ասում էին մարդկանց` ընտրակաշառքներից զերծ մնացեք: Որովհետև դրանց հետևելու են թանկացումները: Մեկ ամսվա մեջ, առաջին անհրաժեշտության ապրանքների գների բարձրացումով, իրենց բաժանած գումարները հետ են բերելու:
Ու այդպես էլ եղավ. արդեն թե՛ շաքարավազն է թանկացել, թե՛ բենզինն է թանկացել, թե՛ ծխախոտն է թանկացել:
Տեսեք` Հայաստանում 2,5 մլն մարդ է ապրում, եթե հավատանք այդ տվյալներին: Բոլորն էլ օգտվում են թե՛ շաքարավազից, թե՛ բենզինից, թե՛ ալյուրից: Եվ պատկերացրեք, եթե այդ ապրանքները տասը լումայով էլ թանկացնեն, ավելին չեմ ասում, ապա, բազմապատկելով մարդկանց թվաքանակին, կարող եք ստանալ ահռելի թվեր:
– Մեր ֆինանսների նախարարը ապրանքների թանկացումը չկապեց ընտրությունների հետ: Արժանահավա՞տ է նրա տեսակետը:
– Իհարկե, ոչ: Նման պատահականություններ չեն լինում: Ֆինանսների նախարարն իշխանության դրածո է և պետք է խոսի կառավարության համար շահեկան տեսանկյունից: Կարո՞ղ է նա խոստովանել, թե` ընտրակաշառք ենք բաժանել և հիմա ստիպված ենք գները բարձրացնել:
Մի բանի էլ ուշադրություն դարձնենք` այս ընտրություններին միայն օլիգարխ չորս թեկնածուներ` Սամվել Ալեքսանյանը, Արկադի Համբարձումյանը, Արայիկ Գրիգորյանը և Կարեն Կարապետյանը Հանրապետական կուսակցության համար միասին բերել են 180 հազար ձայն: Որը կազմում է ընդհանուր ձայների 14%–ը: Եվ այս չորսի ձեռքում էլ կան առաջին անհրաժեշտության ապրանքների որոշ փաթեթներ:
Դե, պատկերացրեք, թե ինչ միլիարդներ են ծախսվել այդքան ձայնի համար: Իսկ ո՞ր բիզնեսմենն է հենց այնպես փող թափում:
Կամ եթե ընտրությունների հենց հաջորդ օրը շաքարավազը թանկանում է, էլ ի՞նչ մտածենք: Ի վերջո, շաքարավազն այսօր ո՞ւմ ձեռքում է:
– Այսինքն` երևում է այդ 10 հազար դրամ կաշառքը շատ թանկ է նստելու վերցնողների վրա:
– Երբևիցե նման թանկ չի նստել, ոնց որ հիմա է նստելու: Որովհետև խորհրդարանը շատ սխալ է ձևավորված: Այնտեղ «Ծառուկյան» դաշինքն է, Հանարպետականն է, ՀՅԴ–ն է և «Ելքն» է: Իսկ արդեն իսկ խոսակցություններ են պտտվում, որ «Ելքին» ու ՀՅԴ–ին անցկացրել է Հանրապետականը: Ինչ վերաբերվում է Ծառուկյանին, ապա նա, լինելով օլիգարխ, չի կարող դեմ գնալ իշխանությանը:
Այս ամենը խոսում է այն մասին, որ խորհրդարանում իրական ընդդիմադիր ուժ չի լինելու: Եվ ինչ ուզենալու են, այն էլ անելու են:
– Այսինքն` միահեծան իշխանություն է:
– Ավելին` ես արդեն ասել եմ, որ Ազգային Ժողովի աշխատանքները դեռ չմեկնարկած, արդեն իսկ այն ժամանակավրեպ է դարձել: Կամ բարոյապես սպառել է իրեն:
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
