Պարտավոր են կուսակցությունը տանել Կարեն Կարապետյանի տեսակի և ոչ թե շմայսների տեսակի ուղղությամբ. «Փաստ»
«Փաստ» օրաթերթը գրում է.
Մեր հյուր է քաղաքական տեխնոլոգ Կարեն Քոչարյանը
– Պարոն Քոչարյան, ընտրությունների արդյունքների հարցում ինչպիսի՞ դեր խաղաց վարչապետ Կարեն Կարապետյանի ֆենոմենը:
– Շատ մեծ դեր խաղաց:
– Իսկ ի՞նչ եք կարծում, Կարեն Կարապետյա՞նը կհետևի Հանրապետական կուսակցությանը, թե` հակառակը, Հանրապետական կուսակցությունը կհետևի Կարեն Կարապետյանին: Այս երկու դաշտերում արժեքային բևեռացումներ կան: Ես գոնե տեսնում եմ:
– Այո, կան: Ես էլ եմ տեսնում: Խնդիրն այն է, որ մինչև Կարեն Կարապետյանն էլ Հանրապետական կուսակցության մեջ կային բավականին պարկեշտ, նորմալ մարդիկ: Պարզապես նրանց տեսակարար կշիռը քիչ էր:
Հիմա եթե Կարեն Կարապետյանը կարողանա «կոտրել» այս իրողությունը, դա միայն իրենից է կախված: Եվ կախված է նաև Հանրապետական կուսակցության մեջ գտնվող այն մարդկանցից, ովքեր ևս ուզում են ինչ–որ բան փոխել:
Իսկ փոխել պարտավոր են նաև հենց իրենց կուսակցության շահերից ելնելով, որովհետև շատ լավ հասկանում են, որ մինչև Կարեն Կարապետյանն իրեց կուսակցության վարկանիշն այնքան էր իջել, որ ստիպված էին փոխել այսպես ասած` ֆասադը` առաջին տասնյակը: Իսկ եթե նկատեցիք` մեկ ամիս շարունակ, բացի Կարեն Կարապետյանից, Վիգեն Սարգսյանից և Արփինե Հովհաննիսյանից, այդ ահռելի կուսակցությունից ոչ ոք չերևաց:
Եվ դա պատահական չէր, նրանք շատ լավ հասկանում էին, որ այն աստիճանի են հասցրել իրենց կուսակցությունը, որ հասարակությունն արդեն չի ընդունում իրենց: Եվ եթե չեն ցանկանում, որ հասարակության մեջ ընդվզում լինի, ապա պարտավոր են կուսակցությունը տանել Կարեն Կարապետյանի տեսակի և ոչ թե շմայսների տեսակի ուղղությամբ:
– Իսկ այժմ` ընտրություններից հետո, ինչպիսի՞ն կլինի Սերժ Սարգսյանի դերակատարությունը: Կրկին կմնա առաջնային դիրքերո՞ւմ, թե մի փոքր արդեն տեղի կտա:
– Կարեն Կարապետյանի գալուց հետո այսպիսի դերաբաժանում եղավ` Սերժ Սարգսյանը զբաղված էր արտաքին քաղաքականությամբ և ուժային, իհարկե, առաջին հերթին` պաշտպանական խնդիրներով: Իսկ Կարեն Կարապետյանը զբաղված էր տնտեսությամբ: Գոնե այս մեկ տարում այդպես էլ կմնա:
– Այսինքն` տնտեսական այն հարցերում, որոնք պահանջում են քաղաքական լուծումներ, խոսքս մենաշնորհների, տնտեսության քվոտավորման և նման հարցերի մասին է, փոփոխություններ չեն լինի:
– Ոչ, ինչո՞ւ. հիմա էլ կան այդ փոփոխությունները: Հնարավոր չէ միանգամից փոփոխել: Տեսեք` մարտի սկզբին Կարեն Կարապետյանը հայտարարեց, որ ամսվա կտրվածքով այսքան ավելի գումար է մտել բյուջե:
Իսկ ավել գումար երկու պատճառով կարող է բյուջե մտնել. կամ տնտեսությունը զարգացել–աշխուժացել է, բայց դա չկա. մենք չենք տեսնում, կամ գումարները դուրս են եկել ստվերից: Այսնինքն` այդքան գումար վարչապետը հանել է ստվերից:
Համակարգը շատ ուժեղ դիմադրություն ունի: Եվ այդ դիմադրությունը պետք է փորձել կամաց–կամաց հաղթահարել, այսպես ասած` պատը ջարդել: Որովհետև եթե փորձես միանգամից անել, ապա կարող է ամեն ինչ փլվի քո գլխին: Խոսքը Կարեն Կարապետյանի մասին է` նրա գլխին կփլվի ձևավորված այդ համակարգը:
– Եվ հիմա Կարեն Կարապետյանն այս ընտրություններից ավելի ուժե՞ղ է դուրս եկել:
– Միանշանակ: Որովհետև հաղթող ուժի միակ դեմքը փաստացի Կարեն Կարապետյանն էր:
– Նրա շնորհիվ հաղթեց Հանրապետական կուսակցությունը:
– Միայն նրա շնորհիվ չէ. լինենք օբյեկտիվ: Շատ մեծ դեր խաղաց ռեյտինգայինների գործոնը: Բայց զուտ վարկանիշային առումով, իհարկե, միայն իր շնորհքն էր:
– Իսկ ի՞նչ եք կարծում այլևս կգնա՞ կտրուկ քայլերի:
– Ես կարծում եմ կտրուկ քայլերի չի գնա: Որովհետև նա նաև պրագմատիկ մարդ է: Նա բիզնեսից եկած, պետական ապարատի հետ շփված, մի խոսքով` լուրջ դպրոց անցած անձնավորություն է: Եվ գիտի, թե ինչ է նշանակում ցավ պատճառել ապարատին: Ապարատ ասելով նկատի ունեմ նաև օլիգարխիկ հատվածը:
Շարունակությունը` «Փաստ» օրաթերթի այսօրվա համարում:
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Ужас на дорогах Армении. «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
