Ժամանակին ես իմ ձայնը տվել եմ Նիկոլ Փաշինյանին, այսօր այդ ձայնը հետ եմ վերցնում. Ակցիայի մասնակից (Տեսանյութ)
Նմանատիպ ակցիաների մասնակցել եմ 2018 թվականին, երբ, այսպես կոչված, թավշյա հեղափոխություն էր տեղի ունենում և մենք հույսով ու հավատով գնացինք Նիկոլ Փաշինյանի հետևից, Նիկոլ Փաշինյանի հրաժարականի պահանջով «Արժանապատվության երթ»-ի ընթացքում Aysor.am-ի թղթակցին ասաց երթի մասնակից Դավիթ Չոբանյանը։
«Գնացինք, որպեսզի դուրս գանք ճահճացած վիճակից։ Բայց ես այսօր էլի երթի եմ մասնակցում։ Մասնակցում եմ, որովհետև ընդհանրապես չարդարացվեց մեր սպասելիքները, ոչ միայն չարդարացվեց, այլ տապալվեց ամեն ինչ, մեր հավատքը, ապագայի նկատմամբ մեր մոտեցումները։ Նիկոլ Փաշինյանի կողմից ոչ մի խոստում չկատարվեց։ 2.5 տարի է՝ մենք լսում ենք միայն խոսքեր։ Եկեք հիշենք, որ Փաշինյանն իշխանության եկավ նախկինների նկատմամբ ատելության հողի վրա։ Ժողովուրդը գնաց նրա հետևից, որպեսզի ուղղի նախկինների սխալները և տանի մեր պետությունը ճիշտ ճանապարհով, բայց նա ոչ միայն չուղղեց նախկինների սխալը, այլ մեր ազգի ու պետության համար կատարեց ճակատագրական այնպիսի սխալներ, որ չեմ պատկերացնում, թե հնարավոր կլինի մոտակա տասնամյակներում այդ սխալներն ուղղել, թե ոչ», - ասաց ակցիայի մասնակիցը։
Նա նշեց, թե այսօր ժողովուրդը դուրս է եկել, որովհետև այլևս վարչապետին չի հավատում, քանի որ վարչապետը ժողովրդին ասում էր այն, ինչ ժողովուրդն ուզում էր լսել։
Քաղաքացին ասաց, թե Նիկոլ Փաշինյանի իշխանության ժամանակ այնպիսի խնդիրներ են առաջացել երկրում, որ նույնիսկ նախկին իշխանության ժամանակ չեն եղել։
«Եթե նախկիններին մեղադրանքներ էինք հնչեցնում կոռուպցիայի, թալանի և նմանատիպ երևույթների վերաբերյալ, այսօր չունենք թալանից վերադարձրած ոչ մի գումար, ոչ մի արդյունք, փոխարենն ունենք տապալված պետություն, ոչ մի ոլորտ առաջխաղացում չի ունեցել։ Ժամանակին ես իմ ձայնը տվել եմ Նիկոլ Փաշինյանին, այսօր այդ ձայնը հետ եմ վերցնում», - ասաց ակցիայի մասնակիցը։
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Трамп принял 10 требований Ирана перед двухнедельным перемирием
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
Одним из главных рисков выборов является распыление голосов. «Паст»
В Азербайджане готовятся к горнодобывающему буму, а у нас?.. «Паст»
Юнибанк примет участие в выставке Leasing Expo 2026
