Բերձորցի Լեւոնի ձեռքը չի գնում՝ իր տնկած բերքատու ծառերը կտրի, բայց թուրքին էլ թողնել չի ուզում
Բերձորցի Լեւոն Մելիքյանը Աշտարակում տուն է գտել, հիմա էլ իրերը հավաքում է, որ տեղափոխի այնտեղ, մինչեւ կտեսնի, թե ինչ է գլխին գալիս։
«Ամսի 30-ը վերջին օրն է, բայց դե թուրքին Աստված չկա, կարող է ավելի շուտ էլ մտնի»,– ասում է նա։
Իր իսկ տնկած ծառերը, որոնցից տասը տարուց ավելի է՝ ինչ բերք է հավաքում, ձեռքը չի գնում, որ կտրի, բայց թուրքին էլ թողնել չի ուզում։
Շրջում է տան բակում, այգում ու պատմում, թե ինչպես է ամեն ինչը ստեղծել։ Տան սենյակներից մեկը ծառայեցրել է որպես խմորեղենի փոքրիկ արտադրամաս, հիմա սենյակը դատարկվել է, բոլոր գործիքները հանել է։
«Տանիքը վերանորոգել եմ, վարկ եմ վերցրել, մինչեւ հիմա չեմ պրծել էդ վարկից»,- պատմում է նա։
Այգու բերքը մնացել է թփերին, նույնիսկ չեն հասցրել համտեսել իրենց աճեցրած խաղողը, լոլիկը, լոբին։
Նշենք, որ մի քանի օր է՝ ինչ բերձորցիները շտապում են հավաքել իրենց իրերն ու հեռանալ այդտեղից, որովհետեւ չգիտեն՝ ում վերահսկողության տակ է լինելու քաղաքը դեկտեմբերի 1-ից, բնակիչների շրջանում խոսակցություն կա, որ Բերձոր քաղաքի կառավարումը պետք է անցնի ադրբեջանցի քաղաքային նոր ղեկավարներին։ Պաշտոնական որևէ հայտարություն Բերձոր քաղաքի ճակատագրի վերաբերյալ դեռ չի հնչել։
Юнибанк разыграет поездку в Италию среди новых держателей карт Mastercard World «Travel»
Ucom и Microsoft Innovation Center помогают школьникам развивать навыки кибербезопасности
До 25% idcoin-ов при покупке авиабилетов Flyone: Idram&IDBank
При поддержке Ucom в Шенаване установлена солнечная станция мощностью 10 кВт
День благодарности клиентам в Ванадзоре: IDBank
Москва–Баку: есть разногласия, но связи сохраняются. А мы что делаем?
