Դատարկ հայտարարությունների դեմ՝ միայն գործով. «Փաստ»
«Փաստ» օրաթերթը գրում է.
Հայաստանյան իրականության մեջ քաղաքական գործունեությունն ընդհանրապես և պատգամավորականը մասնավորապես բավական հետաքրքիր հանրային ընկալումներ ունի։ Մի կողմից հասարակության մի շարք շերտեր նմանօրինակ գործունեությունը ընկալում են միայն տարատեսակ հռետորաբանության ու ճառերի սահմաններում, մեկ այլ խումբը, սակայն, իրական գործունեությունը տեսնում է գործնական քայլերի մեջ։ Այս տեսանկյունից մեր պատգամավորներն ու քաղաքական գործիչները նույնպես բաժանվում են երկու խմբի՝ անհատներ, ովքեր գործ են անում և անհատներ, ովքեր ճառ են ասում՝ հայտնի մուլտֆիլմի հերոսի պես։
Ներկա նախընտրական շրջանում բնականաբար այս իրողությունը տարածվում է նաև հենց պատգամավորության թեկնածուների վրա, որոնցից շատերը զբաղված են բուն գործունեությամբ, շատերն էլ ավանդույթի համաձայն` ճառասացությամբ։
Այս տեսանկյունից թերևս պետք է առանձնացնենք առաջին ընտրատարածքում առաջադրված ռեյտինգային թեկնածու Ռոբերտ Սարգսյանի գործունեությունը։ Ամփոփելով նախընտրական քարոզարշավի երկրորդ շաբաթը կարող ենք ասել, որ Սարգսյանի վարած քարոզարշավն ու գործունեությունը դասական օրինակ կարող են դառնալ ընդհանրապես պատգամավորության թեկնածուների և, ինչու չէ, հենց ապագա պատգամավորների համար։ Քարոզարշավի մեկնարկը թեկնածուն սկսել էր Ավան վարչական շրջանի բնակիչների հետ հանդիպումով, այս շաբաթ արդեն հանդիպել է նորնորքեցիների հետ, լսել նրանց կարծիքները, խնդիրներն ու մտահոգությունները:
Քարոզչության երկու շաբաթում հետևելով Սարգսյանի գործունեությանը, մենք կարող ենք տեսնել բազմաթիվ հանդիպումներ ու քննարկումներ քաղաքացիների հետ։ Այստեղ կարևոր է շեշտել, որ թեկնածուն իր բոլոր հանդիպումներում պահում է այն գիծը, որ այդ հանդիպումներն ու ծանոթությունը քաղաքացիների ու նրանց խնդիրների հետ սահմանափակված չէ միայն թեկնածու և ընտրող ձևաչափով։ Նախկինում էլ իր գործունեության ընթացքում Սարգսյանը հանդես է եկել քաղաքացիներին հուզող խնդիրներին առավելագույնս հաղորդակից լինելու սկզբունքով։ Ի դեպ, պետք է շեշտել, որ ակնհայտորեն Ռոբերտ Սարգսյանի քարոզարշավը տարբերվում է դաշտում գործող բազմաթիվ թեկնածուների գործունեությունից, քանի որ պատգամավորության թեկնածուն ընտրել է շփումների և ընդհանրապես նախընտրական գործունեության առավել անմիջական ու առանց ավելորդ պաթոսի և հռետորաբանության տարբերակը։
Սա թերևս կարևոր հանգամանք է ընդհանրապես նախընտրական գործունության տեսանկյունից, քանի որ այսօր մենք հաճախ հանդիպում ենք դեպքերի, երբ տարբեր պատգամավորական հավակնություններ ունեցող նոր և նախկին քաղաքական գործիչներ փորձում են քաղաքացիների համակրանքը շահել պոպուլիստական հայտարարություններով, անիրատեսական խոստումներով ու հազար ու մի այլ միջոցներով, սակայն միաժամանակ այդպես էլ անհաղորդ են մնում բազմաթիվ հոգսերի տակ կքած մեր քաղաքացիների ու հասարակության իրական հիմնախնդիրներին: Այս տեսանկյունից պետք է շեշտել, որ այստեղ անգամ էական չէ Ռոբերտ Սարգսյանի անձը, խնդիրը միայն մարդու և քաղաքական գործչի տեսակի մեջ է, պարզապես կան գործիչներ, որոնք նախընտրում են շարժվել սեփական ամբիցիաներով և ամբոխավարական ուղեծրով, և գործիչներ, ովքեր պարզապես իրենց գործն են անում ՝ առանց բարձրագոչ հայտարարությունների, առանց ցուցամոլության։ Այս տեսանկյունից Ռոբերտ Սարգսյանը պատկանում է գործիչների վերջին տեսակին և թերևս հարկ է շեշտել, որ հայաստանյան հասարակական–քաղաքական դաշտը հենց Ռոբերտ Սարգսյանի տիպի գործիչների կարիք ու պահանջարկ ունի։
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
