Արտաշատում և Հրազդանում ամենապահանջվածը մատնահարդարի և դիմահարդարի մասնագիտությունն է. «Փաստ»
«Փաստ» օրաթերթը գրում է.
Պարզվում է Արտաշատ և Հրազդան քաղաքներում ամենամեծ պահանջարկ վայելողը մատնահարդարի և դիմահարդարի մասնագիտություններն են: Թեև դժվար է ասել, թե նշված մասնագիտական որակավորումները ստանալուց հետո մատնահարդարներից ու դիմահարդարներից քանիսին է հաջողվել հենց Արտաշատում կամ Հրազդանում աշխատանք գտնել, սակայն պաշտոնական վիճակագրության համաձայն` դրանք այս պահին ամենաթրենդային մասնագիտություններն են համարվում այդ քաղաքներում:
Գնումների armeps.am համակարգի տվյալների համաձայն` անցյալ տարվա նոյեմբեր ամսին ՀՀ աշխատանքի և սոցիալական հարցերի նախարարության և «Բիզնես Քոնսալթ» ՓԲԸ–ի միջև կնքված պայմանագրի համաձայն 46 գործազուրկ, որից 3–ը հաշմանդամ, ձեռք են բերել նոր մասնագիտություն: Նրանց համար մասնագիտական ուսուցում կազմակերպելու համար նախարարությունը վճարել է 3910000 դրամ գումար: Ուշագրավ է, որ նրանցից 10–ը Հրազդան քաղաքում ձեռք են բերել մատնահարդարի մասնագիտություն, իսկ Արտաշատում 6 գործազուրկ նախընտրել է մատնահարդար դառնալ, իսկ 6–ն էլ ընտրել է դիմահարդարի մասնագիտությունը:
Զբաղվածության պետական գործակալության ծրագրերի իրականացման մեթոդական աջակցության և խորհրդատվության բաժնի պետ Ռուզաննա Արշակյանը «Փաստի» հետ զրույցում նշեց, որ նոյեմբերին մեկնարկած ուսուցման ծրագիրն ավարտվել է այս տարվա հունվարի 23–ին, իսկ նրանց աշխատանքի տեղավորելու հարցերով գործակալությունը պետք է առաջիկայում զբաղվի:
Հարցին՝ ինչպես է որոշվում, թե, օրինակ, Արտաշատ կամ Հրազդան քաղաքներում քանի մատնահարդար կամ դիմահարդար է հարկավոր Ռ. Արշակյանն ասաց, որ մասնագիտական ուսուցման պահանջարկը ձևավորվում է զբաղվածության տարածքային բաժիններում: Տեղերում իրականացված կարիքների գնահատման արդյունքում էլ ձևավորվում է, թե աշխատաշուկայի պահանջներին համապատասխանելու համար գործազուրկներն ինչ մասնագիտություն պետք է ստանան: Դրանք համադրելով գործազուրկների ցանկություններին, պարզ է դառնում, թե ինչ մասնագիտություն պետք է ստանան գործազուրկները, որպեսզի կարողանան հեշտ աշխատանք գտնել:
«Զբաղվածության տարածքային կենտրոններից տարբեր մասնագիտությունների գծով ուսուցում կազմակերպելու հայտ–պահանջագրեր են ներկայացվում: Կարիքների գնահատման ժամանակ հաշվի է առնվում նաև աշխատուժի պահանջարկը, որպեսզի ուսուցում անցնելուց հետո այդ գործազուրկների աշխատանքի տեղավորվելու շանսերն ավելի մեծանան: Այնուհետև գործակալությունը կազմակերպում է ուսուցում իրականացնելու մրցույթ և այդ մրցույթին մասնակցած կազմակերպություններից մեկը հաղթում է, որից հետո էլ կազմակերպում է գործազուրկների ուսուցումը»,– ասաց Ռ. Արշակյանը:
Ի դեպ, պաշտոնական տվյալների համաձայն` 2016–ին 1284 գործազուրկի համար կազմակերպվել է նման մասնագիտական ուսուցում, որից 105–ը եղել են հաշմանդամներ, իսկ 5–ը` աշխատանքի ազատման ռիսկ ունեցող անձինք: Գործակալության տվյալների համաձայն` ուսուցում անցածների 369–ը կարողացել է աշխատանքի տեղավորվել և այժմ համարվում է գրանցված աշխատող, 441–ի ուսուցումը կամ ընթացքի մեջ է, կամ նոր է ավարտվել, ուստի դեռևս հնարավոր չէ ասել, թե նրանցից որքանը աշխատանքի կկարողանա տեղավորվել:
Ի դեպ, Կառավարության որոշմամբ 2017 թվականին նախատեսվում է փոփոխության ենթարկել այս ընթացակարգը: Եվ այդ է պատճառը, որ այս տարվա համար դեռևս ուսուցման որևէ ծրագիր չի նախատեսվում իրականացնել: Մեկ ուշագրավ փաստ ևս՝ ուսուցման ծրագրի ֆինանսավորումն իրականացվում է դասընթացը կազմակերպելուց և վկայականները հանձնելուց հետո, սակայն հարց է ծագում, թե որքանով է նման գործարքը շահավետ ուսուցում կազմակերպող կազմակերպության համար:
Շարունակությունը` «Փաստ» օրաթերթի այսօրվա համարում:
Самолет НАТО провел разведку над Черным морем у границ Украины
Европейские лидеры поддержат Пашиняна с оговорками или не станут бороться за его рейтинг? «Паст»
Тяжелые последствия «авантюризма»: разве мы представляем себе такое «будущее»? «Паст»
CNN: Иран просит США смягчить санкции и разморозить активы
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
Международный день Земли: Idram&IDBank
Ходят по домам и расспрашивают: «Паст»
Эдмон Марукян пояснил собственное заявление на съезде партии «Светлая Армения»
Честолюбивый Гюмри снова отверг Пашиняна: «Паст»
