Չի բացառվում, որ դհոլ–զուռնայով բացվող ծրագրերի դհոլը վաճառվի, իսկ զուռնան էլ սկսի քելեխի երաժշտություն նվագել. «Փաստ»
«Փաստ» օրաթերթը գրում է.
Տեղեկացնում ենք ձեզ, որ Հայաստանում Իրանի Իսլամական Հանրապետության արտադրանքի համապատասխանության գնահատման մարմինների ներկայացուցչական գրասենյակներ հիմնելու նպատակով, ինչպես նաև հայկական արտադրանքի սպառման ծավալների մեծացմանը, զբոսաշրջության աճին խթանելու և տեղական արտադրանքի մուտքը նոր շուկաներ ապահովելու նպատակով վաղը Երևանում կբացվի Հայաստանում «Հալալ»–ի գրասենյակը:
Պաշտոնական տեղեկության համաձայն՝ Հայաստանում «Հալալ»–ի գրասենյակի բացումը նոր խթան կհանդիսանա հայ գործարարների կողմից դեպի Իրան արտահանման ծավալների մեծացման համար:
«Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանի կարծիքով՝ արտահանման ծավալների մասին հնարավոր կլինի խոսել, բացառապես այն ժամանակ, երբ ձևավորվի հայկական ապրանքների հանդեպ պահանջարկը:
«Մեզ մոտ պարբերաբար որոշ շուկաներ ներգրավելու առումով իշխանություններն ինչ–որ քայլեր իրականացնում են, սակայն որոշ ժամանակ հետո հասկանում են, որ այն ծավալով, որը ցանկանում էին, չեն կարողացել դաշտը գրավել: Այյս առումով մեզ պե՞տք է օրինակ՝ «Հալալ»–ի, միանշանակ պետք է, բայց արդյո՞ք այն երաշխավորում է մրցունկության բարձրացում՝ ոչ, չի երաշխավորում»,– համոզված է Բ. Պիպոյանը:
Մրցունակության պահովելու համար հարկավոր է ոչ միայն սննդի անվտանգության վրա ուշադրություն դարձնել, այլ՝ որակը բաձրացնել: Այդ պայմաններում անվտանգ ապրանքը կարող է այս կամ այն շուկայում ներկայացված լինել, սակայն չվաճառվել զուտ ցածր որակ ունենալու պատճառով, ինչպես Եվրամիության անդամ շատ երկրներ մեղր արտահանելու դեպքում եղավ:
«Եվրամիությունը Հայաստանի Հանրապետության համար մեղրի արտոնագիր տվեց, բայց քանի՞ տոննա մեղր արտահանվեց և վաճառվեց: Մեր մեղրը էկոարտոնագիր չուներ, այդ իսկ պատճառով էլ եվրոպական երկրներում դարձավ ոչ մրցունակ և հարցը փակվեց»,– ասաց Բ.Պիպոյանը:
Ստացվում է, որ իշխանությունների կողմից դհոլ–զուռնայով մատուցված նման ծրագրերը ոչ միշտ են իրենց արդարացնում, որի պատճառներն այնքան շատ են, որ մեկ հոդվածում հնարավոր չէ դրանք բոլորը ներկայացնել: Ինչ վերաբերում է «Հալալ»–ի գրասենյակի միջոցով պարսկական շուկայում հաջողություններ արձանագրելուն, ապա ինչպես եվրոպականի դեպքում էր, չի բացառվում, որ այստեղ նույնպես առանձնապես ցնցող հաջողություններ արձանագրել չհաջողվի:
«Չի բացառվում, որ դհոլ–զուռնայով բացվող ծրագրերը օգուտ չտան Հայաստանին, դհոլը վաճառվի, իսկ զուռնան էլ սկսի քելեխի երաժշտություն նվագել»,– ասաց Բ. Պիպոյանը:
Շարունակությունը` «Փաստ» օրաթերթի այսօրվա համարում:
Самолет НАТО провел разведку над Черным морем у границ Украины
Европейские лидеры поддержат Пашиняна с оговорками или не станут бороться за его рейтинг? «Паст»
Тяжелые последствия «авантюризма»: разве мы представляем себе такое «будущее»? «Паст»
CNN: Иран просит США смягчить санкции и разморозить активы
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
Международный день Земли: Idram&IDBank
Ходят по домам и расспрашивают: «Паст»
Эдмон Марукян пояснил собственное заявление на съезде партии «Светлая Армения»
Честолюбивый Гюмри снова отверг Пашиняна: «Паст»
