Էդուարդ Շարմազանովը` ընտրակաշառքների ու ՀՀԿ–ականների միջև բախումների մասին. «Փաստ»
«Փաստ» օրաթերթը գրում է.
Խորհրդարանական ընտրությունների թեմայով «Փաստը» զրուցեց ԱԺ փոխնախագահ Էդուարդ Շարմազանովի հետ:
– Պարոն Շարմազանով, ԱՄՆ դեսպան Ռիչարդ Միլսը կոչ է արել զերծ մնալ ընտրողների ձայները գնելու գործընթացից, ի՞նչ կասեք սրա մասին:
– Մենք էլ ենք կոչ անում քարոզչությունն իրականացնել բացառապես օրինական միջոցներով: Հանրապետականն ամենաշահագրգռվածն է այդ հարցում: Ե՛վ Ընտրական օրենսգրքում բարեփոխումների գնալով, և՛ առհասարակ տարբեր բարեփոխումների գնալով, մենք ցույց ենք տվել, որ պատասխանատու ենք այս ընտրությունների համար: Մենք դրական ենք համարում այդ հորդորները, սակայն, անկախ միջազգային մեր գործընկերների կարծիքից, կարող եմ ասել, որ մենք անելու ենք ամեն ինչ, որ այս ընտրությունները հնարավորինս չստվերվեն ընտրախախտումներով:
– Ըստ Ձեզ, ի՞նչն է հիմք հանդիսացել, որ ԱՄՆ դեսպանը նման կոչով է դիմել կուսակցություններին:
– Չեմ կարող ասել, միգուցե պատճառը մամուլի հրապարակումներն են եղել: Նկատենք, որ խորհրդարանում էլ խմբակցությունների ներկայացուցիչները նման կոչեր արեցին: Միգուցե պառլամենտական քննարկումների վրա հիմնվելո՞վ են նման կոչ արել:
– Մամուլում տեղեկություններ տարածվեցին, որ ՀՀԿ թեկնածու Միհրան Պողոսյանը՝ Քեթրինի Միհրանը, մեկ ձայնի համար 100 ԱՄՆ դոլար է տալիս:
– Չեմ ցանկանում խոսակցությունները մեկնաբանել: Բոլորին հորդորում եմ փաստով դիմել համապատասխան իրավապահ մարմիններին: ՀՀԿ–ն ցանկացած ընտրակեղծիք՝ կարուսել և նմանատիպ հակաօրինական այլ քայլերին ոչ միայն դեմ է, այլև դատապարտում է:
– Մամուլում տեղեկություններ տարածվեցին, որ ՀՀԿ թեկնածու Միհրան Պողոսյանը՝ Քեթրինի Միհրանը, մեկ ձայնի համար 100 ԱՄՆ դոլար է տալիս:
– Չեմ ցանկանում խոսակցությունները մեկնաբանել: Բոլորին հորդորում եմ փաստով դիմել համապատասխան իրավապահ մարմիններին: ՀՀԿ–ն ցանկացած ընտրակեղծիք՝ կարուսել և նմանատիպ հակաօրինական այլ քայլերին ոչ միայն դեմ է, այլև դատապարտում է:
– Որպես ՀՀԿ–ական, մամուլում տեղ գտած հրապարակումների հետքերով չե՞ք գնում, ներքին հետաքննություն չե՞ք անցկացնում, որպեսզի ավելորդ շահարկումների առիթներ չլինեն:
– Հետաքննություն անցկացնելու կարիք չկա, մեր գործընկերներին մենք տվել ենք խաղի կանոններ, ու իրենք շատ լավ գիտակցում են, որ դրանք պետք է պահպանեն, իսկ եթե չպահպանեն, թիմի կողմից օժանդակություն չեն ունենալու ու օրենքի առաջ պատասխան են տալու: Ով ընտրություններին նորմալ կմասնակցի, փառք իրեն, իսկ ով ոչ` կպատժվի օրենքով:
– Երեկ լուրեր տարածվեցին նաև, որ Գալուստ Սահակյանի որդի Արման Սահակյանի ու ՀՀԿ–ական թեկնածու Տավրոս Գևորգյանի միջև գիշերը բախում է եղել, տեղյա՞կ եք միջադեպից:
– Ոչ մի բախում չի եղել:
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
