Տխրահռչակ Պալաչը կրկին գրավադրել է մեկ անգամ արդեն Ծառուկյանի կողմից փրկված հայրական տունը. այսքանից հետո էլ ի՞նչ երեսով է խոսում

Էլյա Հովհաննիսյանը ֆեյսբուքյան իր էջում գրում է,

Մի երկու օր է համացանցում կրկին պտտվում է Պալաչ մականունով հայտնի տականք Արթուր Հարությունյանի հարցազրույցները: Սա, բերգիաներում ծվարելով ոչ ավել, ոչ պակաս հեղափոխության գաղափարն է շահարկում:
Թեմայից անտեղյակներին ուղղակի հուշեմ, որ այս-վայ գործարարը ժամանակին բիզնես-իմպերիա էր ուզում ստեղծել ամենախոցելի մարդկանց շահերի հաշվին: Երկու ընկերություն էր ստեղծել՝ «Քինգ Դելյուքսն» ու «Տրանս Կոմֆորտ»-ը, որոնք ուղևորափոխադրում պիտի կատարեին այն ճանապարահատվածում, որտեղ «Գագիկ Ծառուկյան» բարեգործական հիմնադրամի ավտոբուսները անվճար կատարում էին նույն առաքելությունը: Ի դեպ, անվճար ավտոբուսները արդեն տասնյակ տարիներ անվճար տեղափոխում էին բնակիչներին, երբ Պալաչը որոշեց, որ մարդկանցից գումար քամելը լավ գաղափար է: Հետո էլ որոշեց մի իսկական արշավ սկսել բարեգործական ավտոբուսների դեմ, որ դրանք հանվեն շարքից:
Բնականաբար նման ստորությունը երկար ճանապարհ անցնել չէր կարող: Իսկ Պալաչը այդ ընթացքում արտասահմաններում իր հաճույքների թանկագին խաթեր համար քամուն տալով ողջ ունեցվածքը՝ «Առեքսիմբանկում» և «Պրոմեթեյ բանկում» գրավադրված իր գույքի տոկոսագումարները չի կարողանում կամ, ինչպես իր գործընկերներն ու հարազատներն են հետագայում նշել, չի ցանկանում մարել՝ դիտավորյալ ինքնասնանկացման գնալու համար: Ի դեպ նույնիսկ հայրական տունն է թողում բանկին, որի գրավը Գագիկ Ծառուկյանը վճարում է՝ Պալաչի ծնողներին անօթևան թողնելու հեռանկարից փրկելով: Իսկ գիտե՞ք, որ Պալաչը հետագայում այդ նույն հայրական տունը կրկին գրավադրում է բանկում: Հիրավի եզակի տականք:
Բանկերը վերոնշյալ երկու սնանկ ընկերություններից ազատվելու և իր գումարը հետ ստանալու ակնկալիքով բազմիցս հետագայում դիմում է «Մուլտիավտոտրանս» ընկերությանը՝ դրանք ձեռք բերելու խնդրանքով: Ի վերջո, բնակիչների նորմալ ուղևորափոխադրումը կազմակերպելու նպատակով, ովքեր հիրավի այդ պատմության մեջ մեղքի որևէ բաժին չունեին, «Մուլտիավտոտրանս»-ը ստիպված ձեռք է բերում այդ երկու սնանկ ընկերությունները՝ փրկելով դրանք ոչնչացումից:
Եթե չգիտեք, ասեմ նաև, որ այս անձնավորությունը հրապարակավ ներողություն խնդրեց Ծառուկյանից: Հիմա սրա տեսակին ի՞նչ են ասում, որ թքածը հետ է լզում:
Փաստենք, որ, իհարկե, կանխատեսելի էր, սակայն անչափ ցավոտ է գիտակցել, որ հեղափոխության գաղափարը նման տականքների կողմից շահագործելու փորձ կատարվելու էր: