«Չիստկա» քաղաքական դաշտում
Նախկինում բավականին ակտիվ քաղաքական գործիչները պարապուրդի չեն մատնվում:
ԱԺ ընտրություններում չառաջադրված, իսկ Երևանի ավագանու ընտրություններում նախնական շեմը չհաղթահարած Զարուհի Փոստանջյանը նոր աշխատանք է գտել՝ նա բացել է փաստաբանական գրասենյակ և պատրաստվում է առաջիկայում զբաղվել իր բուն մասնագիտըությամբ: Հայ քաղաքական իրականությունը Զարուհուն հիշում է իր էքսցենտրիկ պահվածքով և մշտական օպոզիցիոն կեցվածքով: Իր քաղաքական կարիերայի ընթացքում Փոստանջյանին տեսանք բավականին «խառնիճաղանջ գործելաոճով», դե իսկ որ քաղաքական մտքի գիգանտ նրան իհարկե չես համարի, ուստի նրա բացակայությունը մեր հայրենի քաղաքական օրակարգում այդքան էլ մեծ կորուստ չի կարելի համար՝ անգամ չի էլ նկատվի: Օրվա երկրորդ կեսին հայտնի դարձավ, որ քաղաքականության իր էջը փակում է նաև մեր քաղաքական դաշտի ևս մի հնաբնակ՝ Արթուր Բաղդասարյանը:
Վերջին տարիներին ՕԵԿ-ն իր հայտարարություններով և գործելաոճով տեղափոխվեց գործունեության մի հարթություն, որը քաղաքագիտական տեսանկյունից անհնար էր սահմանել: Դեռևս կոալիցիոն կառավարության կազմում գտնվելով՝ ՕԵԿ-ն սկսեց վարել մի քաղաքականություն, ինչը նույնիսկ սեփական թիմակիցների համար էր անհասկանալի: Խորհրդարանական ընտրություններից հետո՝ ստեղծվեց նոր օրակարգ, երբ ԱԺ-ում հայտնվեցին երեք քաղաքական ուժ, իսկ մնացածը քաղաքական դերակատարներին մասնաբաժին հասավ արտախորհրդարանական կարգավիճակը, հենց այնտեղից նրանք պետք է հետևեն քաղաքական առաջիկա վարիացիաներին: Վերջին շրջանում ՕԵԿ-ի բառապաշարը կտրուկ փոփոխվել էր՝ գործող իշխանությունների հետ մի յուրահատուկ քաղաքական «սիրախաղ» էր սկսել, նախընտրական շրջանում հանրության փորձելով համոզել, որ իրենք դաշտի «կարմիր» խաղացողներից են, սակայն դա չաշխատեց. ՕԵԿ-ը տապալեց հերթական ընտրությունը:
ԱԺ ընտրություններից հետո քաղաքական դաշտում մի տեսակ յուրահատուկ ինքնամաքրման գործընթաց՝ «չիստկա» է սկսվել, քաղաքական դաշտում գործող հին դեմքերը մի տեսակ խաղից դուրս կարգավիճակում են հայտնվել: Եթե հաշվի առնենք, որ քաղաքական նախկին երկու լոկոմոտիվների՝ ՀՀԿ-ի ու ՀՅԴ-ի խորհրդարան չմտելը ևս, ապա ստացվում է մի իրավիճակ, երբ դաշտի հնաբնակներից մնացել է միայն ԲՀԿ-ն (Նիկոլին ու Էդմոնին տվյալ պարագայում կարելի է համարել երիտասարդ ենթախմբի ներկայացուցիչներ): Քաղաքականության մեջ մի առանձնահատում սերնդափոխություն է սկսվել, որում պետք է ճիշտ դերաբաշխում ու դիրքավորումներ կատարվեն՝ հետագայում կառուցողական ու առողջ քաղաքական միջավայր ու դիսկուրս ապահովելու համար:
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
