Իշխան Զաքարյանը, փրփուրներից կառչելով, փորձում է խեղաթյուրել իրականությունը

Արմ Սարգսյանը ֆեյսբուքյան իր էջում գրում է.

Հայաստանը պատրաստվում է արտահերթ խորհրդարանական ընտրություններին, և արդեն քաղաքական ուժերը ներկայացրել են իրենց պատգամավորական թեկնածուների ցանկը։ Սակայն մինչև կներկայացվեին ընտրությունների ցուցակները, շատ քաղաքական լիդերներ հանդես եկան հայտարարություններով: Հատկանշական է ԲՀԿ առաջնորդ Գագիկ Ծառուկյանի հայտարարությունը, առ այն, որ իր կուսակցությունը հանդես կգա մեծամասամբ փոփոխված թիմով: Իսկ ցուցակների հրապարակումից հետո փոփոխությունները թերևս ակնառու էին:
Այստեղ շատ կարևոր հանգամանք էր, որ այնտեղ չգտանք անուններ այն մեղմ ասած ոչ «պայծառ» դեմքերից, ովքեր խորհրդարանում միայն կոճակ սեղմելու «սուրբ» գործի համար էին զբաղեցնում իրենց աթոռները։ Այսպիսի պատգամավորի կարկառուն տեսակ է Իշխան Զաքարյանը, որ բարեբախտաբար չկա այս անգամ ԲՀԿ ցուցակում։ Իշխան Զաքարյանի նման պատգամավորին դուրս թողնելով թեկնածուների ցուցակից, ԲՀԿ-ն ըստ երևույթին քաղաքական դիրքորոշում է ցույց տվել, քանի որ մեկը, ով ոչ մի կերպ չի մասնկացել որևէ օրինագծի քննարկման, չի ունեցել որևէ ելույթ կամ գոնե մի հարց այս ողջ ընթացքում, չի կարող այլևս քաղաքական թիմի մաս կազմել։ Ու հիմա այսքանից հետո ասել, թե անձամբ ցանկություն չունի առաջադրվելու, ստոր սուտ է: Իսկ Զաքարյանը այդպիսի հայտարարություն արել է։
Ակնհայտ է, որ Զաքարյանը փորձում է խեղաթյուրել իրականությունը, որովհետև հետևելով քաղաքական թոհ ու բոհին ակնառու էր՝ Իշխան Զաքարյան՝ քաղաքական գործիչն այլևս տեղ չունի կուսակցության շարքերում: Հիմա լռելու փոխարեն՝ փոխարեն կանգնել ու ամպագոռգոռ հայտարարություններ է փորձում անել՝ իր մեկուսացումը ներկայացնելով որպես սեփական որոշում։
Թերևս Իշխան Զաքարյանի այս կեղծիքը և ինչ-որ կերպ փրփուրներից կախվելը իր հեղինակությունը փրկելու վերջին անհույս փորձերն են: Բայց իրականությունից ոչ ոք չի կարող խուսափել, իսկ իրականությունն անզեն աչքով իսկ ակնհայտ է։