Վարչապետին հավատում եմ, բայց... «Փաստ»
«Փաստ» օրաթերթը գրում է.
Մեր հյուրն է ՀԱԿ վարչության անդամ Զոյա Թադևոսյանը
– Տիկին Թադևոսյան, Ձեզ գոհացնո՞ւմ է նախընտրական այս իրավիճակը: Չնայած կարող ենք ասել նախանախընտրական, քանի որ դեռևս չի սկսվել պաշտոնական քարոզչությունը:
– Ես գոհանում եմ այն գործունեությամբ, որն իրականացնում է մեր կուսակցությունը: Մենք աշխատում ենք ռեյտինգային ցուցակները կազմելու ուղղությամբ, աշխատում ենք շտաբներ ձևավորելու, թիմերը կարգավորելու վրա: Այսինքն` իրականացնում ենք նախապատրաստական ողջ աշխատանքները:
Մնացածը թե ինչ են անում, ինձ հետաքրքիր չէ: Ինչ ուզում են` թող անեն: Կարևորն իմ կուսակցությունն է:
– Բայց նրանց արածն ուղղակի և ոչ ուղղակի վերաբերվում է նաև ձեզ: Շատ տեղեկություններ կան, որ Հանրապետական կուսակցությունը վարչական ռեսուրսներն արդեն օգտագործում է:
– Իսկ ո՞վ էր կասկածում, որ պետք է օգտագործեր: Վարչական ռեսուրսն էլ պետք է օգտագործի, ֆինանսական ռեսուրսն էլ պետք է օգտագործի: Որովհետև այն քաղաքական ուժերը, որոնք վստահ չեն իրենց վարկանիշի վրա, պետք է դիմեն այլ մեխանիզմների, որ կարողանան ընտրողին գրավել:
Ավելին` տարիներ շարունակ մենք այդ փաստին այնքան ենք առնչվել, որ մեզ համար բնական է դարձել դա: Եթե, իհարկե, կարելի է օգտագործել «բնական» բառը: Ըստ էության, դա ժողովրդի մոտ վստահություն չունեցող անձանց գործելաոճ է: Ուստի մեր ժողովուրդն էլ պետք է այդ երևույթներից ուղերձ ստանա ու մերժի այս ուժերին: Նրա վարչական ու ֆինանսական ռեսուրսներին էլ արժեք ու նշանակություն չտա:
Այնպես որ, այս հարցում խնդիրը ոչ թե իշխանությունների կողմից ոչ օրինական մեխանիզմների օգտագործման փաստն է, այլ այստեղ պետք է կարևորվի ընտրողի դիրքորոշումը: Ինձ համար կարևորն ընտրողն է, ես այնքան չեմ վստահում այս իշխանություններին, որ նրանց կողմից իրականացվող ոչ մի գործունեություն չեմ ուզում արժանացնել ուշադրության: Նույնիկ եթե ոչինչ էլ անօրինական չանեն, էլի նրանց չեմ հավատա: Որովհետև գիտեմ` այս իշխանությունների վերարտադրության միակ հնարավոր ճանապարհը ապօրինի միջոցների օգտագործումն է: Իսկ ես վստահում եմ հայ մարդուն, հայ քաղաքացուն, հայ ընտրողին, որ նա վերջին անգամ կօգտագործի ընձեռված հնարավորությունն ու կմերժի այս իշխանություններին:
– Մեր ընտրողը հաճախ շատ ճիշտ էլ իր ընտրությունը կատարում է, սակայն գրանցվում է բոլորովին այլ արդյունք: Այնպես որ, այդքան էլ չպետք է հանգիստ լինեք:
– Մենք հանգիստ ենք այն առումով, որ «Հայ ազգային կոնգրեսը» կարողացավ հասնել այնպիսի մի ձեռքբերման, որը մինչ այդ չի եղել: Տարիներ շարունակ մենք հորդորում էին, որ ընտրական ցուցակները հրապարակվեն: Չէր արվում: Իսկ այս ընտրություններում դա տեղի կունենա: Տեղամասերի գոնե 93%–ում տեսախցիկներ կտեղադրվեն, որոնք կցուցադրեն ընտրությունների ընթացքը: Սա լուրջ ձեռքբերում է:
Այդ իսկ պատճառով իշխանությունները կրկին լծվել են իրենց «սուրբ» գործին: Որովհետև գիտեն իրենց համար այս անգամ պարտվելու լուրջ հնարավորություն կա: Իսկ մենք էլ այնքանով ենք հանգիստ, որ մտածում ենք` փառք Աստծո, հասել ենք նրան, որ կարող ենք գոնե 500 հազար մարդու չափով կրճատել նրանց ընտրախախտումների թիվը:
– Փաստորեն բոլոր ընտրատեղամասերում չէ, որ տեսախցիկներ են տեղադրվելու: Դուք այստեղ միտում չե՞ք տեսնում: Չե՞ն առանձնացնելու տեղամասեր, որտեղ կանեն այն, ինչ ուզում են անել:
– Դրանք չեն տեղադրվելու հեռավոր շրջաններում, որտեղ, իրենց ասելով, ինտերնետային կապ չկա, և ընտրողների թիվը փոքր է: Իհարկե, նրանք կօգտագործեն նաև այդ հնարավորությունը տվյալ տեղամասերում ավելի շատ ընտրող գրանցելու և իրենց ձայներն ապահովելու համար:
Մենք էլ կձգտենք, որպեսզի այդ տեղամասերում նկարահանումներ կրկին իրականացվեն, թեկուզ` ուղիղ եթեր չապահովվի: Կձգտենք նրանցում ունենալ վստահված անձինք, դիտորդներ, հանձնաժողովի ավելի «ուժեղ» անդամներ: Ի վերջո, կա այսպիսի պրակտիկա. եթե տեղացի է հանձնաժողովի անդամը, ապա ինչ–որ չափով տեղական իշխանությունների ազդեցության տակ կարող է լինել ու համագործակցության գնալ նրանց հետ: Ուստի կաշխատենք այդտեղ ընդգրկել անկախ, ոչ տեղացի հանձնաժողովականների:
– Վարաչապետն էլ անդրադարձավ իշխող կուսակցության կողմից վարչական ռեսուրսների օգտագործման հարցին: Դուք հավատո՞ւմ եք վարչապետի անկեղծությանը:
– Ես հավատում եմ: Հավատում եմ, որովհետև վարչապետին նոր չէ, որ ճանաչում եմ: Հավատում եմ նրան` անկախ այն բանից, թե ինչ պաշտոն է զբաղեցնում: Որպես մարդու եմ հավատում նրան:
– Բայց նրա ուժը կզորի՞ դա կանխելու:
– Ա՛յ, այդ մասին ինքը պետք է ասի: Այդ հարցը իրեն տվեք, թող ինքն էլ պատասխանի. իր ուժը կբավականացնի՞ ազդելու Սերժ Սարգսյանի վրա, որպեսզի վերջինս հրաժարվի ինքնավերարտադրության մտադրությունից:
Շարունակությունը` «Փաստ» օրաթերթի այսօրվա համարում:
Размик Марукян стал обладателем бронзовой медали XV Международного конкурса артистов балета
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
Зачем Пашинян полетел в Россию?․ Аршак Карапетян
