Կոռուպցիայի դեմ բարոյական գնահատականներով չեն պայքարում
Նախօրեին կաշառք ստանալու կասկածանքով բերման էին ենթարկվել Սևանի ՊԵԿ մի քանի աշխատակիցներ, ինչին վարչապետի պաշտոնակատար Փաշինյանն արձագանքելով իր ֆեյսբուքյան էջում՝ նշել էր. «Առավելևս Նոր Հայաստանում կաշառք պահանջել կարող է միայն ստահակը: Սրանց պետք է արմատախիլ անել»:
Նիկոլ Փաշինյանի բաց, թափանցիկ, արագ արձագանքով գործունեությունը, ընդ որում, ոչ միայն Ֆեյսբուքում, լիովին բխում է հեղափոխության հռչակած արժեքներից: Սակայն, այսքանով հանդերձ, կան մի քանի մտահոգություններ Փաշինյանի այդ գրառման կապակցությամբ:
Նախ, ինչպես արդեն նշեցինք, շատ լավ է, որ Փաշինյանը բաց և ազատ շփման մեջ է սոցիալական ցանցում, բայց արդյո՞ք չարժե հաշվի առնել նախկինում գրանցված դեպքերը, երբ իրավապահ մարմինները հանդես էին գալիս հաղորդագրությամբ, վարչապետը անդրադառնում էր դրանց, հետո արդեն նույն իրավապահ մարմինները պարզում էին, որ իրենց օպերատիվ տվյալները իրականությանը չէին համապատասխանում:
Հետո, այն հանգամանքը, որ կոռուպցիան փաստացի հռչակվել է այս հեղափոխության հիմնական թշնամին, չի նշանակում, թե դրա դեմ պետք է պայքարել բարոյական ձևակերպումներով: Իհարկե, որևէ ռացիոնալ բացատրություն չի կարող լինել, ասենք, կոռուպցիան գովերգելու կամ արդարացնելու: Բայց առանձին մարդկանց պիտակավորելով կոռուպցիայի դեմ պայքարելը առնվազն արդյունավետ չէ, էլ չենք խոսում անմեղության կանխավարկածի կամ անվանարկման մասին: Արդյունավետ չէ նախ և առաջ այն պատճառով, որ կոռուպցիան ինքնին համակարգային երևույթ է, ներծծված քաղաքական ինստիտուտների, կյանքի սոցիալական բաղադրիչների մեջ: Կոռուպցիայի արմատները ոչ թե այս կամ այն մարդկանց անձնային ու բարոյական որակներում պետք է փնտրել, այլ ավելի բարդ, խորքային շերտերում: Հեծանիվ հորինելու կարիք չկա, ի վերջո, Հայաստանն առաջին երկիրը չէ, որ որոշել է պայքարել կոռուպցիայի դեմ:
Ըստ այդմ, նմանատիպ գրառումները կամ ավելի են խորացնում կոռուպցիայի դեմ պայքարի եղած ռազմավարությունը կամ դրա բացակայությունը, երբ արդեն մի քանի ամիս է անցել իշխանափոխությունից, բայց կոռուպցիայի դեմ պայքարի միասնական, համակարգված որևէ մարմին չկա: Մեծ հաշվով չկա նաև կոռուպցիայի դեմ պայքար, կա առանձին կոռուպցիոն սկանդալների շուրջ իրավապահ մարմինների հետաքննություն՝ հարակից տեղեկատվական աղմուկով: Եթե այս մեթոդն ընդամենը հետհեղափոխական էմոցիոնալ մոլորություն է առ այն, որ կոռուպցիան բացառապես բացասական մարդկային հատկանիշ է, այսպես ասած, վատ ու չար մարդկանց զբաղմունք, ապա, ցավոք, վաղ թե ուշ իշխանությունների հակակոռուպցիոն քաղաքականությունը հանդիպելու է կրախի, իսկ դա արդեն սարսափելի ու անթույլատրելի է:
Стипендиаты программы «Армянские виртуозы» и участники программы «Родом из Арцаха» встретились со вс...
Европейские лидеры поддержат Пашиняна с оговорками или не станут бороться за его рейтинг? «Паст»
Тяжелые последствия «авантюризма»: разве мы представляем себе такое «будущее»? «Паст»
CNN: Иран просит США смягчить санкции и разморозить активы
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
Ходят по домам и расспрашивают: «Паст»
Эдмон Марукян пояснил собственное заявление на съезде партии «Светлая Армения»
Честолюбивый Гюмри снова отверг Пашиняна: «Паст»
Какие партии проведут предвыборный съезд в ближайшие дни? «Паст»
