Կեղծ դատաբժշկական եզրակացություն և շատնաժով հարցաքննություն իրականացրած անձինք պետք է պատժվեն
Արման Եսայանը ֆեյսբուքյան իր էջում գրում է.
Էդուարդ Բաբայանն այսօր կալանավորված է այն մեղադրանքով, որ իբրև թե քաղաքացի Վյաչեսլավ Հարությունովին ծանր մարմնական վնասվածքներ է պատճառել: Այս կալանավորումը իրականացվել է ինչ-որ դատաբժշկական փորձաքննության եզրակացության հիման վրա, որտեղ արձանագրված է, որ կոտրվել էր Հարությունովի կողոսկրը, ծակվել էր թոքը, նա ստացել էր բազմակի հարվածներ, ուղեղի ցնցում, սալջարդեր և այլ կոտրվածքներ:
Բայց կան մի շարք հանգամանքներ, որ փաստում են, որ վերանշյալ դատաբժշկական եզրակացությունը կեղծ հիմքեր ունի և իրականության հետ՝ ոչ մի կապ: Ամենից ակներևը իբր թե տուժողի ֆիզիկական վիճակն է, որը բոլորովին այլ բանի մասին է խոսում: Համացանցում հայտնված բազմաթիվ տեսանյութերում նախ ինքը՝ Հարությունովը, բացատրում է իրական եղելությունը և այդ բոլոր տեսագրություններում չենք տեսնում ոչ թոքի վնասվածքի հետևանքով կտրված ձայն, ոչ էլ կողոսկրի կոտրվածքի հետևանքով առաջացած սակավ շարժունակություն: Ի վերջո, եթե այդքան ծանր վիճակում էր ենթադրյալ տուժողը, որը դատարանի համար կալանավորվելու հիմք կարող էր դառնալ, ապա այդ ինչպե՞ս եղավ, որ հիվանդանոցից երկու օր անց դուրս գրվեց:
Երեկ լրագրողների հետ ունեցած հերթական հարցազրույցի ժամանակ «տուժող» կողմ հռչակված Հարությունով ոչ միայն հերթական անգամ հերքեց այս եզրակացությունը, այլև մի շարք նոր բացահայտումներ արեց գործում իրականացվող նախաքննության ու դրա ստվերային կողմերի վերաբերյալ:
Մասնավորապես Հարությունով նշեց, որ հիվանդանոցում հայտվելիս իրեն հոգեմետ դեղեր են ներարկել որոշակի ցավեր կանխելու նպատակով, և այդ ընթացքում, երբ նա եղել է ոչ ադեկվատ վիճակում, նրան պարտադրել են ոչ միայն խոսել տեսախցիկի առջև, այլև ստորագրելու են տվել մի թուղթ, որի բովանդակությանը ոչ նա, ոչ նրա փաստաբանները մինչ օրս էլ ծանոթ չեն;
Հարությունովը հայտնեց իր զայրույթն առ այն, որ ինքը ծեծի չենթարկվելով հռչակվեց տուժող, ինչի հիման վրա մարդ կալանավորվեց շինծու դատաբժշկական եզրակացության հիման վրա: Հաջորդ մտահոգիչ բացահայտումը այն է, որ քննչական մարմնում հարցաքննությունների ժամանակ Հարությունովին մի շարք մեթոդներով՝ ընդհուպ մինչև սպառնալիք և շանտաժ, փորձել են կորզել այն, ինչ ուզել են իրականում լսել: Հետագայում նաև խուզարկումներ են եղել Հարությունովի բնակարանում, հետապնդուներ ընտանիքի անդամնեի նկատմամբ և արդյունքում խախտվել են քաղաքացու մի շարք իրավունքներ:
Այս ամբողջ գործընթացների դեմ անզոր գտնվելով և իր բարձրաձայնածի հանդեպ անուշադրությունից դրդված՝ Վյաչեսլավ Հարությունովը մամուլի ասուլիսի ժամանակ հարկ համարեց դիմել նաև ՀՀ վարչապետ Փաշինյանին, որպեսզի այս ամենաթողության հանդեպ առանձնահատուկ ուշադրություն դարձվի և պատիժը կրեն ոչ թե անմեղ մարդիկ, այլ կեղծարար դատաբժիշկները, քաղաքացու իրավունքները ոտնահարող ու շանտաժի լեզվով կեղծ ցուցմունքներ կորզող անձինք:
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
