Կեղտոտ պատվեր՝ ծախված լրատվականի կատարմամբ

Սերոբ Ամոյանը ֆեյսբուքյան իր էջում գրում է.

Այսօր mamul.am լրատվական կայքում հայտնվեց Գագիկ Ծառուկյանին վերագրվող հոդված, որում նշված էր, թե իբր 2011-14 թթ Ծառուկյանին պատկանող գազալցակայանների աշխատողներին պարտադրել են ձեռք բերել «Նիվա» մակնիշի ավտոմեքենա` աշխատավարձի մի մասի պահման փոխարեն: Առաջնահերթ ցանկանում եմ մի բան հասկանալ, արդյոք եթե այդպիսի դեպք պատահած լիներ, դրա մասին հանրությունը չէ՞ր իմանա, անհնար է որ նման երևույթը անհայտ մնար հանրության գերակշռող զանգվածի համար: Այս դեպքում ինչու՞ է mamul.am-ի նման ոչ բարով հայտնի լրատվական կայքը նման սուտ լուրեր տարածում: Հիշեցնենք , որ օրեր առաջ տեղի ունեցավ նմանատիպ մի դեպք: Հմայակ Հովհաննիսյանը, որը որ ավելի շատ հայտնի է իր «վաճառված ելույթներով» և հոդվածներով, անդրադարձել էր Ծառուկյանին, ասելով , որ նա տեղ չունի քաղաքական դաշտում: Այս ամենը կարելի է կապել գալիք ընտրությունների հետ, քանզի Գագիկ Ծառուկյանը հանդիսանում է ամենաբարձր վարկանիշ ունեցող քաղաքական գործիչներից մեկը, և այդ իսկ պատճառով էլ տարատեսակ քաղաքական պատվերների առիթ է հանդիսանում: Շատ հնարավոր է , որ վերը նշված 2 դեպքերի հետևում կանգնած է 1 մարդ, ով հասկանալով , որ Հմայակ Հովհաննիսյանը արդեն վարկաբեկված է և նրա սուտը բացահայտվել է, դիմել է mamul.am-ին, ցանկանալով ճանապարհ բացել ուրիշ քաղաքական ուժի համար: Բայց ամեն դեպքում խոսքս ցանկանում եմ ուղղել mamul.am-ի խմբագրին. լրատվական կայքը ոչ մի գումարի համար չպետք է սուտ տեղեկություններ հրապարակի և հասարակությանը գցի մոլորության մեջ, դա վաղ թե ուշ հենց Ձեր դեմ է աշխատելու, երբ հանրության լայն զանգվածների համար տեսանելի կլինի Ձեր իրական՝ ծախվածի դեմքը, իսկ թե դրանից հետո որքան կտևի կայքի գոյատևումը, կարծում ենք ակնհայտ է: Ամեն դեպքում կայքի ղեկավարությունը կամ պետք է ներողություն խնդրի սուտ տեղեկատվություն տարածելու և մարդու բարի համբավը վնասելու համար, կամ պետք է նշի այն մարդու անունը, ով տվել է նրանց տեղեկություն, այլապես կայքը պետք է ենթարկվի քրեական պատասխանատվության, որը օրինակ կծառայի մյուս լրատվամիջոցներին: