Երբ սուտ լրատվությունը անցնում է բարոյականության բոլոր սահմանները

Շավարշ Բզնունյանը ֆեյսբուքյան իր էջում գրում է.

Սուտ լրատվության տարածումը մեզանում նորություն չէ, բայց երբեմն անձնական և քաղաքական շահերի համար ստահոդ լուրերի տարածումը հատում է աններելիի սահմանը։

Վերջին օրերին որոշ լրատվական կայքեր անդրադարձան ԲՀԿ նախագահ Գագիկ Ծառուկյանի Սյունիքի մարզ այցելելությանը՝ այն փորձելով ներկայացնել բոլորովին այլ լույսի ներք, մասնավորապես, այն մեկնաբանելով որպես Սյունիքի նորանշանակ մարզպետի նկատմամբ Ծառուկյանի իբր սառը վերաբերմունքով և այլն։ Սուտը այնքան ակհնայտ էր, որ կարքի չկա անգամ մանրամասն անդրադառնալ դրանց։ Նշենք միայն, որ Սյունիքի նորանշանակ մարզպետի արդյունավետ աշխատանքը ոմանց մոտ վատ ինքնազգացողություն է առաջացնում և նրանք նման միջոցներով են փորձում իրենք իրենց հանգատցնել։ Բայց ստի կյանքը քառասուն օր է։

Այսպես, ավելի ուշ պարզ դարձավ, որ այդ օրը ԲՀԿ նախկին պատգամավոր՝ Մերուժան Սիմոնյանի հոր մահվան տարելիցն է եղել, և Գագիկ Ծառուկյանի այցը Սյունիքի մարզ հետապնդել է այդ նպատակը։ Այցի ընթացքում, բնականաբար, չէր կարող լինել քաղաքական որևէ քննարկում, իսկ Սյունիքի մարզպետի նկատմամբ Ծառուկյանի սառը վերաբերմունքը ուղղակի հեքիաթի ժանրից է, հեղինակների վառ երևակայության արդյունքը։ Լրատվական նման տեղեկատվության տարածումը հատում է տրամաբանության սահմանը և արդարացում չի կարող ունենալ նման ստահոդ լուրերով քաղաքական կամ անձնական հաջողություններ գրանցելու անօգուտ փորձերը։ Սուտ լրատվությունները չեն կարող խեղաթյուրել այն իրողությունը, որ Գագիկ Ծառուկյանը մշտապես եղել է սյունեցիների կողքին և Սյունիքի մարզի խնդիրները եղել են նրա ուշադրության կենտրոնում։