Լևոն Շիրինյան. «Փորձառուները նույնպես գործ չունեն կառավարության կազմում». «Փաստ»
«Փաստ» օրաթերթը գրում է.
Քաղաքագետ Լևոն Շիրինյանը, անդրադառնալով վերջին զարգացումներին և Նիկոլ Փաշինյանի վարչապետ ընտրվելուն, «Փաստ»–ի հետ զրույցում նշեց, որ այսօր մեկնարկ տրվեց նոր պետականությանը՝ չորրորդ հանրապետությանը, որը որակական առումով նման չէ նախորդներին:
Շիրինյանը նշեց, որ այժմ խնդիրը ծրագրի ներկայացման մեջ է, այն պետք է բոլոր խմբակցություններով անցնի, ու քվեարկեն: Բայց միևնույն ժամանակ դրա վրա շատ պետք չէ կենտրոնանալ, որովհետև երկրում քայքայումն այնքան շատ է, իսկ խմբակցությունները պետք է ըմբռնումով մոտենան, և վարչապետի ներկայացրած ծրագիրը անցկացնեն, որպեսզի պետական մեքենան սկսի աշխատել ու թափ վերցնել:
Շիրինյանի դիտարկմամբ, ճիշտ կլիներ, որ վարչապետը առաջին քայլն աներ՝ շեշտադրելով արդյունաբերության և գիտության վերականգնումը մեկ գիտակցումով՝ եթե մենք արդյունաբերություն և գիտություն չենք շարժելու, մշակույթը չենք վերականգնելու, ուրիշ ռեսուրսներ չունենք: Սա պետք է լինի մեխը:
«Հիմա բոլորը խոսում են՝ կքվեարկի՞ Հանրապետականը այդ ծրագրին, թե՝ ոչ: Վստահաբար կքվեարկի: Եթե չքվեարկի, նրանց նկատմամբ կարելի է կիրառել Սահմանադրության երկրորդ կետը, համաձայն որի՝ իշխանությունը բխում է ժողովրդից, ժողովուրդը ինքնիշխան է, իսկ պետական ինստիտուտները՝ խորհրդարան, կառավարություն, ՏԻՄ, սպասարկում են ժողովրդի կամքի ռեալիզացմանը:
Քանի որ համընդհանուր այդ գործադուլի օրերին ընդգրկված է եղել հանրապետության ազգաբնակչության 90 տոկոսը, ուրեմն ոչ ոք վարչապետի լեգիտիմության բարձր աստիճանի պայմաններում, որ աշխարհում եզակի դեպք է, իրավունք չունի դրա դեմ քվեարկելու: Եթե դեմ քվեարկեց, պետք է Սահմանադրական դատարան դիմել:
Պետք է ընթացքը չկասեցվի, որովհետև խնդիրը արտահերթ ընտրությունների անցկացումն է: Այս խորհրդարանը լեգիտիմ չէ, գիտենք՝ ինչպես է առաջացել: Եթե վարչապետի հետ հակադրություն կազմակերպեն, այդ քայլը կլինի հակասահմանադրական և հակապետական: Իսկ նոր իշխանությունը պետք է հասկանա, որ այս ժողովրդի կուտակված էներգետիկան գրեթե 100% է: Դա չպիտի սպառվի»,– նշեց նա:
Մեր այն դիտարկմանը, թե նորընտիր վարչապետը զերծ մնաց կառավարության կազմի վերաբերյալ հարցերին պատասխանելուց, Շիրինյանը նկատեց, որ այս մասշտաբի գործ՝ սերժյան իշխանությունից ազատվելը, տասնյակ տարիներ Հայաստանը չէր կարողանում անել:
«Ենթադրում եմ, որ իրենք իրենց նկատառումներն ունեն: Սկզբունքը ճիշտ է վերցված՝ օլիգարխները կառավարության կազմում չպետք է լինեն, մեծահարուստները նույնպես: Թող գնան այլ աշխատանք անեն: Ֆինանսական և այլ հնարավորությունները պետության շահերի դեմ չպետք է ծառայեցնեն: Այս սկզբունքը եթե կիրառեն, մնացածը խնդիր չէ:
Օլիգարխներն ու մեծահարուստները գործ չունեն կառավարության կազմում: Մենք իրենց իշխանությունը տեսել ենք: Պետք է պրոֆեսիոնալներ ու մտավորականներ մեջտեղ բերվեն: Բայց և չպետք է շահարկեն փորձ ունենալը, որը երբեմն շատ բացասական է: Գողանալու, կոռուպցիայի փորձ էլ կա: Փորձառուներին առաջարկում եմ չընդգրկել կառավարության կազմում: Երիտասարդ ավյունով մարդկանց, այս հեղափոխության ռեսուրսը կօգտագործեն պետության համար»,– նշեց նա:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
