«Ադրբեջանն իր բռնապետությամբ միայնակ մնաց տարածաշրջանում». «Փաստ»
«Փաստ» օրաթերթը գրում է.
Այս օրերին Հայաստանում ընթացող ներքաղաքական զարգացումներին ուշի ուշով հետևում է նաև Ադրբեջանը: Ադրբեջանագետ Տաթևիկ Հայրապետյանի խոսքով՝ ադրբեջանական տեղեկատվական դաշտում հայաստանյան իրադարձությունների վերաբերյալ տարբեր տեսակի տեղեկատվություն ու լուրեր են պտտվում:
Ադրբեջանագետը «Փաստ»–ի հետ զրույցում շեշտեց, որ այն թափն ու հոգեբանական իրադրությունը, որն առկա է մեր երկրում, բավականին մտահոգում է ադրբեջանցիներին:
Նա մի շարք ձևակերպումներ և հանգամանքներ առանձնացրեց. «Թե՛ ադրբեջանցի հրապարակախոսների, և թե՛ օգտատերերի կողմից ընդգծվում էր մի ձևակերպում, ըստ որի՝ այսուհետ Ադրբեջանն իր բռնապետությամբ միայնակ մնաց տարածաշրջանում: Ադրբեջանում մինչև ապրիլի վերջ ընթանալու է «Ֆորմալումա 1» մրցաշարը, բայց, այդքանով հանդերձ, Ադրբեջանի խորհրդարան են մտցրել մի քանի օրինագծեր, որոնք պետք է քննարկվեն մայիսի 1–4–ը: Դրանցից մի քանիսը վերաբերում է հավաքների ազատության մասին օրենքներում փոփոխություններ մտցնելուն: Նախատեսվում են նաև փոփոխություններ, որոնք գործադուլների դեմ պատժամիջոցմներ և տուգանքներ են սահմանելու: Մեկ այլ օրինագիծ էլ արտակարգ կամ պատերազմական իրավիճակում ԶԼՄ–ների շրջանում սահմանափակումներ մտցնելու մասին է: Այսինքն՝ ոչ պաշտոնական ինֆորմացիա հրապարկելու դեպքում ԶԼՄ–ները կարող են տուգանվել: Ընդհանուր առմամբ, այս ֆոնին Ադրբեջանում ավտորիտար համակարգի խստացում է կատարվում»:
Ադրբեջանագետը շեշտեց, որ, այդուհանդերձ, Ադրբեջանի համար բավականին բարդ իրավիճակ է ստեղծվում:
«Եթե հայաստանյան իրադրությունը ճգնաժամից դուրս գա, այսինքն՝ շարժման պահանջները բավարարվեն, ապա Ադրբեջանի համար միջազգային առումով բավականին բարդ իրադրություն է ստեղծվելու: Այսինքն՝ այն վտանգը, որ Հայաստանը կասոցացվի Ադրբեջանի հետ, այսուհետ վերացած է: Էլ չասեմ, որ միջազգային մամուլը ողողված է Հայաստանի մասին հրապարակվող նյութերով, որտեղ շարժումը բացառիկ հեղափոխություն է որակվում: Բացի այդ, միջազգային մամուլը գրում է այն մասին, որ առաջին անգամ հեղափոխություն է կատարվում առանց որևէ արտաքին ուժի ազդեցության: Քանի դեռ մեզ մոտ իրավիճակը վեջնականապես չի կայունացել, Ադրբեջանն իր համար բարդ իրադրության պայմաններում առաջիկայում կարող է ինչ–որ սադրանքների գնալ: Որովհետև եթե հետագայում իրադրությունը ՀՀ–ում կայունանա, Հայաստանի դիրքերը միջազգային ասպարեզում այլ կլինեն: Ադրբեջանի համար նոր մարտահրավեր է նաև հնարավոր նոր ուժերի հետ բանակցության գնալը, իսկ մինչ այս բանակցող կողմերն իրար ճանաչում էին»,–շեշտեց մեր զրուցակիցը:
Նրա խոսքով՝ եթե Հայաստանում քաղաքական ճգնաժամը խորանա, այս նոր իրավիճակում Ադրբեջանը կարող է ինչ–որ սադրանքների գնալ. «Բայց ոչ այս փուլում, երբ անցկացվում է «Ֆորմուլա 1»–ի մրցաշարը: Ադրբեջանի համար միջազգային ասպարեզում այլ իրավիճակ է ստեղծվում՝ նա պետք է բանակցի մեկ այլ ձևով ներկայացող Հայաստանի հետ»:
Շարունակությունը՝ «Փաստ» օրաթերթի այսօրվա համարում
Вступило в силу постановление правительства о порядке расчета налога исходя из мощности двигателя эл...
Жители Тигранашена не имеют права собственности и живут в постоянном ощущении угрозы (Видео)
Геополитическое балансирование — на «нитке». «Паст»
Арестовать весь армянский народ не получится: «Паст»
С кем же на самом деле встретился Никол Пашинян? «Паст»
ВТБ (Армения) упростил процесс автокредитования на первичном рынке
Emirates: Гражданам Ирана запрещён въезд и транзит через ОАЭ
Армяне Москвы встретили Пашиняна акцией «Мы с Эчмиадзином»: «Паст»
Армия Ирана пригрозила отбросить военных США в период до каменного века
Власти уже «цепляются за соломинку». «Паст»
