Արամ Սարգսյան. «Խորհրդարանն անպայման պետք է ընտրություն կատարի` հաշվի առնելով ժողովրդի կարծիքը». «Փաստ»
«Փաստ» օրաթերթը գրում է.
Հայաստանի դեմոկրատական կուսակցությունը առաջիններից էր, որ հայտարարեց, որ միանում է Նիկոլ Փաշինյանի շարժմանը: Եվ հիմա, երբ արդեն հասել է «Քայլ արա» նախաձեռնության հաջորդ երեք քայլերի կատարման ժամանակը, կարևոր է հասկանալ, թե շարժմանը միացած կուսակցություններից ով ինչպես է պատկերացնում թավշյա հեղափոխության ամբողջական, լիարժեք ու անցնցում անցումը: Դեմկուսի նախագահ Արամ Սարգսյանը «Փաստ»–ին փոխանցեց, թե իրենք կողմ են, որ հարցը լուծվի Սահմանադրության շրջանակներում:
«Խորհրդարանն անպայման պետք է ընտրություն կատարի՝ հաշվի առնելով ժողովրդի կարծիքը և ժողովրդի որոշումը: Բայց այս ամենով հանդերձ կան առանձնահատկություններ, որոնց մասին պետք է պայմանավորվել: Խոսքը պետության կայունության և անվտանգության մասին է: Եվ այդ բոլոր նշված հարցերը չափազանց կարևոր են, և ես հենց այս հարցերի շուրջ եմ տեսնում բանակցությունների իրականացումը և պայմանավորվածությունների ձեռք բերումը: Սա է ամենակարևոր հարցը, ոչ թե այն, թե ով կլինի, կամ ով չի լինի վարչապետը: Արդեն իսկ պարզ է, որ հետդարձի ճանապարհ չկա, բայց մենք կողմնակից ենք, որ պետք է համակարգն ամբողջությամբ կազմաքանդվի: Եվ որպեսզի դա կայանա, անհրաժեշտ է համապատասխան քայլեր իրականացնել: Եվ քաղաքական այն ուժերը, որոնք կողմնակից են այս գաղափարներին, պետք է ձևավորեն քաղաքական խորհուրդ և հարցերն այնտեղ կարգավորեն»,– ասաց Ա. Սարգսյանը:
Ինչ վերաբերում է առաջին դեմ լինելուն, ապա նա նշեց, որ Նիկոլ Փաշինյանի լիդերությունը որևէ քաղաքական ուժ չի ցանկանա և չի էլ կարող յուրացնել, բայց քաղաքական փորձառություն ունեցողները պետք է համախմբվեն և երկիրն առաջ տանելու շուրջ բանակցություններ իրականացնեն:
Խոսելով Կարեն Կարապետյանի այն հայտարարության մասին, թե բանակցությունները միակողմանի չեն լինում, Դեմկուսի առաջնորդն ընդգծեց, որ ամեն ինչից ակնհայտ երևում է, որ իշխանությունները չեն կարողանում կառավարել երկիրը:
«Այն, ինչ մենք տեսնում ենք այս 10 օրվա ընթացքում, ցույց է տալիս, որ ժողովրդի բացարձակ մեծամասնությունն ուզում է այս համակարգից ազատվել: Եվ քանի որ այդպես է, ուրեմն իշխանությունը պետք է հասկանա, որ իր կարողություններն այլևս այն չեն և ժամանակն է խաղի կանոնները ճշտելու, պայմանավորվածություններ ձեռք բերելու և այս իրավիճակից անցնցում դուրս գալու համար»,– ասաց Ա. Սարգսյանը:
Քաղաքական գործիչը նշեց, որ Հայաստանը աշխարհին ցույց տվեց, թե ինչ հնարավորություններ ունի և ժամանակն է ցույց տալու, որ մնացած գործընթացը նույնպես կարող ենք նույն որակով իրականացնել:
Ի դեպ, ՀՀ նախագահ Արմեն Սարգսյանը սկսել է քաղաքական բանակցություններ վարել կուսակցությունների հետ: Եվ այսօր հանդիպելով Դեմոկրատական կուսակցության ներկայացուցիչների հետ` նա նշել է, որ ամենակարևորն իր համար Սահմանադրության շրջանակներում քայլեր ձեռնարկելն է:
«ՀՀ նախագահը կարծում է, որ ստեղծված իրավիճակի պայմաններում միակ հնարավորությունը Սահմանադրության շրջանակներում համազոր քայլեր իրականացնելն է: Եվ պետք է ամեն ինչ անել, այդ սահմաններից չշեղվելու համար: Եթե ես լինեի հանրապետականների փոխարեն, ապա ճիշտ կգնահատեի իրավիճակը և կառաջարկեի համապատասխան սահմանադրական լուծումներ»,– ասաց Ա. Սարգսյանը:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
