Ամո Շարոյան. «Մեր ապագան մշուշոտ չի». «Փաստ»
«Փաստ» օրաթերթը գրում է.
«Միդիա–Շանգալ» եզդիների ազգային միավորում հասարակական կազմակերպության նախագահ Ամո Շարոյանը խոսելով այս օրերին տեղի ունեցող խաղաղ բողոքի ակցիայի մասին, նշեց, որ Հայաստանի Հանրապետության յուրաքանչյուր քաղաքացի ազատ կամարտահայտության իրավունք ունի: Եվ այսօր երիտասարդներն իրենց կամքն են արտահայտում:
«Թեև մեր կազմակերպությունը այս իրադարձությունների մասին մինչ այս պահը չի հայտնել իր դիրքորոշումը, բայց մենք մշտապես կայուն պետականության կողմնակից ենք և ցանկանում ենք, որ այն ամուր լինի: Ինչ վերաբերում է բարձրացվող հարցերին, ապա մենք ցանկանում ենք, որ ծագած հարցերը լուծվեն կողմերի միջև երկխոսության և փոխզիջումների ճանապարհով, այնպես, ինչպես պահանջում է երկրի ընդհանուր շահը»,– ասաց Ա. Շարոյանը:
Նա նաև նշեց, որ պետք չէ մոռանալ ներկայի վտանգներով լի աշխարհում Հայաստանի ունեցած աշխարհագրական դիրքի և աշխարհաքաղաքական զարգացումների մասին:
«Մեր երկրի դիրքն այնքան էլ բարեհաջող չի, բայց, դա մեր ճակատագիրն է, որից չենք կարող խուսափել: Ուստի մենք, հայաստանցիներս, պետք է ամեն վայրկյան մտածենք մեր երկրի անվտանգության մասին: Բացի այդ, պետք չէ մոռանալ, որ Աստված մեզ մեկ անգամ ապրելու կյանք է տվել և պետք է այն ոչ միայն ճիշտ, այլև լավ ապրել»,– ասաց Ա. Շարոյանը:
Խոսելով գերտերությունների շահերի մասին, հիշեցրեց, որ դժբախտաբար, այնտեղ, որտեղ համընկնում են նրանց շահերը, նրանք այդ ուղղությամբ են քայլեր ձեռնարկում, անտեսելով ողջ երկիր մոլորակի անվտանգության, խաղաղության և բարգավաճման հարցերը, ինչը նաև մարդկության անվտանգությանն է սպառնում:
«Դժբախտաբար գերտերությունների համար առջնահերթ խնդիրը նյութական շահն է, իսկ տարածքով մեր երկրի նման փոքր պետությունները պարտավոր են ժողովրդի անվտանգությունը հաշվի առնելով դիմակայեն մարտահրավերներին: Այսինքն, ամեն քայլ պետք է իրականացնենք մեր զինվորի, մեր անվտանգության երաշխավորի մասին մտածելով»,– ասաց Ա. Շարոյանը:
Նա նաև նշեց, որ Հայաստանում կան մի քանի եզդիական կազմակերպություններ, սակայն չկա մեկ միասնական ազգային մարմին: Ուստի, այդ է պատճառը, որ իրենց համայնքի ներկայացուցիչներին ուղղված մեկ ընդհանուր նախաձեռնությամբ և հայտարարությամբ հանդես գալ չեն կարող: Բայց, այնուամենայնիվ, «Միդիա–Շանգալ» եզդիների ազգային միավորում հասարակական կազմակերպության նախագահը իրենց համակիրներին ողջախոհության և իրավիճակը ճիշտ գնահատելու կոչ արեց:
«Այս ամենով հանդերձ, պետք է հիշել նաև 2014 թվականի օգոստոսի 3–ին «Իսլամական պետություն» ահաբեկչական կազմակերպության կողմից իրականացված եզդիների ցեղասպանությունը: Ուստի, իմ կարծիքով առաջնահերթ խնդիրը, որն այսօր ամենակարևորն է մեր երկրի, մեր ժողովրդի համար Հայաստանի անվտանգությունն է: Չնայած այդ ամենով հանդերձ չպետք է մոռանալ նաև մեր ժողովրդի բարեկեցության և ազատ արտահայտվելու իրավունքի մասին: Ինչ վերաբերում է պարոն Փաշինյանի կողմից կազմակերպած շարժմանը, ապա պետք է նկատել, որ մեր ապագան մշուշոտ չի և մեր երիտասարդությունը կարողանում է այն գնահատել: Ես կրկին կոչ եմ անում և՛ դիմադիր, և՛ ընդդիմադիր կողմերին, և՛ բոլոր քաղաքացիներին, որ առաջին հերթին մտածեն մեր երկրի անվտանգության և ապագայի մասին, գնան երկխոսության և երկկողմանի համաձայնության գան, այդ բոլորով հանդերձ գնահատեն մեկը մյուսին և գտնեն այն ռացիոնալ հատիկը, որը հաջողություն կբերի մեր երկրին: Տա Աստված, որ մենք լավին լավով հասնենք»,– իր խոսքը եզրափակեց Ա. Շարոյանը:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
