Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես». «Փաստ»
«Փաստ» օրաթերթը գրում է.
Հասարակական գործիչ Մուշեղ Սաղաթելյանի կարծիքով ողջ հանրապետությունով տեղի ունեցող խաղաղ բողոքի ակցիաները ոչ թե ժողովրդի մեջ կուտակված բացասական էներգիան պարպելու նպատակ են հետապնդում, այլ հակառակը՝ այս ընթացքում մարդկանց մոտ դրական էներգիայի կուտակում է տեղի ունենում:
«Բացասական էներգիա չկա: Արդեն սկսել են ոտքի կանգնել այն մարդիկ, ովքեր ավելի վաղ ասում էին՝ «ինչու միանանք», «եթե միանանք՝ կծեծեն»: Իսկ հիմա նույն այդ մարդկանց մոտ ինքնաբուխ ցանկություն է առաջանում, որ իրենք էլ մասնակցեն ակցիաներին: Եվ դա դրական էներգիայի ձեռքբերում է, ոչ թե կորուստ»,– ասաց Մ. Սաղաթելյանը:
Նա կարծում է, որ այս օրերին կատարվող իրադարձությունները կավարտվեն իշխանությունների հրաժարականով, իսկ Սերժ Սարգսյանը կհեռանա:
«Երևի իր կողմից պատրաստած կադր կունենա Սերժ Սարգսյանը, բայց հավանաբար դեռ չի ուզում այդ քայլին գնալ: Հիմա մենք ամբողջ աշխարհի ուշադրության կենտրոնում ենք: Ամենավստահելի և հզոր ուժը ուսանողության ու երիտասարդության ուժն է: Նրանք այնքան լավն են ու բարի, այնքան լավ են պատկերացնում «ազատ, անկախ Հայաստան» հասկացողությունն ու գաղափարը, որ հնարավոր չի, որ պարտվեն: Ու եթե նրանց ծեծեն էլ, «սպանեն» էլ, միևնույն է, իշխանություններն են պարտվելու: Դա իշխանությունների պարտությունը կլինի: Հիմա էլ, այն, ինչ տեղի է ունենում, իշխանությունների պարտությունն է: Եվ եթե մարդկանց թվում է, թե իշխանությունները չեն ցանկանում նախկինի նման ճնշում գործադրել, սխալվում են: Նրանք պարզապես չեն կարող, քանի որ, երբ երիտասարդները համախմբվում են, ամեն ինչ փոխվում է: Բայց, Նիկոլ Փաշինյանն ինչ է անում, որ: Ոչինչ էլ չի անում, ընդամենը քաղաքացիական հասարակությանն է կրթում»,– ասաց Մ. Սաղաթելյանը:
Խոսելով ընդդիմադիր այլ կուսակցությունների պասիվության մասին` նա նշեց, որ բոլորն էլ գրագետ, տարիների փորձ ունեցող, քաղաքականության մեջ հղկված և փորձառություն ունեցող, խելացի, մտածող գործիչներ են: Եվ եթե իրենց հպարտությունը թույլ չի տալիս, որ գան ներողություն խնդրեն, որ մինչև այսօր չեն եկել ու վերջակետ դրել այս հարցին, ապա Մ. Սաղաթելյանի կարծիքով կա՛մ Սերժ Սարգսյանից են վախենում, կա՛մ Նիկոլ Փաշինյանից:
«Այսօր այնպիսի իրավիճակ է ստեղծվել, որ ալիքը հասնում է գյուղական բնակավայրեր: Եվ եթե գյուղացիներն էլ մասնակցեն այս ակցիաներին, ուրեմն իմացեք, որ՝ վերջ: Այս ուսանողներին ու երիտասարդներին միայն չի բավարարում ուժը: Ես նկատի չունեմ կռվող ուժը, բայց երբ մի 5000 գյուղացի միանա այս պայքարին, հավատացեք, որ բոլորը իրենց ավելի հպարտ կզգան»,– ասաց Մ. Սաղաթելյանը:
Խոսելով հանրահավաքի ժամանակ Նիկոլ Փաշինյանի կողմից հնչեցված ուղերձին, որով նա կոչ արեց համայնքների բնակիչներին` գրավել համայնքների ղեկավարների գրասենյակները, ավագանու անդամներից պահանջել, որպեսզի միանան թավշյա հեղափոխությանը, Մ. Սաղաթելյանն ասաց, որ համայնքներում այնպիսի իրավիճակ է, որ մարդիկ նման բան չեն կարողանա անել:
«Այդ համայնքապետարանները Հանրապետական կուսակցության փոքր հենակետերն են, իսկ համայնքապետերը նրանց մարդիկ, ովքեր հիմնականում մի քանի անգամ ընտրվել և վերընտրվել են: Այն ժամանակ իշխանությունը բոլորին թույլ է տվել համայնքի փողերը գողանալ: Նրանք էլ ցորեն գողացող մկան նման գողացել են: Հիմա իշխանությունը լավ գիտի, ինչն–ինչոց է, բայց օրինակ մի քանի օր առաջ համայնքի գումարները յուրացնելու համար մի քանի նախկին համայնքապետերի կալանավորեցին: Այսինքն, ընդհանրապես, համայնքապետերը գյուղերում Հանրապետական կուսակցության ղաչաղներն են՝ ժողովրդի հոգեառները: Նրանք իրենց թայֆաներն ունեն, ժողովրդին ահաբեկում են, և իրենք են թելադրում համայնքի քաղաքականությունը»,– ասաց Մ. Սաղաթելյանը:
Բայց այս պայմաններով հանդերձ, նա հույս հայտնեց, որ երբ ալիքը հասնի համայնքներ, մարդիկ իրենց մեջ ուժ կգտնեն և, իրենք էլ կմիանան շարժմանը, իսկ բարձրացած բողոքի ալիքը ոչ թե նվազելու, այլ՝ աճելու միտում ունի:
«Ամենամեծ հաղթանակները բարություն անելով են գրանցվել, և եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես: Այդ դեպքում ամենաչար ուժը չի կարող չար գործողություն անել քո նկատմամբ: Այս ճանապարհով են գնում այսօրվա երիտասարդները, և նրանք անպայման հաջողության կհասնեն»,– ասաց Մ. Սաղաթելյանը:
Гимнаст Артур Аветисян завоевал полный комплект наград Кубка мира
А теперь, с альянсом: Татоян меняет формат участия в выборах։ «Паст»
РФ переходит к жесткому сценарию: экспорт «Джермука» в Россию также будет запрещен: «Паст»
Стипендиаты программы «Армянские виртуозы» и участники программы «Родом из Арцаха» встретились со вс...
Европейские лидеры поддержат Пашиняна с оговорками или не станут бороться за его рейтинг? «Паст»
Какой «мессидж» дала «Сильная Армения» Николу Пашиняну многолюдным митингом? «Паст»
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
«Армения – земля потомков Ноя»: французское издание
Обращение движения «Нет «Западному Азербайджану»!» в офис ЮНЕСКО
