Գյումրիից կոչ են անում մյուս քաղաքներին նույնպես միանալ ցույցերին. «Փաստ»
«Փաստ» օրաթերթը գրում է.
SOS հաղորդաշարի ռեժիսոր, «Ասպարեզ» ակումբի նախագահ Լևոն Բարսեղյանի որդին՝ Հայկ Բարսեղյանը, իր ընկերների հետ միասին պատրաստվում են Գյումրիում ավտոերթ իրականացնել՝ համաքաղաքացիներին Երևանում տեղի ունեցող իրադարձություններին մասնակից դարձնելու նպատակով:
Հայկ Բարսեղյանը «Փաստ»–ի հարցին, թե ավտոերթն այնուհետև դեպի մայրաքաղաք ուղղությո՞ւնն է բռնելու՝ չհերքեց, բայց և չհաստատեց: Հայկն առավոտյան եղել է Երևանում, ցուցարարների հետ, սակայն հետո ընկերները զանգահարել են ու ասել, որ ինչու Գյումրին պետք է պասիվ մնա: Հայկի փոխանցմամբ՝ մեր զրույցի պահին բավականին շատ քաղաքացիներ են հավաքվել Շիրակի մարզպետարանի դիմաց, և 12:30–ին նախատեսվում է ավտոերթ սկսել հենց մարզպետարանի մոտից:
«Վանաձոր ու մնացած քաղաքներ, ո՞ւր եք քնել, զարթնե՛ք, ժողովուրդ ջան: Մենք Գյումրիում փորձելու ենք անհնազանդության քայլեր անել, բայց մնացածի մասին հիմա չեմ կարող ասել: Քաղաքում պետք է մոբիլիզացնենք որքան կկարողանանք, ու հանավաբար կգնանք Երևան»,– ահա այսպիսի կոչով դիմեց Հայկը հայաստանյան մյուս համայնքների բնակիչներին:
Հարցին, թե ճիշտ չէ՞ր լինի, որ մոբիլիզացիան տեղի ունենար Բաղրամյան պողոտայում, որպեսզի խոչընդոտեին Ազգային ժողովի նիստի կայացմանը, Հայկը պատասխանեց, որ պետք չէ ամեն ինչ կենտրոնացնել մեկ տեղում:
«Շատ կարևոր է, որ բոլոր մարդիկ, ովքեր ունեն մեքենա, մեքենաները թողնեն փողոցի տարբեր հատվածներում, միացնեն վթարային լապտերները, կապոտները բացեն ու փչանան այդ մեքենաները, կփակվեն բոլոր փողոցները: Եթե մենք քաղաքի կենտրոնում սարքում ենք անանցանելիություն, ոչ մի ոստիկանական տեխնիկա չի կարող գալ առաջ, որը շատ մեծ առաջընթաց է: Շատ կարևոր է, որ մարզերում, քաղաքներում, Երևանի տարբեր մասերում շարունակվի այս ամեն ինչը: Պետք չէ կենտրոնացնել ամեն ինչ մեկ տեղում: Եթե ոստիկանները կենտրոնանան մեկ տեղում, մենք կդառնանք ավելի թույլ, որովհետև ոստիկանները տարիներ շարունակ մեզ վրա «պարապել» են, իսկ մենք հիմա իրենց պետք է ցույց տանք, որ պարապածը ոչ մի կոպեք չարժե: Մենք մեր ստրատեգիան դարձնում ենք անկանխատեսելի, կարող է խփնվենք՝ էրթանք եսիմ ուր:
Բայց շատ կարևոր է, որ ամեն ինչ լինի «անկազմակերպված», բայց կազմակերպված միայն խաղաղ ձևով, այսինքն՝ բաց ձեռքերով բոլորի դեմ, կրակում եք՝ կրակե՛ք, քանի՞ հոգու պետք է սպանեք: Մենք չենք կրակելու, չենք կռվելու»,– հավելեց նա:
Շարունակությունը՝ «Փաստ» օրաթերթի այսօրվա համարում
Вопрос об аресте Чалабяна дошел до Европейского парламента: «Паст»
Почему стало модно «отчитывать» оппозицию, и чего на самом деле ожидает общество? «Паст»
Размик Марукян стал обладателем бронзовой медали XV Международного конкурса артистов балета
Артем Оганов получил международную госпремию Китая в области науки и техники — лично от Си Цзиньпиня
Небольшой французский уголок в Раздане при сотрудничестве с Конверс МСБ
IDBank предупреждает о мошеннических звонках от имени пенсионных фондов
Ложная дилемма мандатов: почему тема парламентского бойкота оппозиции - пустая повестка дня? «Паст»
Поздравление лидера движения «Всеармянский фронт» по случаю Дня Конституции Армении
Армения заинтересована в полноценном участии в ЕАЭС: Пашинян
Глава МИД Иордании: Подписание мирного соглашения между Арменией и Азербайджаном близко
